La presa di Gorizia

[AdlerTS]

Legio che el comun de Gorizia sta festegiado el 91° anniversario della prima conquista italiana de Gorizia del 8 agosto 1916.
A parte le mie convinzioni personali su chi jera i boni e i cattivi durante la prima guerra mondiale (che savè benissimo), me soffermo su due punti:

1. come se pol festeggiar un avvenimento che ga comportado decine de migliaia de morti ? tutt'al più se pol commemorar.

2. se andè a farve un giro a Venezia, troverè qua e là qualche targa (credo che non se arrivi a 10) che disi "casa colpita da bomba austriaca il (data)". Se i dovessi far lo stesso a Gorizia con un "casa colpita da bomba italiana" non bastassi le cave de Nabresina per far tutte le targhe.

....e i ga el coraggio de ciamarla redenzion

[ffdt]

la storia la fa chi che vinzi, mio caro

[babatriestina]

1. come se pol festeggiar un avvenimento che ga comportado decine de migliaia de morti ? tutt'al più se pol commemorar.

pensa solo a tute le commemorazioni dela II guerra mondial, chessò, per no far riferimenti locali, al Sbarco in Normandia.

2. se andè a farve un giro a Venezia, troverè qua e là qualche targa (credo che non se arrivi a 10) che disi "casa colpita da bomba austriaca il (data)". Se i dovessi far lo stesso a Gorizia con un "casa colpita da bomba italiana"

el confronto xe forzado, perchè Gorizia xe stada occupada e Venezia no, e po credo che Gorizia no gabi i tesori artistici de Venezia, per cui nissun , spero, gavessi el coraggio de bombardar Venezia.

Per mi, comunque, dele guerra andassi comemorado solo el giorno che le xe finide.

[rofizal]

Una pagina particolarmente triste xe i bombardamenti italiani su Gorizia che va dal novembre 1915 all'agosto 1916.

In un solo giorno del novembre 1915 vien distruti 500 edifici, costringendo ala fuga 27.000 dei oltre 30.000 abitanti, e chi restava doveva viver nele cantine. Anche l'ospedale vien bombardado più volte. E qua se pol veder i efeti sul Seminario Arcivescovile :




e in una via citadina:



Qualche link :
http://www.cimeetrincee.it/marinaz.htm
http://www.grandeguerra.ccm.it/scheda_a ... to_id=1137
http://www.isonzo-gruppodiricercastorica.it

[babatriestina]

Gradiria saverghene de più sul tipo debombe, aprchè la stessa parola bomba pol voler dir tante robe, dela molotov ala bomba atomica. De conseguenza istesso la parola boimbardamento.
Secondo, voleria saver de più sui bombardamenti austriaci sul Veneto, tipo quei su Treviso, su Venezia... cussì, per esser un poco più politically correct. O le bombe le gaveva solo che i italiani?

[rofizal]

Gradiria saverghene de più sul tipo debombe, aprchè la stessa parola bomba pol voler dir tante robe, dela molotov ala bomba atomica.

Lasando perder moltov e bombe atomiche... per Gorizia se parla de bombardamenti col canon. Te sa che ghe xe problemi de copyright per le foto dai libri, anche se trate da archivi uficiali. Fazo una picola ecezion per questo canon che, posto a Punta Sdobba, podeva rivar a bombardar Miramar.

Se tratava, per quei più potenti, de canoni de marina de 381 e 420 mm.

[rofizal]

Secondo, voleria saver de più sui bombardamenti austriaci sul Veneto, tipo quei su Treviso, su Venezia... cussì, per esser un poco più politically correct. O le bombe le gaveva solo che i italiani?

Anzituto laso a ti trovar notizie su quei argomenti, visto che te son ti interesada.
Secondo: per la prima fase de guera i austriaci gaveva pochi mezi e poche munizioni, no ghe bastava nianche a bombardar le trincee nemiche.
Terzo: sbaio o i italiani se spaciava per liberatori? Ma poi i bombardava la popolazion che i diseva eser italiana. Mah... Come a dir che la propaganda xe una roba mentre la realtà dei fati xe ben altra cosa.

[AdlerTS]

Secondo, voleria saver de più sui bombardamenti austriaci sul Veneto, tipo quei su Treviso, su Venezia... cussì, per esser un poco più politically correct. O le bombe le gaveva solo che i italiani?

Controllo una data e dopo te digo una roba

[babatriestina]

Anzituto laso a ti trovar notizie su quei argomenti, visto che te son ti interesada.

se volè, continuè pur voi la vostra storia a senso unico

[rofizal]

se volè, continuè pur voi la vostra storia a senso unico

Me par che el 99% dei libri scriti in italian (solo quei però) vadi nela direzion che te volesi ti. Xe quei che volesi el senso unico. Tanto che vardar le robe anche da un'altra visuale senbra daghi un poco fastidio. O no?

Pensa un poco a quele povere milioni de persone morte per el capricio de chi che comandava e de qualche esaltado. Mi me ricordo una famosa frase ironica, anche se de altri tempi: "Armiamoci e partite!"

[babatriestina]

Me par che el 99% dei libri scriti in italian (solo quei però) vadi nela direzion che te volesi ti. Xe quei che volesi el senso unico. Tanto che vardar le robe anche da un'altra visuale senbra daghi un poco fastidio. O no?

la tua me par una gran scorrettezza e prevenzion nei confronti dei storici italiani, che te li rappresenti come se i fossi ancora all'epoca del nazionalismo fra le due guerre. Forsi no te ga letto abbastanza..

Pensa un poco a quele povere milioni de persone morte per el capricio de chi che comandava e de qualche esaltado.

e per el capriccio? l'incoscienza? l'arroganza? de qualche Imperator dei Imperi centrali che ga scadenato la guerra

[rofizal]

Pensa un poco a quele povere milioni de persone morte per el capricio de chi che comandava e de qualche esaltado.

e per el capriccio? l'incoscienza? l'arroganza? de qualche Imperator dei Imperi centrali che ga scadenato la guerra

Go capido... ti te son una de quele persone che co vedi due che se pesta in strada ghe dà una man al più forte per zercar de fregarghe el portafoglio a quel che le ciapa...
...anzi, quei che manda avanti fioi dixendoghe "daghele! daghele!", sempre tignindo presente che el portafoglio no ghe lo lasa ai fioi ma se lo tien lori. I fioi, al masimo, se proprio ghe toca, i li porta poi in ospedal e ghe disi "bravo!", che però se per caso i dovesi ciaparle (e quindi niente portafoglio) dopo i le beca anche a casa!

[babatriestina]

Pensa un poco a quele povere milioni de persone morte per el capricio de chi che comandava e de qualche esaltado.

e per el capriccio? l'incoscienza? l'arroganza? de qualche Imperator dei Imperi centrali che ga scadenato la guerra

Go capido... ti te son una de quele persone che co vedi due che se pesta in strada ghe dà una man al più forte per zercar de fregarghe el portafoglio a quel che le ciapa...
...anzi, quei che manda avanti fioi dixendoghe "daghele! daghele!", sempre tignindo presente che el portafoglio no ghe lo lasa ai fioi ma se lo tien lori. I fioi, al masimo, se proprio ghe toca, i li porta poi in ospedal e ghe disi "bravo!", che però se per caso i dovesi ciaparle (e quindi niente portafoglio) dopo i le beca anche a casa!

a questo punto no xe più storia...

[macondo]

[MOD]La discussion la stá ciapando una bruta piega con atachi personali tra forumisti (i vari no me par che mitiga el livel dele frasi). Per evitar ulteriori spargimenti de sangue meto un bel lucheto[MOD]

[AdlerTS]

Me dispiasi che sto argomento "ne xe scampado de man" e spero che torneremo come al solito a parlar tuti da veci amici.
Approfitto però dei miei superpoteri da amministrator per zontar una roba che me sta a cuor, riportandola oggettivamente, senza commenti.

Controllo una data e dopo te digo una roba

"L'8 dicembre 1916 Carlo d'Asburgo ordinò alla flotta di non effettuare più attacchi aerei contro città aperte e contro le loro stazioni ferroviarie. Qualora particolari circostanze avessero reso necessaria una azione di questo tipo, avrebbe dovuto essere prima richiesta l'autorizzazione sovrana."