Nôtre Dame de Sion

[sum culex]

Notre Dame de Sion Come promesso ve mando le foto de sta cesa.
Sta volta xè la cesa giusta.

Eco le foto:






















Come che podè veder in sta cesa ghe son anche mi!




Questo xè el porton per andar dentro.

[sum culex]

[]











Per sta cesa pol bastar, anzi, basta e vanza.
ciao
sum culex

[babatriestina]

Anche questa xe una cesa dela fin del Ottocento-primi del Novecento, anche questa in stile neogotico, più vizin al gotico francese.
nel 1892-3 xe stada fatta richiesta de una scola religiosa per l'educazion dele putele de bona famiglia, soprattutto de famiglie austriache, iera averti per le mule i ginnasi e le scole tecniche, ma iera scole con masci e femine ( al Ginasio comunal po in classe miste- vedi un anno di scuola de Stuparich) . El Comun, quela volta in man ai liberali difensori dela scola laica, ga un poco remà contro a una scola tegnuda de suore, ma ste suore de Sion, fondade de un ebreo convertido , iera note per l'educazion, studiar francese iera parte de l'educazion come sonar el piano e diseganr, insomma i ga averto sta scola e fra el 1893 e el 1899 i ga costruido cesa e convento.
Molti dei arredi xe arrivai de Francia, le vetrate ( che gavevo messo i ocn foto molto meno belle) vien de Parigi 1899. Ovviamente el altar attuale postconciliare e altre sculture se capissi che xe inveze moderne.La Madonna dela statua xe de ghisa!
la scola ga durado fin ai anni 70 del Novecento, quando che le scole private religiose ga avudo un calo e po le suore de Sion nel frattempo se ga dedicado sporattutto al ecumenismo, cussì i ga serado el convento e i ga passado la socla alla facoltà de Magistero. la cesa dovessi dipender de s Antonio vecio.
Le mule de Sion, dette fra de lore "putele de Sion" de l'inizio del loro inno "Enfants de Sion, qu'on est bien ici" ( Fioi de Sion, come se sta ben qua) iera molto ligade fra de lore. Le studiava fin al diploma magistral.
iera tutto un sistema de premi e castighi, le brave portava una fassa Grand cordon d'honneur e le indisciplinate come sanzion i ghe cavava la crose che le portava impicada sul petto. El 20 gennaio iera la festa dela Congregazion e allieve e ex allieve se ritrovava in una gran sala tipo aula magna, a ciacolar, contarse ricordi e magnar el zucher de orzo che fazeva le monighe.( ste robe le so, perchè mia mama gaveva studiado a Sion)
ecove una foto, che gavevo za postado su triestemia, dele putele de Sion in giardin, intorno al 1935.

[Tirabaralla]

La batuda ghe go impiegà un poco per capirla, SUM.

Sai bela la foto del roson sora l'organo!

[AdlerTS]

Ogi go sentido per Tele4 che 'sta cesa xe una delle poche ad aver una statua de Maria Magdalena. Curioso.

[babatriestina]

Ogi go sentido per Tele4 che 'sta cesa xe una delle poche ad aver una statua de Maria Magdalena. Curioso.

Statua moderna o statua antica?( antica se fa per dir, visto che la cesa xe de fin ottocento, per cui la gaverà al massimo 100 anni o poco più... imagino, che se esisteva una cappella, sarà stada una statua o almeno una imagine al ospedal dela Maddalena, quel che i ga serado e i vol butar zo

[babatriestina]

la cesa dovessi dipender de s Antonio vecio.

Un altro dei nostri amici frequentatori "esterni" mi ha ricordato che la chiesa di Sion non dipende da S Antonio Vecchio ma è parrocchia insieme a quella di
via Besenghi. Colpa mia, che ho confuso la Madonna del Soccorso con quella della Provvidenza ( ma ste chiese sono come le litanie della Madonna..)

[Nona Picia]

A noi lo avevano detto le signore di Notre Dame.

[AdlerTS]

Baba, l'amico Mario domanda se magari te conossi qualchiduna de queste

[babatriestina]

Nissuna, de identificar con precision, po me par un mismas fra nomi e cognomi. Odio, Piccoli iera una siora che conosseva mama, ma no savessi se la iera a Sion. po mama, come immagino molte dele putele de Sion sue amiche, no dormiva: la andava la mattina, la pranzava e la tornava a casa a metà dopopranzo. Credo con un scolabus. El suo numero de collegio iera 144 ( una specie de matricola, lo trovo sui sui libri e anche su un piron). Dela foto, e dei caratteri cel testo diria che podessi esser anterior ai tempi de mama, che ghe andava nei Anni 30

[babatriestina]

ecove qualche vecia imagine de Sion, anni 30:
l'abside col altar preconciliar

una panoramica de cesa e convento

e , per gaver un'idea de come che iera vestide le monighe allora, un ritratto de Mère Annapia, che doveva esser una insegnante de mama:

[AdlerTS]

El puntuale Mario me manda una

[AdlerTS]

e una due

[refolo]

Betta,

mi gavero' forsi un 1/2 cm. de sangue Austriaco nelle vene, (piu' Ungherese), e certo non iera ricca, ma mi iero ogni giorno la, go impara' a ricamar. De nascosto coi iera i tedeschi, andavimo in cusina, in scuro per magnar.
credo che mio papa' non ga' paga' niente, le xe stade assai caritatevoli,
un per de lore le vegniva dal Belgio, e forsi dipendeva dal background dei mii veci nonni? chissa'....non go' mai domanda'.



Maria aka refolo

[trieste1]

Hi All
Please forgive my writing in English. Here is another aquisition from trieste which I would like help!
Where is this?
The card is small format, unused, undivided back with no publisher.
Aldo

[AdlerTS]

I give you an answer by moving the post card into the right topic: it's a Church ! Please see other pics to see how it looks today



El domandava cossa xe nella foto: ghe rispondo spostando la stessa in questo topic.

[Susi George]

Dietro questa foto di una classe a Notre Dame de Sion, c'e scritto; "Giugno 1926. III magistrale".

Mia mamma (che non aveva mai portato la fascia delle brave ragazze) e quella seduta in mezzo .. un po' appoggiata alla la vicina.

[babatriestina]

che simpatica foto!
la fascia delle brave ragazze era il "grand cordon d'honneur" , credo che nemmeno la mia mamma lo avesse ricevuto , lei mi diceva solo di un premio "effort de sagesse" che segnalava la buona volontà di migliorarsi. Ma il peggio era chi si comportava male , a cui toglievano temporaneamente la croce, come la prima in piedi a sinistra. In questa foto vestivano ancora alla marinara..
forse trovo da qualche parte la fascia colorata che portavano alla cintura, ma non credo fosse un segno speciale..

[Ciancele]

Te sa, Sum Culex, mi de putel son pasà tante volte davanti ala ceseta de notre dame de Sion. Ma me ricordo solo el muro e la riva in su col pasaman. Iero picio e no podevo vardar oltra el muro. No go mai savesto che la fusi cusì granda. No so se son mai sta drento. Forsi no. Ma forsi co’ iero nonsolo. Bele foto, ‘sai bele, anca al porton par ‘ndar drento. Parchè no te ga fotografà anca el porton par vignir fora? El iera sconto (nascosto)?

[sum culex]

Parchè no te ga fotografà anca el porton par vignir fora? El iera sconto (nascosto)?

No, no xè che el iera sconto; semplicemente i se gà dimenticà de meterlo e te toca vignir fora per el stesso porton che te ga doprà per entrar!
ciao
sum culex