Trieste in svendita

[Ciancele]

Amare riflesioni, ma semo presto a novembre. I nostri noni e bisnoni mai gavesi pensà che Trieste saria cascada cusì in baso. Xe pasadi cento ani, e xe cento ani de declino. Trieste la bella addormentata speta ancora el suo principe azuro. Un principe che no ghe porti solo un baso , ma anche una montagna de palanche. El declino economico porta anche al declino demografico. La bella addormentata devi sveiarse de sola e pensar solo ale convenienze economiche. Drio dei bori riva tuto el resto. El palazo Carcioti xe un tipico esempio de declino. El restauro de struture obsolete come gavemo dito in altri post costa tantisimo e el Comun ga i bori solo per far l'ordinario, o una asistenza anche quela deficitaria, figurarse far investimenti, e po' con quai? Gli investimenti pol vignir solo da le autonomie in tema de fiscalità,.....ma savemo el pensiero de la grosa fetta de politicanti triestini, tuti a spetar solo el baso del principe roman o furlan. E po' i bori ricavadi dalla vendita come i vinirà aministradi?. Aumento de l'assistenza a piova?

Domando scusa se me misio sensa saver de cosa che se trata. A mi de picio i me diseva che devo far una zerta roba. Se no fazevo mia mama me dava una zauca (schiaffone). Se i fioi de Trieste no i fa, no podaria misiarse la mama e .....

[Nona Picia]

E po' i bori ricavadi dalla vendita come i vinirà amministradi?. Aumento de l'assistenza a piova?.

E ti chi te pensi che li ciaperà?

[sono piccolo ma crescero]

Palazzo Carciotti xe nato come casa privata. De un sioraz che se dava de far. Adesso spetemo sempre la manna del cielo... che la sia de Roma o furlana, o de qualche altra parte ...

A mi me par che el testo dela canzon San Nicolò dei sardoni barcolani vivi, pituri sai ben l'ategiamento che gavemo a Trieste (e che forsi ga anche i altri, no so).

[Ciancele]

Forsi me go spiegà mal. Anzi, son sicuro. Mi volevo dir che naturalmente xe Trieste, la cità e la gente, che devi moverse per far progresi. La gente però pol far poco o gnente. Xe la cità, giunta, sindaco e dirigenti, che devi moverse nela giusta direzion. Ogni cità xe per conto suo. Ma fina a un certo punto, parchè se tute le cità de un paese sta mal, sta mal anca el paese. El stato dovaria ‘ver el controlo dela situazion. Se una cità no funziona ben, ma podaria funzionar meio, el stato dovaria dir alora ala cità: Cici, datti da fare. E se la cità no se dà da fare, el stato dovaria darghe una piadona in tel quel a chi che no funziona e meter altra gente, più sgaia. Una volta se diseva menarghe la man. No xe question de darghe la colpa sempre ai altri, ma se podaria domandarse parchè ‘sti altri no se movi. Se podaria anca pensar che a ‘sti altri Trieste no ghe interesa e i lasa che vada cusì. Errare humanum est, diseva un. Speremo ‘lora che mi me erro.

[babatriestina]

Mi digo solo che sior Carciotti iera un privato, no iera né la cità, né el sindaco, né la giunta né el stato .
E me domando Dove gavemo un Carciotti adesso? o se te vol anche Perchè no gavemo un Carciotti adesso?

[Ciancele]

So che xe proibido far polemiche. Par quel no le fazo gnanca. Volaria solo spiegarme più meio. Anca qua xe grose dite che scampa se no i ghe dà qualcosa: aut aut, se diria. ‘lora i comincia a far i conti. Cosa ne convien? Lasarli ‘ndar via o darghe quel che i vol che i resti? Qua diverse volte i ga dado teren, anca contro la volontà de quei che sta là, e i ga pensà: Anca se quei disgrasiai no paga tase, i dà lavor ala gente e ‘sta gente no ocori che se meti in casa. Cosa ne convien de più? De quel che go capì, per un motivo o l’altro i diversi Carcioti i perdi la voia de vignir a Trieste. No xe i diversi fori su Trieste o altri circoli pro Trieste che pol far qualcosa. Xe el comun. E qua digo: Se el comun no fa, fazeghe far. Anca a costo de meter al comun altra gente, ma che fazi. L’ultima monada de qua: Un comun gaveva una casa. I la ga venduda per pochi soldi, parchè la iera vecia. Quel che la ga crompada la ga mesa a posto e la la ga afità al comun par un mucio de bori. Tuto il mondo è paese, suolsi dire. No steve rabiar, parchè ve vien l’alta presion. Con fibrillazione atriale. Ma nervoso fa.

[Piereto]

Per chi che ghe piasi el politicamente corretto no se devi dir svendita , bensì cartolarizzazione. Da un lato se se libera de beni costosi de mantinir, per mancanza de schei, e cusì se fa cassa no risolvendo i problemi una volte per tute, ma tirando a campà per un solo anno. L'anno dopo mancherà de novo schei, e allora i se inventerà qualcosa de altro che se ciama o incremento de aliquote de tasse, o una nova parola come la tassa de scopo, o introducendo el ticket , oppur mancando ancora più i soldi, i dirà che una tassa devi esser retroattiva. Modernamente questa operazione finanziaria vien definida popolarmente un atto vampiresco. Uno alora se domanda ma perchè manca sempre soldi. I te disi alora che xe l'inflazion, e che xe gente che no paga le tasse, nisun vien a dirte che qualchidun nei piani alti gà deciso de aumentarse i stipendi o de far beneficenza ai propri amici. Ma tornemo a livello comunale. Se i soldi de le tasse restasi a livello del singolo comun, e dove chi che le spese le fa assenatamente, le robe andasi certamente meio e no ocoressi aumenter le tasse. Inveze sucedi che in molte zone del nostro paese manca bori. Gavemo tanti esenpi soto i oci. Roma gà un puf de 10 miliardi, la regione Sicilia me par più de 8 , lo Stato ghe devi ai fornitori 65 miliardi. Esisti però e meno mal, anche le regioni con avanzo de bilancio, che però no pol esser speso sul territorio regionale perchè el devi andar a coprir le perdite de altre parti del paese. Cusì xe gente che se suicida, aziende che falisi, e gente che xe costretta a evader le tasse. Tornando al nostro Carciotti ben venga la vendita de un bene pubblico cioè teoricamente nostro, Pecà che le condizioni dell'Italia no ne permetti de far altrimenti o destinarlo ad un uso museale o a palazzo de congressi. Anche la stazion marittima coreva el pericolo anni fa de far la fine de un rudere come el porto vecio, ma po qualchidun se gà da de far per atirar navi passeggeri e la xe stada trasformada in centro congressi. El Carciotti o la pescheria iera altri loghi deputadi a sostituir la marittima per no dir del magazin vini o de un silos de la stazion, dove che dovesi vinir meraviglie. Centro congressi, Hilton, teatro , ipermercato. Me vedo che i lavori xe sai fermi. Xe tuta la nazion italiana che gà el problema delle autonomie, perchè ogni singola localita gà de le problematiche irrisolte e la mancanza de interventi provoca la lenta disgregazione del concetto de unità. No per niente in costituzion se prevedeva le Regioni ( un input a crear uno stato federale). Dove che l'idea autonomistica gà un forte valor , là le robe funziona. La Germania xe federale, la Svizzera idem. Anche in Austria i land xe in parte autonomi La francia funziona grazie al sistema dei dipartimenti. La Gran bretagna xe diviisa in tre regni e le contee xe bastanza autonome. Solo i Stati europei con poca popolazion pol permetterse de aver do o tre grosse città e una periferia che ghe sta intorno e riva a barcamenarse.

[babatriestina]

te vedi, xe che semo stadi tirai suso in un contesto de socialismo. No iera comunismo al poter, ma el discorso che te fa xe " Carciotti xe bene pubblico cioè nostro". Ma palazzo Carciotti iera una roba costruida de sior Carciotti per sè, no iera dela Comun o del Stato o de Maria Teresa... nol iera nato come edificio publico giallo Maria Teresa, per capirse come le poste, le ferrovie, le scole.

Eco a un certo punto qualchedun -privato- lo ga vendudo al Comun. O el Comun lo ga espropriado, no so ben... e se lo ga doprado peri propri uffici. Iera Capitaneria de porto o qualcossa del genere, uffici Acegat sul drio... podemo semai domandarse perchè el Comun ga preferido adatarse per i propri uffici una scola ( quela de via del Teatro romano/piazza Vecchia rimetendola a novo inveze che el Carciotti. imagino che costava de meno.

una volta sempre per el stile socialista ( socialdemocratico, questo diria) se vedeva tuto keynesianamente, el Stato se fa carigo dei problemi ( e se no xe el Stato come che disi Piereto xe i enti locali) e anche e el va in deficit va ben istesso perchè prima o dopo con sto sistema l'economia ripartirà. Solo che l'economia no xe ripartida, el stato e i enti locali iera vizini d ela bancarotta e de un pochi de decenni in qua ( disemo che ga cominciado intorno al 1980) i ga cominciado a dar premi Nobel per el economia ai conservatori, sostegnidori del economia de mercato, del a proprietà privata, dela privatizzazion.. Friedman e compagni... e tuti ghe xe andadi drio.
Chi ga ragion? no so... i stessi economisti no se ga messo dacordo..


e cussì el Carcioti nato privato torna a un privato. Corsi e ricorsi dela storia.


e simile xe el discorso del edificio dela RAS. La RAS no xe più, la ga comprada Allianz. E Allianz che xe una società privata no dopra el edificio. E i lo vendi. Imagino vincolado dele Bela Arti. I ga presentado un progetto per far un grande albergo. I alberghi xe privati, no xe più i alberghi de stato come el Rossya a Mosca. i speta e spera che vegni o un mecenate ( ma gavè visto che anche el nostro mecenate la fondazione CRT sta fazendo causa milionaria a Borsatti?) o i famosi " investitori privati" perchè i investitori pubblici no xe più, paressi..
Mi go doprado la parola svendita perchè xe tropa roba che i vendi e sui prezzi.. no so se xe de mercato.

[Piereto]

Tuto giusto el Carciotti xe nata come costruzion privata, la xe diventada pubblica no so se per donazion, e comunque i la gà tignuda fin che i gà riva a farghe fronte alle spese. E deso xe giusto venderla, no certamente svenderla. El demanio che sia comunal o de lo Stato, oggi xe comunque proprietà de tutti i cittadini. Sarà un concetto socialista ,ma xe un concetto de Repubblica cioè di cosa pubblica. Prima el demanio de lo Stato iera proprietà dei Savoia, cioè iera proprietà de un privato che a sua volta iera anche proprietario de una grande parte dei terreni de un regno e originariamente el iera stado scelto in un consesso de nobili a loro volta proprietari terrieri a svolger la funzion de capo. Questa xe storia. Xe interessante veder come che le robe o le attività umane le cambi de man. Ora le robe de far funzionar le xe convenienti economicamente per el privato, e dopo col privato molla, a richiesta dei cittadini subentra lo Stato o altro ente pubblico. Che per svolger un servizio el xe in perdita, in quanto el costo del servizio xe maggiore delle entrate tributarie. Tutte le opere pubbliche che xe stade fatte da lo Stato xe in realtà frutto dei sacrifici dei cittadini che se gà privado de una parte de le loro entrate, per poderle poi usar ste opere pubbliche. Quindi el progresso delle terre europee xe sta molto lento nel tempo e primi a goder dei frutti xe rivade le classi sociali con più mezzi economici e minori sacrifici. Quindi, e rivo alla fine,fin che punto se pol svender le proprietà statali per mantenir in pie uno stato sociale ?. Questo per spiegar perchè gavemo un deficit de bilancio che no rivemo a ripianar e perchè dovemo vender a privati stranieri. Quasi tuti sti fondi de investimento sfruterà per un pochi de ani ste proprietà e po i le tornerà a vender. A la fine resta una rava da cui no se pol più cavar sangue.

[babatriestina]

Tuto el resto ok Piereto solo qua no me bati ben

. Prima el demanio de lo Stato iera proprietà dei Savoia, cioè iera proprietà de un privato che a sua volta iera anche proprietario de una grande parte dei terreni de un regno e originariamente el iera stado scelto in un consesso de nobili a loro volta proprietari terrieri a svolger la funzion de capo.

que che te disi gavessi senso nel Medioevo, forsi ancora prima che rivi i Asburgo qua... ma...

soprattutto qua a Trieste i Savoia xe rivai dopo el 18 e diria che a quel tempo iera za una precisa distinzion fra el patrimonio del Stato e el patrimonio privato dela famiglia regnante. Ancora adesso i se domanda se i gioielli che xe ( i iera, perchè de tanto tempo no i ga fato ricognizioni) in Banca d'Italia xe i gioielli della Corona d'Italia o i gioielli privati dei Savoia. E anche podemo domandarse se i gioielli c he amiremo tutti nela Schatzkammer a Vienna , sopratutto le corone, xe proprietà del Sacro romano impero, dela Repubblica austriaca o dela famiglia Asburgo.
Pensa ala regina di Inghilterra che la ga del suo ma la ricevi anche un apanaggio del Stato.

Credo che la distinzion fra patrimonio statale e quel privato dela casa regnante sia bastanza vecio risali almeno al Settecento. No son esperta de diritto, ma de storia me go interessato un tantineto.
Per dir, mi ancora no go capido quanto che Miramar iera proprietà privata dela famiglia Asburgo e quanto che el iera proprietà statale del Impero austroungarico: de quel c he gavessi capido, la prima dele due me par la vera .

[Piereto]

Co xe rivada l'Italia el demanio dello stato austrungarico a Trieste xe sta incamerà in quel italian. I Savoia podeva dispor a piacimento del demanio e del tesoro dello Stato ? Mi credo che bisognasi andarse a leger almeno l'ultima costtituzion del Regno. Chi che gà voia e tempo. Comunque i poteri medievali dei re noi se gà mantegnù nel tempo, perchè nobiltà e borghesia li gà erosi andando tante volte in aiuto finanziario de la casa regnante. Ferdinando Massimiliano gà comprado la proprietà de Miramar da le monighe benedettine, coi sui soldi. Quindi Miramare iera una proprietà privata.

[babatriestina]

. Ferdinando Massimiliano gà comprado la proprietà de Miramar da le monighe benedettine, coi sui soldi. Quindi Miramare iera una proprietà privata.

Fin che la iera sua.
Po el xe morto e gavessi dovudo ereditar Carlotta.
Ma le due famiglie reali se ga messo d'acordo e l e proprietà ex de Massimiliano xe finide ai Asburgo ma no so se tute a titolo privato. Lacroma, per dire, che Carlotta gaveva comprado e ghe gaveva regalado a lu. Pensa ala colezione egiziana privata de Massimilian che xe finida tuta ( meno la Sfinge) al Kunsthistorischesmuseum.

[Piereto]

Anche qua bisognasi andarse a leger no tanto la costituzion dela repubblica federale d'Austria del 1920, quanto i documenti del 1919 sull'abdicazion ed espulsion de Carlo I ( Ghe go da una scorsa a sta costituzion). Comunque me par che el Kunsthistorischesmuseum no sia sta creado come un ente autonomo ma da una volontà delle casa d'asburgo de farghe un dono all' Impero. Forsi ghe sarà stade anche delle donazoni private tra cui anche quele dei asburgo, e forsi per questo la collezion de Massimiliano , ritornada nel patrimonio de famiglia, la xe stada donada al museo.

[babatriestina]

come la più prte dei musei eruopei, dove che iera case regnanti, xe nata dela nazionalizzazion dele colezioni private de lori: del Louvre ala Galeria de pittura de Dresda o de Berlin