Pagina 1 di 7

Liberty a Trieste

MessaggioInviato: venerdì 20 ottobre 2006, 15:08
da babatriestina
Ben, se diseva che no gavemo affrontado ancora l'architettura Liberty a Trieste, e ghe ne xe! mi no son propio tanto patida de sto stile, che po qua prendi aspetti diversi, un poco xe vizin al Liberty francese, un poco al Secession viennese.. a volte anche el art déco ghe somiglia un poco, anche se xe de più tardi.
Un pochi de edifici, i più noti, xe in centro, ma ovviamente el Borgo teresian e zona iera neoclasico e po stile storico, quindi poco de novo i ga podudo far, e le case liberty se le trova un momentin fora centro, nei quartieri ciamemoli semiperiferici.
in centro, i più noti xe casa Smolars
Immagine
che tutti la ciama cussì anche se Smolars no ghe xe più de anni, cole sue statue de babe nude ( sarà per quel che tanti ghe piasi? :wink: :-D )
Immagine
Sempre nel stesso stile, xe la casa in alto del Corso, quela fatta al posto dela piazza dele pignatte ( vedi post )
Immagine
NB le foto che ve posto ne xe de gran qualità, volessi solo esser un spunto per chi che ga tempo e voia de andar a zercar de far de più e de meio.

MessaggioInviato: venerdì 20 ottobre 2006, 15:21
da babatriestina
ancora in pieno centro, la Casa Bartoli in Piazza dela Borsa de Max Fabiani ( la xe nel post della passeggiata) e quela dela UPIM coi affreschi de Lucano
Immagine
Basta spostarse verso el Viale e via Battisti per ritrovar liberty: la casa del angolo de via Polonio, coi do baboni nudi ( de qualche parte ghe gavevo visto anche attribuir un nome)
[Immagine
e una bella casa decorada ( ma no troppo curada) in mezzo a via Battisti
Immagine

MessaggioInviato: venerdì 20 ottobre 2006, 15:26
da babatriestina
e po bisogna spostarse: in alto de via Giulia xe una bella casa con molte decorazioni, anche se non in perfette condizioni ( arch Righetti 1903)
Immagine
qualcossa xe anche intorno al Politeama.
Una zona interessante xe in via Boccaccio:
Immagine
Immagine
Immagine

MessaggioInviato: venerdì 20 ottobre 2006, 15:32
da babatriestina
altra zona de caccia al liberty xe le vie Pascoli, Foscolo e dintorni:
una bellissima casa de l'architetto Mosco, che ga fato più de una casa liberty qua:
Immagine
Immagine
con bellissime porte che gavevo messo nel thread ( sequenza?? propongo un termine italian) dei portoni

Immagine
la svetta , col piccolo cornicion, fra i do cornicioni dei due palazzi pseudo toscani ai sui lati
Però: decorazion liberty ma dele colonne care al neoclassico no i se ga ancora liberado

MessaggioInviato: venerdì 20 ottobre 2006, 15:36
da babatriestina
in via Raffineria xe una casa piena de decorazioni più o meno del genere
Immagine
Immagine
Verso san Giacomo se incontra un stile molto diverso, ma anche del epoca
Immagine
questo xe meno floreale e più lineare.

MessaggioInviato: venerdì 20 ottobre 2006, 15:44
da babatriestina
Un'altra zona con case liberty xe el principio de via Tigor, xe là quela gran casa, de Mosco, che gavemo postado fra i portoni
Immagine
e anche quele di fronte ga dei bei portonzini decorai.
e anche drio de via s Michele, via tor S Lorenzo e vicinato, ghe xe robe interessanti, anche se lassade andar, come questa, meno floreale ma con una sua linea bella, pecà che la sia trascurada
Immagine
e anche un'altra là vizin, risenti del stile del epoca
Immagine

MessaggioInviato: lunedì 16 aprile 2007, 20:00
da babatriestina
Eco qua, per chi che ga voia, una prima lista de dove zercar roba Liberty: ma no steme domandar anca el numero, che scoperta xe, se no?
Casa Smolars, Via Mazzini
Casa in Corso Italia incrocio via Imbriani
Aquedotto, ex cinema eden,-supercinema.Principe
Aquedotto, casa di fronte del Politeama
Via Giulia abbastanza in alto
Via Battisti lato numeri pari
Casa arch Mosco di fronte ala scola ex manzoni adesso ist comprensivo (
V Foscolo?)
Via Tigor , casa Mosco e le case di fronte
Via Boccaccio tutta o quasi partir dal n 1
Porton in via Martiri della libertà

e rileggeve le note che go messo qua sora, che ve dà abastanza indicazioni...
E per le resto divertite un poco de solo!
mi ve metto qua un particolar de un porton de via Boccaccio casa privata dove che me xe capitado de passar, xe la decorazion del inizio dele scale
Immagine
e ecove un poche de imagini
Immagine
Immagine

MessaggioInviato: lunedì 16 aprile 2007, 20:04
da babatriestina
Tigor 11 architetto Drioli 1909
Immagine
Smolars
Immagine
Giulia
Immagine
a sta ora dovessi saver che tipo de ghirigori zercar..

MessaggioInviato: mercoledì 18 aprile 2007, 16:58
da Nona Picia
Zoomy comunica che el ga fato un 300 foto de quele richieste e el prega che gavè pazienza perchè el devi riversarle e curarle tute un poco, come al solito.

MessaggioInviato: mercoledì 18 aprile 2007, 17:02
da babatriestina
con tuti i detagli e i frinzoli fronzoli del Liberty, no dubito che el gaverà trovado pan pei sui denti! :-D

MessaggioInviato: mercoledì 18 aprile 2007, 17:20
da Nona Picia
babatriestina ha scritto:con tuti i detagli e i frinzoli fronzoli del Liberty, no dubito che el gaverà trovado pan pei sui denti! :-D



Infati el ga fato anche un sacco de particolari e "fronzoli" come che te disi ti

MessaggioInviato: mercoledì 18 aprile 2007, 18:11
da sum culex
Nona Picia ha scritto:
babatriestina ha scritto:con tuti i detagli e i frinzoli fronzoli del Liberty, no dubito che el gaverà trovado pan pei sui denti! :-D



Infati el ga fato anche un sacco de particolari e "fronzoli" come che te disi ti


Mi go fato un poco de tutto de quel che go trovà in sti due longhi giri che go fato l'altro ieri e sta matina: penso che no sarà solo liberty ma anche altri stili.
ciao
sum culex

MessaggioInviato: mercoledì 18 aprile 2007, 18:13
da babatriestina
o li comentemo tuti insieme come zona o li smistemo secondo el stil... :-D

MessaggioInviato: martedì 1 maggio 2007, 19:20
da babatriestina
qualche roba piu o meno liberty, girando per città..
questa xe in zona via Foscolo, o via Pascoli, me ga colpido per el rosso zigalon dela pittura, nova ovviamente, su cui risalta le decorazioni ciare. penso che no la sia nata cussì, ma l'insieme no me par po tanto mal
La casa mantien ancora finestre e colonnette come nel stile classico e storicistico, ma zonta le decorazioni più sinuose
Immagine
e po una casa in Piazza Ospedal, alzando i oci la terrazza in alto la me pareva un poco Secession, ecovela qua architetto Dompieri
Immagine

la successiva, invece, ga perso la regolarita dela precedente, i archi a tutto sesto, per una facciata mossa, con una parte sporgente, pergoi de ringhiera.. più vizina al Secession.
Preciso che Liberty, Secession, floreale.. xe termini diversi per un stile più o meno contemporaneo e simile diffuso ala fin Ottocento/primi del Novecento, e varia a secondo delle zone: liberty xe più franco-inglese, secession xe più viennese e centroeuropeo..

MessaggioInviato: domenica 1 luglio 2007, 22:06
da AdlerTS
babatriestina ha scritto:Basta spostarse verso el Viale e via Battsiti per ritrovar liberty: la casa dell'Ambasciatori all'angolo de via Polonio, coi do baboni nudi ( de qualche parte ghe gavevo visto anche attribuir un nome)


non sarà celebri come Tinza e Marianza , ma dovessi eser Gigogin e Barbara.

MessaggioInviato: lunedì 16 luglio 2007, 20:16
da DJANGO
Forse non tutti sanno che la cd casa Smolars in realtà nasce come palazzo Terni. Le iniziali AT nel fregio sotto le statue sono quelle di Augusto Terni, il committente. L'anno di costruzione è il 1906-1908

MessaggioInviato: lunedì 16 luglio 2007, 20:32
da DJANGO
La cosa buffa è che in realtà si tratta di tre distinti palazzi , ognuno con proprio ingresso e scala. Ho una foto in cui manca l'angolo di via mazzini, che è stato costruito in seguito; non riesco a postarla ma la potete vedere anche se incompleta sotto la voce piazza gadolla .
L'architetto è Romeo Depaoli.
Sul tetto due statue che ho ripreso più da vicino, sull'angolo del palazzo Ras un cocal me guarda..

MessaggioInviato: lunedì 16 luglio 2007, 20:37
da DJANGO
Le cupole poi sono molto particolari, in scandole .
L'intero palazzo xe in restauro: per trovar chi pol far ste scandole stemo diventando mati, per farle come prima.

MessaggioInviato: lunedì 16 luglio 2007, 20:41
da DJANGO
Altri particolari delle statue intorno al finestrone elittico viste dall'interno

MessaggioInviato: lunedì 16 luglio 2007, 20:43
da DJANGO
Particolari delle scale interne