Cese catoliche: San Pio X°

[sum culex]

fato, e cussì i primi commenti precedi le foto e no se pol farghe gnente..

Iera scontado; però se un legi tuto tuto, capissi perfetamente el motivo.
ciao
sum culex

[spritz_bianco]

....legevo che el presbiterio xe realizado secondo le indicazioni della conferenza episcopal italiana...la domanda che sorgi spontanea xe se questi i ghe credi.....el tabernacolo messo in un trespolo ma dei!!! Quel che inveze a dispeto dela modernità dell'insieme me par ben realizado xe el batistero!

[babatriestina]

de quel che capisso dela locandina ( no son mai stada in sta cesa) i volessi dir che el tabernacolo no xe più come che voleva el Concilio de Trento in mezo del altar, perchè adesso col altar girado verso el publico el prete ghe voltassi le spalle, ma messo a fianco abastanza avanti. Sul trespolo no me pronuncio..

[Nona Picia]

....legevo che el presbiterio xe realizado secondo le indicazioni della conferenza episcopal italiana...la domanda che sorgi spontanea xe se questi i ghe credi.....el tabernacolo messo in un trespolo ma dei!!! Quel che inveze a dispeto dela modernità dell'insieme me par ben realizado xe el batistero!

Purtropo el novo parroco, venti anni fa più o meno, el ga stravolto l'altar...I altari dela cesa iera tuti in marmo e el tabernacolo iera al suo posto de sempre. Po' co el paroco vecio xe andà in pension e xe vignù el novo, el ga fato rifar l'altar magior in piera e cussì el xe come una scarpa e un zocolo coi altri...e a mi el me par gelido....Me par che el tabernacolo iera sta messo davanti zà prima con le nove regole, ma l'altar magior gaveva sempre el suo. Sta cesa me sembrava sempre un poco fredda, ma adesso la xe gelida....no parlo dela temperatura...

[Nona Picia]

Agiungio le foto dei due altari laterali, giusto per render l'idea dela "scarpa e un zocolo" No xe foto perfete, ma forsi rendi l'idea....
l'altar de Gesù

L'altar dela Madonna

un crocefisso che me piasi, con poche candele perchè le ga un prezzo esagerato....