Cese catoliche: San Pio X°

[serlilian]

Assai bele ste fughe de archi, ma quel Cristo, povero, par un origami.

[Nona Picia]

Assai bele ste fughe de archi, ma quel Cristo, povero, par un origami.

Mia nipote, co la iera una picia de 3 o 4 anni, ghe piaseva visitar le cese e co semo entradi in questa, la se ga guardà in giro e la ga dito:"Ma qui Gesù non c'è?" Mi ghe lo go mostrado e ela la me ga risposto:"Ma quello non è Gesù sulla croce, è un filo di ferro!"

[sum culex]

Visto che tute le foto iera sparide e che ghe ne gavevo qualcheduna in più, rimeto tuto de novo. Dopo che gaverò finì, tuti i post dele foto vece sostituide de quei oribili certi rossi, ghe prego fentilmente a chi che pol (mi no posso) de cancelarle. Grazie,
ciao
sum culex

[sum culex]

La parochia de San Pio X° xè stada istituida bastanza de recente.
Quando che ala fine dei ani '20 el comun ga aprovà el novo 'piano regolatore', la cità se ga esteso nele zone periferiche e la zona de Rozzol comicia rapidamente a popolarse, sopratuto cola costruzion dele numerosissime casete che costituisi el 'Rion de Re', cussì ciamado perchè xè vignudo a inaugurarle nel '28 proprio el Re.
A sto ounto se ga reso necessario un colegamento cola cità e el 23 dicembre de stesso ano xè stada istituida la linia tranviaria N. 11: i due capolinie iera Piazza Verdi e via Revoltella al'altezza de Scala Bonghi.
Dopo la seconda guera mondial el svilupo edilizio ga avù un forte incremento e de conseguenza un notevole aumento dela popolazion residente, macava però un logo de culto. Per oviar a quasto stato de cose xè stado adibido a capella un edificio civile. Sta capella xè stada consacrada el 23 luglio 1955 e dedicada a San Pio X°.
Dato el forte e continuo aumento dei abitanti dela zona iera necessario costruir una cesa vera e propria. Dopo varie vicissitudini per individuar el teren dove costruirla, perchè su primo posto individuà sorgeva una vileta che esisti ancora, ma che i paroni no ga volù in nissuna maniera ceder gnanche con una bona sovravalutazion, finalmente un poco de tempo dopo i ga individuà el posto dove che ogi sorgi la cesa.
L'incarico del progeto ghe xè sta afidà al architeto Vittorio Frandoli (marì dela mia santola de batizo, amici de famiglia). El progeto xè de concezion original e redato in modo de rachiuder el grande sagrato retangolare su tre lati con tuti i edifici: su un lato la faciata dela cesa col campanil e sui altri due la canonica e i edifici parochiali.
Iniziadi i lavori, in un tempo bastanza breve i xè stadi ultimai, tanto che la cesa xè stada consacrada dal Vescovo Santin el 20 magio 1963 e dedicada, come la precedente cappela, a San Pio X°.
El presbiterio e l'aula ga i archi e la volta in color ocra mentre le paredi xè in rosso pompeiano. Sul fondo del'abside, drio l'altar magior, trovemo tre grandi mosaici del artista triestin Dino Predonzani, che i rafigura San Pio X° tra i martiri triestini, San Giusto a sinistra e Santa Tecla a destra. L'opera xè stada realizada dai artisti mosaicisti dela scola de Spilimbergo usando soltanto tessere de due colori (beige e maron) e in sto modo i ga otignù un bel contrasto tra ciari e scuri. I mosaici xè stai messi nel 1968 e i xè senza contorni ispirandose a modei ravennati.
El crocifisso, impicà in alto sora l'altar magior e visibile da tute le parti dela cesa, xè in legno de frassino con la figura del Cristo, stilizada in maniera estrema, realizada in lamiera de fero brunida.
(Comento personale: a mi no me piasi, ma de gustibus....)
(sti dati xè trati liberamente da una articolo comparso sul Piccolo e da una locandina che xè in cesa (vedi foto).

Eco le foto:

La cesa vista dai binari dela vecia stazion feroviaria de Rozzol



La faciata col campanil

[sum culex]

La cella campanaria ga tre livei de finestre, ognidun con tre finestre per lato



La parte posteriore con l'abside e a sinistra el lato dela cesa che dà a sud

[sum culex]

Questa xè la parede del lato che dà verso nord



El campanil in controluce



Drio la cesa in un giardineto xè una statua dela madona

[sum culex]

Eco l'interno



I archi del presbiterio a del'abside



Come che xè fati i muri laterai

[sum culex]

Particolare del sofito del'abside



L'aula



El muro llteral de destra



E quel de sinistra

[sum culex]

La locandina



L'altar magior coi mosaici ale sue spale





Impicada in alto, sora l'altar, la crose in legno col Cristo stilizà a massimo

[sum culex]

Anche le stazioni dela Via Crucis xè realizade in mosaico in stile coi masaici che xè drio del altar



Un altar laterale

[sum culex]

E quel de fronte



Un scrcio dei archi verso l'altar laterale cola statua dela Madona che ilustra la particolare composizion de l'architetura de sta cesa.



Le sucessive xè foto più recenti che meto a completamento de sta serie.
El novo, che sembra però più antico, xè Gesù Cristo de legno in crose, che ga sostituì quel stilizà (de fil de fero) che gavè visto prima.

[sum culex]

Alcuni particolari

[sum culex]

Più de fronte





Più in grande la faccia sofferente

[sum culex]

El fonte batesimal col quadro che xè sul fondo







Uscindo la numerosa serie de archi che xè sui due lati del vasto sagrato



E con sta foto concludo la carelada sula cesa del rion de Rozzol dedicada a San Pio X°
ciao
sum culex

[sono piccolo ma crescero]

Personalmente me piaseva assai de più el primo crocifisso, quel stilizzà.

[sum culex]

A mi no xè che el me gavessi entusiasmà tanto, devo comunque riconosser che iera una roba del tuto particolare e completamente diversa del solito.
ciao
sum culex

[Nona Picia]

E adesso copio qua le mie due foto....

[sum culex]

Adesso che xè messe de novo tute le foto se pol cancelar tuti i veci post coi cerci rossi. Grazie!
ciao
sum culex

[babatriestina]

Adesso che xè messe de novo tute le foto se pol cancelar tuti i veci post coi cerci rossi. Grazie!
ciao
sum culex

fato, e cussì i primi commenti precedi le foto e no se pol farghe gnente..

[Nona Picia]

Pazienza....