La tore dei balini
Regole del forum
Collegamenti al regolamento del forum in varie lingue ed alle norme sulla privacy in italiano.
Collegamenti al regolamento del forum in varie lingue ed alle norme sulla privacy in italiano.
- sono piccolo ma crescero
- cavalier del forum
- Messaggi: 8710
- Iscritto il: ven 11 mag 2007, 14:08
- Località: Trieste
La tore dei balini
In un post, Nanaia citava la tore dei balini. Nesun, in sto forum, la ga mai citada o fotografada. Epur, ciò, la xe monumento nazional. Ogi son 'ndà là e la go fotografada. In efeti la xe un poco sconta e per farla veder intiera go dovù far anche un picio fotomontagio zontando un toco de corona in alto che vegniva coverto dala casa.
Conto la storia per chi che no la sà: xe un esempio de archeologia industrial. Per far i balini de piombo per i s'ciopi, balini che doveva eser tondi, circa dela stesa misura e se doveva poderli far facile, i ga tirà su, in vari posti, ste tori. De l'alto,pasandolo per un tamiso., se fazeva gociolar el piombo fuso che cascando se sfrediva e in fondo el trovava una busa piena de aqua che ghe parava el colpo e lo sfrediva ancora de più.
Mi go provà a andar dentro per fotografarla meio, ma go trovà tante porte de aciaio inox e tute serade e un che me ga dito cosa che zerco. Saria bel se qualchedun che sta o lavora là metesi qualche foto più bela. Ah sì, la se trova nel'isolato segnà da via san Francesco, via del Ronco, via Marconi e via Carpison.
Qua http://maps.google.it/?ie=UTF8&ll=45.65 ... 6&t=h&z=20 podè vder come che ve la mostra google.
Conto la storia per chi che no la sà: xe un esempio de archeologia industrial. Per far i balini de piombo per i s'ciopi, balini che doveva eser tondi, circa dela stesa misura e se doveva poderli far facile, i ga tirà su, in vari posti, ste tori. De l'alto,pasandolo per un tamiso., se fazeva gociolar el piombo fuso che cascando se sfrediva e in fondo el trovava una busa piena de aqua che ghe parava el colpo e lo sfrediva ancora de più.
Mi go provà a andar dentro per fotografarla meio, ma go trovà tante porte de aciaio inox e tute serade e un che me ga dito cosa che zerco. Saria bel se qualchedun che sta o lavora là metesi qualche foto più bela. Ah sì, la se trova nel'isolato segnà da via san Francesco, via del Ronco, via Marconi e via Carpison.
Qua http://maps.google.it/?ie=UTF8&ll=45.65 ... 6&t=h&z=20 podè vder come che ve la mostra google.
- babatriestina
- senator
- Messaggi: 41325
- Iscritto il: dom 25 dic 2005, 19:29
- Località: Trieste, Borgo Teresiano
in effetti, mi go tentado più volte de avvicinarme per fotografarla, ma no xe possibile arivarghe sotto, no go gnanche capido come che te ga fatto: te son entrado nel cortil del condominio?
e la seconda domanda, de profana, che me go sempre domandado: ma se mi fazzo cascar piombo fuso lungo sta torre e po sotto metto acqua per sfredir de colpo (che xe po come che se fa co se fa le previsioni col piombo fuso la vigilia de san Giovanni), perchè no le vien a forma de iozza o de forme strane? perchè le dovessi vegnir fora propio tonde come le bolle de savon?
e la seconda domanda, de profana, che me go sempre domandado: ma se mi fazzo cascar piombo fuso lungo sta torre e po sotto metto acqua per sfredir de colpo (che xe po come che se fa co se fa le previsioni col piombo fuso la vigilia de san Giovanni), perchè no le vien a forma de iozza o de forme strane? perchè le dovessi vegnir fora propio tonde come le bolle de savon?
"mi credo che i scrivi sta roba per insempiar la gente" ( La Cittadella)
- sono piccolo ma crescero
- cavalier del forum
- Messaggi: 8710
- Iscritto il: ven 11 mag 2007, 14:08
- Località: Trieste
Alora, la foto original (rimpiciolida, però) xe questa
fata sburtando la man oltre el cancel de aciaio inox più che podevo. Ghe go taià un poco de nero dei pergoli e el resto lo go sbianchizà, la go girada e go completà el tocheto de corona che me mancava ciolendo un toco dela corona girandolo e metendolo al suo posto. Infati se vedi due finestrele in alto. Quela de destra esisti de sicuro, quela de sinistra no so, perché xe l'efeto del completamento. Comunque la ghe stava ben. Questo bisogna far quando che
...forma non s'accorda
molte fiate all'intenzion dell'arte,
perch'a risponder la materia è sorda"
(Dante, Paradiso, canto I, vv127 e segg.)
No go imbroià, perché go dichirà subito che xe un fotoritoco e "a domanda rispondo" spiegando anche cosa che go futizà.
Per quanto rigurada la seconda domanda, sula forma dei balini, mi go trovà anche che qualchedun disi che la forma a gocia xe la migliore, ma da inesperto no ghe credo. Se noi xe tondi i comincia a aver traietorie iregolari. La forma a gocia de l'acqua la ghe vien dada da l'aria. El piombo, però, ga una densità molto più grande e quindi l'aria doveria aver un efeto più modesto sula forma del balin. Balin che cascando se rafreda e diventa duro. L'aqua che xe sul fondo ghe dà la strenta final e ghe atutisi el colpo.
Diverso xe se te svodi piombo fuso ne l'acqua, e alora vien fora dele forme che pol eser anche bele de veder (no so cosa che vegni fato per san Giovani). Belisimo, vado fora tema, xe se squaiè l'argento. Quando el se sfredisi el se scava da solo dentro tuto a busi, come le piere del carso. Se fe cascar una gocia de argento fuso (ocio ghe vol 700 e pasa gradi) ve vien fora una mediaieta tuta lavorada ... diria sai moderna!
fata sburtando la man oltre el cancel de aciaio inox più che podevo. Ghe go taià un poco de nero dei pergoli e el resto lo go sbianchizà, la go girada e go completà el tocheto de corona che me mancava ciolendo un toco dela corona girandolo e metendolo al suo posto. Infati se vedi due finestrele in alto. Quela de destra esisti de sicuro, quela de sinistra no so, perché xe l'efeto del completamento. Comunque la ghe stava ben. Questo bisogna far quando che
...forma non s'accorda
molte fiate all'intenzion dell'arte,
perch'a risponder la materia è sorda"
(Dante, Paradiso, canto I, vv127 e segg.)
No go imbroià, perché go dichirà subito che xe un fotoritoco e "a domanda rispondo" spiegando anche cosa che go futizà.
Per quanto rigurada la seconda domanda, sula forma dei balini, mi go trovà anche che qualchedun disi che la forma a gocia xe la migliore, ma da inesperto no ghe credo. Se noi xe tondi i comincia a aver traietorie iregolari. La forma a gocia de l'acqua la ghe vien dada da l'aria. El piombo, però, ga una densità molto più grande e quindi l'aria doveria aver un efeto più modesto sula forma del balin. Balin che cascando se rafreda e diventa duro. L'aqua che xe sul fondo ghe dà la strenta final e ghe atutisi el colpo.
Diverso xe se te svodi piombo fuso ne l'acqua, e alora vien fora dele forme che pol eser anche bele de veder (no so cosa che vegni fato per san Giovani). Belisimo, vado fora tema, xe se squaiè l'argento. Quando el se sfredisi el se scava da solo dentro tuto a busi, come le piere del carso. Se fe cascar una gocia de argento fuso (ocio ghe vol 700 e pasa gradi) ve vien fora una mediaieta tuta lavorada ... diria sai moderna!
- babatriestina
- senator
- Messaggi: 41325
- Iscritto il: dom 25 dic 2005, 19:29
- Località: Trieste, Borgo Teresiano
col piombo vien come che te disi per l'argento, costa de meno e po el piombo fondi a temperatura più bassa, quindi se pol far anche su una vecia padela de casa- me raccomando, dopo no doprarla per cusinar!!! la tradizion iera de far sto lavor la sera dela vigiliade san Giovanni, e po chi che saveva, mi no, leggeva le forme che vegniva e fazeva predizioni. Mi so solo che buso voleva dir pegola, morte e che cornetti tipo cornucopia ovviamente voleva dir fortuna..sono piccolo ma crescero ha scritto: Diverso xe se te svodi piombo fuso ne l'acqua, e alora vien fora dele forme che pol eser anche bele de veder (no so cosa che vegni fato per san Giovani). Belisimo, vado fora tema, xe se squaiè l'argento. Quando el se sfredisi el se scava da solo dentro tuto a busi, come le piere del carso. Se fe cascar una gocia de argento fuso (ocio ghe vol 700 e pasa gradi) ve vien fora una mediaieta tuta lavorada ... diria sai moderna!
e nella torre no nasseva sta roba perchè la fazeva un tragitto in aria prima?
per tornar alla torre, mi go qualche foto, ma ormai solo dela parte superior. Chissà se se la trova nele vece cartoline?
"mi credo che i scrivi sta roba per insempiar la gente" ( La Cittadella)
- sono piccolo ma crescero
- cavalier del forum
- Messaggi: 8710
- Iscritto il: ven 11 mag 2007, 14:08
- Località: Trieste
Go trovà sul web due foto dela tore, una credo moderna
http://www.flickr.com/photos/guendal/590025237/
e una più vecia
http://fotoalbum.virgilio.it/vecchiatri ... i1978.html
http://www.flickr.com/photos/guendal/590025237/
e una più vecia
http://fotoalbum.virgilio.it/vecchiatri ... i1978.html
- sono piccolo ma crescero
- cavalier del forum
- Messaggi: 8710
- Iscritto il: ven 11 mag 2007, 14:08
- Località: Trieste
E giusto per completar el discorso ve meto anche le foto aeree tirade fora da http://www.bing.com/maps el novo motor dela Microsoft.
e
Dala foto vedo che la finestrela che ghe go meso col fotomontagio la esisti sul serio. Eh ... sì, sì, ste boni che no me lo dimentico ; nel palazo novo che circonda la tore se trova anche l'uficio tavolare, onore e vanto de l'aministrazion de Maria Teresa e invidia de tuti i notai che no sia de Trieste, Gorizia, Trento e Bolzano, tanto xe vero che quando i ga provà a cavarlo, i ga fato la rivoluzion. Va ben cusì? Son sta bravo?
e
Dala foto vedo che la finestrela che ghe go meso col fotomontagio la esisti sul serio. Eh ... sì, sì, ste boni che no me lo dimentico ; nel palazo novo che circonda la tore se trova anche l'uficio tavolare, onore e vanto de l'aministrazion de Maria Teresa e invidia de tuti i notai che no sia de Trieste, Gorizia, Trento e Bolzano, tanto xe vero che quando i ga provà a cavarlo, i ga fato la rivoluzion. Va ben cusì? Son sta bravo?
- babatriestina
- senator
- Messaggi: 41325
- Iscritto il: dom 25 dic 2005, 19:29
- Località: Trieste, Borgo Teresiano
-
- vilegiante
- Messaggi: 93
- Iscritto il: mar 6 giu 2006, 14:45
Ocio anche a farlo al'aperto, e a no respirar i vapori de piombo: col saturnismo no se scherza!!!!!babatriestina ha scritto:col piombo vien come che te disi per l'argento, costa de meno e po el piombo fondi a temperatura più bassa, quindi se pol far anche su una vecia padela de casa- me raccomando, dopo no doprarla per cusinar!!!
[url]http://carsosegreto.blogspot.com/[/url]
- babatriestina
- senator
- Messaggi: 41325
- Iscritto il: dom 25 dic 2005, 19:29
- Località: Trieste, Borgo Teresiano
e dir che mi fazevo sempre sta roba in cusina la vigilia de san Giovanni, ma po ghe voleva chi che savessi leger le forme che se ottegniva butando in acqua freddaFranco ha scritto: Ocio anche a farlo al'aperto, e a no respirar i vapori de piombo: col saturnismo no se scherza!!!!!
Ben, ecove la torre come che se la vedi svettar de l'alto de via san Francesco
ridotta anca ela a porta antenna telefonica
"mi credo che i scrivi sta roba per insempiar la gente" ( La Cittadella)
- sono piccolo ma crescero
- cavalier del forum
- Messaggi: 8710
- Iscritto il: ven 11 mag 2007, 14:08
- Località: Trieste
Re: La tore dei balini
Visto che xe sparida la foto de BT meto la mia da largo Giardino: ridota anche ela, monumento nazional me par, a porta antena telefonica.
Allora s’accorse che le parole fanno un effetto in bocca, e un altro negli orecchi; e prese un po’ più d’abitudine d’ascoltar di dentro le sue, prima di proferirle. (A. Manzoni, I promessi sposi, cap. XXXVIII)
- babatriestina
- senator
- Messaggi: 41325
- Iscritto il: dom 25 dic 2005, 19:29
- Località: Trieste, Borgo Teresiano
Re: La tore dei balini
(rimessa a posto la mia)
"mi credo che i scrivi sta roba per insempiar la gente" ( La Cittadella)
- sono piccolo ma crescero
- cavalier del forum
- Messaggi: 8710
- Iscritto il: ven 11 mag 2007, 14:08
- Località: Trieste
Re: La tore dei balini
Visto che molte foto sono andate perse, metto la foto aerea messa a disposizione dal motore di ricerca italiano http://www.istella.it all'indirizzo http://mappe.istella.it/?mm=3&x=13.7831 ... =&or=NORTH
Ricordo che quando si pubblicano immagini dei motori di ricerca ad esse non si applicano i diritti tipici del forum, ma quelli messi a disposizione dal proprietario delle immagini.
Ricordo che quando si pubblicano immagini dei motori di ricerca ad esse non si applicano i diritti tipici del forum, ma quelli messi a disposizione dal proprietario delle immagini.
Allora s’accorse che le parole fanno un effetto in bocca, e un altro negli orecchi; e prese un po’ più d’abitudine d’ascoltar di dentro le sue, prima di proferirle. (A. Manzoni, I promessi sposi, cap. XXXVIII)
-
- ixolan
- Messaggi: 232
- Iscritto il: ven 2 ago 2013, 21:59
- Località: Trieste - quasi San Giovanni
Re: La tore dei balini
Prima che i costruisi i palazi del tavolare e dela Insiel, in via molin grande (via Marconi) iera una granda feramenta che andava fora per fora fin via san Francesco con una granda corte in mezo con la tore dei balini.
Sta feramenta iera la SAFEM (Società adriatica ferramenta e metalli) con vetrine e botega in via Marconi, deposito de travi de fero in corte e magasin dela parte de via san Francesco.
Sta feramenta iera la SAFEM (Società adriatica ferramenta e metalli) con vetrine e botega in via Marconi, deposito de travi de fero in corte e magasin dela parte de via san Francesco.