Chiese a Trieste: San Giusto

[babatriestina]

la tua opinion fussi de riformular, per chiarezza, visto che quel bozzetto no xe mai stado realizzado:
No me piasi come che xe adesso..
per questi e questi motivi
oppur
Me gavessi piasso de più se i gavessi fato come in sto bozzetto

e alora tuto torna.

[babatriestina]

gavè visto sul Piccolo de oggi?
sula pagina dedicada alla mostra sul Trecento ghe xe una foto del modellin postado de Adler ( senza nissuna spiegazion..)

[Nona Picia]

No go oservado, de matina i oci no me funziona ben, ma controlerò.....

[Nona Picia]

Go visto, ma no me par la stessa foto!

[babatriestina]

Go visto, ma no me par la stessa foto!

no, no digo che i ga postado la foto de Adler, ma che sto modellin staghi deventando piuttosto fotografado, nei ultimi tempi.

[nonna ivana]

E' naturale....

voi studiate e...gli altri si "riforniscono" da voi!
Complimenti, siete proprio eccellenti!

[babatriestina]

semplicemente, quelle sale sono state riaperte da poco, e quei modellino finora non era esposto lì.
Quindi chi cerca novità lo trova e tende a riportarlo.
Poi vedrete, finita la novità e la mostra, del museo del Castello di san Giusto si parlerà sempre meno, almeno sui media.

[nonna ivana]

Sì, chi cerca trova!

Anche questo è un medium, voi lo nutrite costantemente e avete fruitori fedeli!

Grazie!!!!

[babatriestina]

bene, oggi ero a Messa a san Giusto, e vi posto i mosaici dell'abside come sono ora, così ognuno può giudicare.


ed una nella penombra:

in genere, è sempre un problema decidere come fare le parti mancanti di un'opera d'arte antica e rovinata: farle nello stile delle parti precedenti? diventa una specie di falso storico? farle in uno stile contemporaneo come facevano una volta che ad una chiesa romanica aggiungevano cappelle settecentesche? non si usa più (e a mio parere sarebbe stato il caso dell'abside del Marussi)
oppure farle in uno stile neutro, come fece negli anni 50 Mascherini la parte bassa della cappella del Santissimo. Qua mi sembra che i mosaici non stonino col resto.

[babatriestina]

c'è da notare che sono stati recentemente restaurati. Per confronto, ecco l'abside medievale della chiesa dell'Assunta, navata sinistra

Già che c'ero, sono riuscita a fare una foto quasi decente del quadro della Madonna di Benedetto Carpaccio ( 1540) m figlio di Vittore Carpaccio: il quadro è stato appeso dapprima nella sala del Maggior Consiglio del Comune, poi sotto il volto della torre del Porto (attuale Piazza Unità), poi nella chiesa di san Pietro in Piazza Grande e alla sua demolizione nel 1870 venne appeso nel presbiterio di san Giusto, da dove è stato spostato in epoca postconciliare ed ora si trova nella navata sinistra, vicino all'ingresso ( chiuso, normalmente) del Battistero.

è una delle poche opere a Trieste del Rinascimento veneziano

[babatriestina]

altra curiosità a san Giusto:
navata destra, completamente a destra, la piccola absidina detta di s Apollinare, hanno illuminato un affresco, una testa di Madonna o santa di stile più o meno romanico ( assomiglia a certe miniature altoromaniche):

[babatriestina]

ho trovato su una guida, non è una Madonna, ma una Santa Lucia , cogli occhi in piattino

[babatriestina]

ben, oggi iero in Castel a veder la mostra del Medioevo e son stada nela sala dedicada all'abside.Però la parte dela mostra xe dedicada al abside quattrocentesca, che xe stada butada zo a metà ottocento. Po, combinazion , nela sala xe i modellini de Marussig e no xe un cenno al rifacimento del Ottocento, come che la xe stada fra el 1863 e el 1932, se vedi che no interessava molto . Comunque , visto che se podeva fotografar, go fotografado. con la luce che iera, coi riflessi che iera, ma cussì gavè i dati per giudicar:
per cominciar, dopo che mi go messo el Cristo del Quatrocento ciolto de una fotografia de un libro de Cuscito, me go trovado soto i oci el original:

quasi meo la fotocopia, no? gavessi podudo ritoccar, ma la luce iera più o meno questa.
po xe una riproduzion de un altro disegno de come iera l'abside quattrocentesca, e ve la posto:

Arivemo al modelin postado de Adler:

[babatriestina]

e affinchè no ghe sia dubbi, questa xe la didascalia:

ma, vista la discussion, go vardado meo el modellin:
qua el xe visto de sbiego, coi angeli che ve disevo e che ve metterò più oltre



come vedè, la scritta sul arcon xe efetivamente ala Madonna, ma se leggè la scritta orizzontal, propio sotto la incoronazion dela Madonna, comincia col anno dopo Cristo, e come che legè ben qua, xe LIBERTATIS DECIMO ITALICO : el decimo anno italian dela libertà. !!! :shock:
lo vedè anche nell'altra foto - e difatti el bozzetto xe del 1928, 10 anni dopo el 1918


adesso me vien addirittura de domandarme se forsi nel bando no iera dito che bisognava far qualche allusion al 1918... e che i concorsisti sia stai obbligai a far qualche allusion
( forsi adesso a qualchedun la ghe piaserà de meno )

[babatriestina]

al de là delle scritte, guardemo i angeli previsti lateralmente: i ga un bozzetto a parte;


i xe anche bei, però a mio modestissimo parer, i tradissi molto el stile del epoca, 1930 circa: i me fa pensar al leon che xe sora galleria Protti, quel sì con tanto de anno del era fascista.
ecco, mi credo che se i gavessi scelto questo progetto, l'abside saria stada molto più datada e gavessi avudo molta più diferenza cole absidi antiche vizine.
Po ognidun pol imaginarse la cesa con queste decorazioni e decider per sè come che el la preferissi. Mi l'attual me par meno ligada al stile del epoca, forsi meno original ma meno in contrasto con le due absidi antiche ai sue lati.

[sono piccolo ma crescero]

po xe la cappella de San Servolo, che se vardè ben nel altar se vedi el teschio de San servolo ( mi ste robe no me piasi, quindi no speteve che fotografo), ghe xe inveze una deposizion scola tedesca del 1400, ma qualchedun adesso disi che xe piutosto scola furlana

La deposizion, fata col flash, perdi la plasticità che ghe dà el chiaroscuro con cui la xe iluminada (BT podesi rifarla adeso) ma se ghe vedi i colori. La rimeto perché a mi la me par sai bela come composizion e come movimento dele figure (indipendentemente del fato che la sia de scola tedesca o furlana )

[mod]la foto era ospitata su webshots che le ha perse. Non è possibile recuperarla, ma subito qui sotto e anche nelle pagine successive, ci sono altre foto di questa pietà molto più belle[/mod]


E sicome mi son de stomigo forte, questo xe el scheletro de san Servolo

[babatriestina]

La deposizion, fata col flash, perdi la plasticità che ghe dà el chiaroscuro con cui la xe iluminada (BT podesi rifarla adeso) ma se ghe vedi i colori.

la go rifatta senza flash stamattina, ecola qua:

ovviamente i colori se vedi molto meno ben e la prospettiva xe un poco falsada del fatto che no se pol entrar dentro la cappella per meterse di fronte.
Al veder la foto, mi no capisso se xe i colori o la piera che ga bisogno de una lavada , leggi restauro. El movimento xe molto bel come che disi Sonopiccolo, delle figura come in scala col stesso movimento ascendente del Cristo morto.

se vedi l'ascendenza nordica nel gusto de rapresentar i particolari realistici della morte, nelle espressioni tragiche, quasi espressionistiche dei presenti: tanto per far un confronto, pensè al espression più serena della Madonna della pietà de Michelangelo, interpretazion italiana de questo tipo de statue.
E invece al Cristo morto de Holbein,

( pagina:http://en.wikipedia.org
wiki/File:The_Body_of_the_Dead_Christ_in_the_Tomb,_and_a_detail,_by_Hans_Holbein_the_Younger.jpg) che co lo go visto de picia me ga fatto una impression de mati ( anche quel de Mantegna no scherza..) o la Crocefissione de Grunewald

( foto wiki)

[babatriestina]

za che iera illuminado per el primo de l'anno, go becado un per de immagini che gavevo messo in foto sbiadide o no gavevo gnanca messo:
la pala settecentesca dela cappella de san Carlo Borromeo

quella dove che xe le tombe dei Borboni Spagna;
l'absidina de s Apollinare, a destra dela cappella de san Giusto


forsi un ricordo del periodo iconoclastico che contestava le icone e preferiva rappresentar semplici crosi, o ispirada a un motivo che se trova nelle icone ortodosse
e sotto, el altar con una lastra de tipo geometrizzante come che i fazeva nel alto medioevo, possibilmente IX secolo e che tradizion volessi de un primo altar sarcofago de san Giusto

[babatriestina]

ve ricordavi che zercavo un'immagine del abside de san Giusto come che la iera nel ottocento?
ben finalmente la go trovada!! la xe nel secondo volume de trieste per immagini, allegado al Piccolo nel 2004, e xe una foto dei Musei Civici de Storia e arte, eccola qua:

come che ve disevo, la xe più piccola e soprattutto la ga le stesse decorazioni più o meno neoclassiche che xe a s Antonio novo..
sotto , se intravedi dele pale che podessi esser quele dedicade a san Giusto de Antonio Panza, che iera stade fatte nel settecento per l'abside della cappella de san Giusto. O xe quele dei Evangelisti finide al Rosario?
La ve piasi? ve par che la staghi ben a san Giusto?
a mi me par come se i gavessi trapiantado un toco de s Antonio novo..
anche el pulpito a sinistra xe sparido, de quando che i ga inventado i microfoni no ocorri più i pulpiti in mezzo alla navata

[babatriestina]

Oggi Messa a san Giusto, giornata scura e poco luminosa, ma nella cappella de san Giusto i ga messo le pale settecentesche del Panza, quele che ve go postado za in una prima foto e che se intravedi nela foto sora.
la luce iera modesta, e gnanca co iluminazion a pagamento go ottegnudo granchè, perchè po la xe prevista per el mosaico antico nel abside, per correttezza no go doprado el flash e po i le ga messe, ma le xe ancora scure e sporche!
ma per completezza, podemo veder come che le iera, le xe sagomade per questa cappella:

l'immagine centrale, con san Giusto protettor della città, se vedi ancora el sbrego sotto.

se i la netterà, sarà interessante veder come che iera rappresentada la città allora.
una delle tele de sinistra, el martirio del santo, la sua flagellazion