babatriestina ha scritto:Per una volta l'ignorante son mi..
esattamente chi era sto Bottacin e cosa el ga fato che el gaveva i bori de gaver do ville?
Oggi iero a Padova e go imparado qualcossa de sto Bottacin:
A Padova i ga averto nel 2004 un novo museo, di fronte ala Capella dei Scrovegni e ai Eremitani, e mi, inveze che andar a veder el Mantegna, che po no xe un dei mii pittori preferiti, son andada a veder sto museo a palazzo Zuckermann, che in do piani ga una cocola colezionde arti applicate ( mobili, ceramiche, vestiti, pizzi..) e al terzo pian la
collezion Bottacin.
Alora, sto Bottacin no iera triestin, ma veronese de nascita, solo che el xe vegnudo verso el 1840 , come tanti altri, el se ga fatto i bori e el se ga costruido una bella villa, apunto a San Giovanni, con un parco, resti de un rudere, un chalet svizzero, tuto che se vedi in aquarelli al museo. El gaveva viaggiado e el iera appassionado de botanica, iera el periodo che Massimiliano se stava fazendo costruir el parco de Miramar, e par che Massimiliano sia andado de Bottacin a domandarghe consigli botanici, Bottacin gaveva famose camelie e difatti in un canton del Parco ghe xe una collezion de camelie ( no so se tute de l'epoca..). Bottacin iera molto fiero de l'amicizia de Massimilian e col xe morto el ga ingrumado un per de cimeli come foto e un capel bianco con una strica celeste, che legenda vol che el lo gavessi portado poco prima dela fucilazione e che xe esposto al museo
Intanto Bottacin se ga fatto tanti bori e una grandiosa collezion de monede. Ma se vedi che nol amava tanto Trieste ma el gaveva el cuor a Padova, per cui la sua collezion xe stada lassada a Padova e là se la volè veder la trovè: un pochi de mobili ottocenteschi, un poco de quei de gente borghese refada, tipo i Morpurgo, una collezion de quadri, anche là vederè vecie conoscenze, due Natale Schiavoni con babe col turbante tipo quele del Revoltella, un Agujari , un Cesare dall'Acqua che veramente mi no go gnanca visto ben, ma che doveva esser un quadro del tipo rinascimental Volterra si oppone a Carlo V, che el pensava de espor a Vienna ma po el ghe ga ripensado che forsi a Vienna no i gavessi apprezzado e el lo ga esposto in Belgio, me par. una bela testa de doge del Canova,e po tante monede, medaie, e po el museo ga zontado perchè le monede ariva fin al euro che povero Bottacin no podeva imaginarse: se se interessai ala storia dele monede, se impara molto.