El ponton gru URSUS
Come za dito in principio del topic, sta costruzion, ormai de archeologia maritima, xè stada impostada nel lontan 1913 e varada l'anno sucessivo, 1914.
El pesa 2.200 tonelate de aciaio e el xè alto 75 metri.
La piataforma galegiante ga una superficie de 1.164 metri quadrati, la xè longa 54 metri e larga 24 con un pescagio de 2,5 metri.
El solevava fina 70 metri un carigo de 300 tonelate. Quando che in seguito xè stada agiunta la ralla per la rotazion del complesso el carigo massimo se ga ridoto a 150 tonelate.
El podeva spostarse de solo perchè el iera dotado de due motori e de due timoni.
Sto gigante, uno dei più grandi, vanto dei nostri cantieri, iera sta costruì per solevar enormi motori e portarli nela panza dei transatlantici e anche per portar sule navi de guera dela marina austriaca i canoni.
El solevava pesi notevolissimi per l'epoca, el ga tirà su treni e el xè sta doprà anche per ricuperar reliti de navi afondade.
Ieri i lo ga portado e ormegiado in testada del molo IV del porto vecio e adesso, dopo el restauro el guarda la barcolana e i turisti lo guarda a lù che xè una vera curiosità de antiquariato industriale.
Ecolo davanti ala diga coi rimurciadori che lo sburta
A confronto con un feral
El se sta girando
