Le Cooperative Operaie de Trieste....

[Nona Picia]

Anche quele che iera un punto fermo per i triestini xe andade in malora......

[babatriestina]

spetemo come che procedi. No le xe ancora fallide. Bruto per chi che ghe gaveva prestado soldi... ma za un anno fa ira qualchedun che diseva che qualcossa no ghe va e voleva elegger una lista alternativa. Ma no la ga rivado a ciapar un numero sufficiente de firme. Mi iero andada a firmar, perchè pluralità de proposte me pareva giusto.

[Piereto]

Visto che ghe xe stadi dei ammanchi per milioni de euro, come xe possibile che el consiglio de amministrazion gabi meso nero su bianco che tuto andava ben ? Investimenti sbagliai o crisi de liquidità ? Propendo per la seconda ipotesi, perchè xe el mal de sempre. Ghe saria tanti lavori in giro de far per mantenir la nostra società umana in efficenza, ma manca i bori per farlo. El credito vien interoto da le banche, perchè le banche vien lasade libere de far prestiti in altri paesi, e el Governo aumenta le tasse perchè nol pol più stampar carta moneda. Tuta la finanza mondiale xe basada su le sabie mobili. Pensemo solo ai miliardi de dollari sparsi per el mondo in man de arabi e cinesi. Pol eser i dolari anche tanta carta straza se l'economia americana rallenta. Come dopo una crisi se se risoleva? Cominciando de novo a spender, e lo fa per primo lo Stato, no el nostro impegnado a distribuir stipendi, ma finanziando tuta una serie de opere infrastrutturali publiche. (Costruzione di nuove scuole, manutenzione straordinaria di edifici publici, rifacimento dei giardini del castel del Castel de Miramar, dragaggio dei fiumi costruzione di nuova rete idrica, etc, etc. )

[Piereto]

Paresi dai 180 milioni del prestito sociale nei ultimi ani se xe rivadi a aver in cassa 100 ,perchè i xe stadi ritiradi da che che gaveva titolo a farlo. Saria sta necesario necesario cambiar la normativa sul prestito sociale e forsi i lo gavesi fato in questa ultima assemblea. , comunque un passivo ghe devi eser sta, si no no interveniva la magistratura.

[Nona Picia]

Ogi i disi che pareria che la Nord Est volessi cior tuto el palazzo dele Torri e anche altro dele Coop...vederemo come che va a finir

[Nona Picia]

Le Coop de Trieste xe diventade in parte Nord Est e in parte Despar e Conad.....

[Piereto]

Ne resterà sempre un dubio : qualchidun gà manovrà per farle falir ? Xe ancora de spetarse che qualchidun finisi in buso ? Comunque gavemo perso un altro toco de storia triestina, e un altro centro decisional.

[babatriestina]

un per de anni fa, qualchedun nasava che iera qualcossa che no andava, e i gaveva proposto per le elezioni interne una lista alternativa. No la ga avudo sufficienti firme de presentazion. Mi gavevo firmado, anche per offrir alternative de scelta, po no so chi che gavessi votado..