Baba Triestina, un bongiorno a te. Anca de noi gira gente vestida in modo diverso. Piasi? Gusti xe gusti, diseva quel che magnava savon. I turisti, anzi le turiste, no se vesti tanto ala povara, parchè no le vien col tran o a pie. Se le ga patus par el rioplan ghe vanza qualche soldo anca par vestirse ben. Noi, che gavemo l’invasion turca, vedemo le turche normali. Dipendi forsi de che region le vien. Per qualcheduna, un bon tocheto (ragazza avvenente) se de dir URGE. Saltarghe ‘doso. A altre, in tachi alto, gambe a chifel, spiturazade coi vanzumi de colori ciolti a chilo, bisognaria dirghe come quela vicina: URCE.
Gli inserti metallici sono chiamati piercing. Anca sul bunigolo. Più in zo, par esempio i zinoci, no se vedi.
![;--D ;--D](./images/smilies/icon_mrgreen.gif)
Sbranarse con una compagna xe squasi automutilazione. Pericolo de farse mal. Forsi xe anca una specie de fil de fero spinà, reticolato, come difesa personale. I tatuagi xe sempre più. L’ancora dei marineri xe pasada, i tatuagi xe adeso arte. Un poco come le piture murali.
Una mula tatuada, piercing e bubble-gum la fa girar la testa ai omini. De l’altra parte.