![Immagine](https://www.atrieste.eu/Foto/A004/Storia/4.jpeg)
Per el momento la meto qua, dopo, se la se riferisi a qualcosa de particolare, magari la spostemo.
La foto che te disevo xè questa. Xè a bassa risoluzion, ma posso procurar una ad alta, se servi.
Mi la dato fra fine 1918 (post 30 ottobre minimo) e 1919: se vedi sul balcon un mega busto de Vittorio Emanuele III oltre alle bandiere, un soldato italian in porton. Cosa curiosa, xè tutti che varda verso destra, compresi quei in balcon.
Gavevo pensado che fusi casa de Alfonso Valerio (via Diaz 15) ultimo podestà e primo sindaco de Trieste, ma l'edificio non corrispondi.
Go batudo la zona tra via Lazzaretto, rive, Diaz, Cadorna, largo papa Giovanni e via Università, ma no trovo un'identificazion.
In disgrazia podessi esser Gorizia, ma dubito fortissimo...