park san Giusto vizin del teatro Romano

[Ciancele]

Ben, i ga perso una bona ocasion

Qua, dove che se podeva, i ga fato posti sia sototera che par aria. Alteza masima 185 cm. Più alti vol dir meno piani, meno posti. Qualchedun ga a pianteren posti per auti con più de un metro e otantazinque. Bus turisti i se ferma pai cantoni o in stazion, dove che xe verto. Un asensor a gratis xe solo se vizin xe negozi o bar, insoma dove che i turisti spendi soldi. El problema xe che dela gente che 'riva (co' l'asensor) profita solo i negozi. El comun ga qualcosa se i negozi paga le tase. Par esempio, noi scrivemo a l'uficio comunal de turismo e i ne manda una lista dei alberghi, dei ristoranti e dei punti de veder. I te domanda (no i pretendi) che te paghi qualche euro come contributo spese. Qualchedun paga, la magioranza penso de no. Xe spese del comun a favor dei locai. I locai pol contracambiar pagando tase. La publicità che i te manda xe 'bastanza bela e la stampa anca.

[Zigolo]

Sabato son tornà e intanto devo far una retifica: i piani a rotazion xe el -2 e el -3, no el -1 e -2 come che gavevo dito.

El -2 iera pien come un ovo, gnanche un posto! E qua vien el bel: se no xe posto al -2 un disi bon, me calo de ancora un e vado al -3. Sembra facile, diseva l'omino coi baffi, perché fato tuto el giro e verificado che no ghe xe posti, no te pol andar zò diretamente, bisogna tornar su al livelo 0 e po' calarse de novo, evitar de andar drento al -2 (e se intanto se iera liberà un posto?) e andar driti al -3.

Inutile dir che de indicazioni luminose tipo libero/esaurito (come al silos) gnanche ombra!

[Piereto]

Anche el parking San Giusto xe come tute le robe Triestine , ghe manca sempre qualcosa. Se vien coriere de turisti i se parchegia drio el tripcovich e i turisti smonta in piaza unita lato mare ( coriere su le striche dei bus). Nisun che gabi pensà de far el piano terra de sto silos per i bus. L'ascensor po che sali in vetta , ( aparte che no se lo pol ciapar) , ma in realtà nol sbusa la vetta,ma el se ferma un pian soto per cui te toca far un pian de scale e le scale xe larghe solo un metro. Quindi nisun ga pensà ai turisti, che una volta salidi i dovesi anche scender, e po no ghe xe nisuna bussola de vetro e tettoia de cristallo ( insoma tuto come a Graz) e quindi nisun farà mai un ristorantin in vetta. Scrivo perchè adeso una società Belga xe diventada el magior proprietario gestor. Speremo che i lo sapi gestir anche con tute le pecche che el gà.

[babatriestina]

difatti i disi ch e i spera che cola nova gestion ghe sia posto pe ri pullman dentro anzi meio che quei 4 posti sul piazzal davanti de sanGiusto! e che i pensa de lassar doprara el ascensor anche ai pedoni che va a san Giusto. No esendghe andada, no posso dir o saver come che xe dentro e quel che te eìne conti del ultimo pian me lassa perplessa..
sa Graz e sanGiusto xe un fià difernete, ag raz in ato ghe xe la Torre, ma qua xe la Catedral, e el Castel, i musie civici , dovessi esser el cuor storico dela cità e inveze xe un poco fora de man e bisogna rucar per rivarghe.. lassemo perderl la 24 che xe me par ogni 40 minuti...

[Zigolo]

No so come se pol pensar de sistemar le coriere, visto che l'alteza massima xe 2.10!

Per quanto riguarda l'ascensor, adesso pol andar su chi che vol, basta entrar a pìe e andarlo a ciapar zò in fondo. Tornar zò inveze no perché bisogna verzer la porta col bilieto del parchegio (opur spetar qualchedun che zà lo ga).

[Piereto]

Per le corriere oramai no xe niente de far, e se vedi che chi che gà progetà no credeva in Trieste città turistica, ma per l'ascensor no xe dificile modificar le robe. Se accedi con un biglieto dal costo simbolico, e la corsa dell'ascensor se prolunga de un pian. Mi credo che sarà stada la sovrintendenza a impedir che el rivi a cucar fora sul colle. Xe el solito problema dell'aspetto esterno de darghe per armonizzar co le costruzioni intorno. Ma sicome che semo in zona medievale, niente de più facile. Xe solo mancanza de idee e volonta politica e a le volte anche de schei, tra far una roba e no farla, prevali el non farla cusì nisun vien a romper.

[babatriestina]

tra far una roba e no farla, prevali el non farla cusì nisun vien a romper.

sacrosante parole che descrivi la burocrazia:
"Chi non fa, non sbaglia"
Raramente se li becca per omissione di atti d'ufficio.. che xe la sola minaccia che possi contar. O de una richiesta de ispezion