Cure mediche non urgenti: numero 800614302

Foto, anche strane, de cuel che se vedi in giro per Trieste e dintorni
Regole del forum
Collegamenti al regolamento del forum in varie lingue ed alle norme sulla privacy in italiano.
Avatar utente
sono piccolo ma crescero
cavalier del forum
cavalier del forum
Messaggi: 8682
Iscritto il: ven 11 mag 2007, 14:08
Località: Trieste

Cure mediche non urgenti: numero 800614302

Messaggio da sono piccolo ma crescero »

Domenica mio fio ga 'vu un picio problema sanitario. Naturalmente iera domenica e el suo dotor no iera.

El ga provà a ciamar el 800614302, cure mediche non urgenti: ottimo servizio.

El centralinista se ga fato lasar el suo numero e poco dopo lo ga riciamà un dotor. Mio fio ghe ga spiegà le robe, el dotor ghe ga dito cosa che podeva eser e che se el voleva l'andava al Magior e el lo gaveria visità. Mio fio xe andà zo, el ga batù ala porta. "La speti un atimo" e dopo un per de minuti xe rivado el dotor, el lo ga visitado e el ghe ga dà la cura. Mez'ora dopo che el iera andà via de casa el iera de ritorno.

Se el fusi andado in pronto socorso a Catinara ghe gaveria volù 8 ore.

Ve conto sta roba perché lui xe sta contento e sicome forsi no tuti conosi el servizio xe ben farghe un poca de publicità. E po', se una roba funziona, parlemone ben.


Allora s’accorse che le parole fanno un effetto in bocca, e un altro negli orecchi; e prese un po’ più d’abitudine d’ascoltar di dentro le sue, prima di proferirle. (A. Manzoni, I promessi sposi, cap. XXXVIII)
Avatar utente
babatriestina
senator
senator
Messaggi: 41256
Iscritto il: dom 25 dic 2005, 19:29
Località: Trieste, Borgo Teresiano

Re: Cure mediche non urgenti: numero 800614302

Messaggio da babatriestina »

Bon de saver, ma mi che no vado a Cattinara ma al pronto socorso del Magior de solito me l ago sempre cavada in meza giornata co no iera robe urgenti


"mi credo che i scrivi sta roba per insempiar la gente" ( La Cittadella)
Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: Cure mediche non urgenti: numero 800614302

Messaggio da Ciancele »

Qua funziona cusì. Penso che ognidun gabi un dotor e ‚sto dotor, de solito un internista, el cosideto dotor de casa, ve manda de un specialista. Ma de sabo (sabato) o domenica? O dopo le zinque? Tanti, forsi tropi, parchè el servizio funziona, va in ospedal al pronto socorso. No i xe soli e bisogna spetar, qualche volta anca do ore, a seconda. I casi urgenti, co’ se riva cola gamba in man, vien fati subito. Pai specialisti xe caligo. Oculisti ecc. bisogna spetar diverse setimane. Co’ xe un poco urgentin, el dotor telefona al specialista par ciapar un apuntamento ‘ncora in ‘sto secolo. Dopo xe el lumaro (numero) mondial, qual el 112, e vien la guardia medica. Subito? No xe che i speti drio el canton, ma a seconda dei casi anca in meza ora. Una baba in casa se ga tombolà e gavemo ciamà el pronto socorso. I xe vignudi subito e i la ga portada in ospedal. Mi, do volte, ale diese de sera, i me ga domandà se xe grave. Ghe go dito de no e go spetado squasi tre ore. Ma i xe vignudi in casa. Questi servizi se lamenta. Parchè? Parchè i funziona e co’ un xe in ospedale el specialista viene dopo qualche minuto e no dopo qualche setimana. I se lamenta che la gente vien de lori e no i va dei dotori, anca de casa. I disi che i xe qua in caso de bisogno e no dotori curanti. Po xe un lumaro che dá informazioni, una specie de visita a distanza, e i te disi o cosa far o i viene a ciorte (prendere). A seconda dei casi. Ma xe stadi anca ospedai, de note, che i ga dito se no gaver posto e i ga mandà la gente in giro. Con un moribondo in auto. Ma xe stadi casi sporadici.


Avatar utente
Nona Picia
cavalier del forum
cavalier del forum
Messaggi: 10977
Iscritto il: ven 20 gen 2006, 15:08
Località: Trieste - Rozzol

Re: Cure mediche non urgenti: numero 800614302

Messaggio da Nona Picia »

Mi me ga tocà finir diverse volte a Cattinara e per fortuna in pronto soccorso son stada assai poco.. solo quandi me go roto el brazo son stada sette ore e no me ga gnanche parso tante, visto el lavor che i gaveva


Ciao ciao
Trova un minuto per pensare, trova un minuto per pregare,
trova un minuto per ridere.
"MADRE TERESA"

"La Mama l’è talmen un tesor de valur che l’ha vorüda anche Noster Signur" .....
Piereto
eximio
eximio
Messaggi: 2934
Iscritto il: ven 24 set 2010, 19:38

Re: Cure mediche non urgenti: numero 800614302

Messaggio da Piereto »

Parlando de ospedal, Iero trenta anni fa e me se ga roto un dito del pie ( ve digo come , finindo col taco de la scarpa in un buso de un tombin, buso che no go visto. E co me son girà el taco e el pie xe resta fermo el resto del corpo se ga girà) Fazeva mal ma no tanto, e cusì son anda in astanteria del Maggiore do giorni dopo. Be nel giro de un per de ore radiografia e gesso. L'ultima volta xe sta el condilo del comio sempre all'astanteria del maggiore dalle 10 de mattina fin alle 10 de sera. Quanta umanità me xe pasada davanti, e no me tocava mai a mi farme veder. Po el giorno dopo a Cattinara a far el gesso , un per de ore de spetar e po via.


Torna a “Atualita` triestine”