Buon Giorno!

El SOLO e UNICO logo indove che se pol ciacolar de tuto cuel che pasa per la testa :-) ... a proprio ris'cio e pericolo ;-D
Regole del forum
Collegamenti al regolamento del forum in varie lingue ed alle norme sulla privacy in italiano.
Piereto
eximio
eximio
Messaggi: 2935
Iscritto il: ven 24 set 2010, 19:38

Re: Buon Giorno!

Messaggio da Piereto »

Una roba bona su la classe energetica de le case, che se tropo alta impedirà de venderle, pena l'adeguemento.
Se no me adeguo, perchè no go bori per farlo, vol anche dir che la casa la xe fora mercato . la val sai de meno, quasi niente. Per cui coi cambia el valor catastale ai fini irpef ( che xe una roba certa e sai vizina temporalmente) voio veder se i tignirà conto del scarso valore o inesistente de la mia casa. Ma stemo certi che pagheremo come sempre per beni che no da redito. Dai ogi e dai domani el malcontento creserà nei confronti de la UE e de chi che ne aministra.


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: Buon Giorno!

Messaggio da babatriestina »

Te se ricordi el equo canone? case in centro ( centro storico, aumentava el canone), vece, ma con vani grandi... canoni che andava suso e le gente no gaveva de pagar: dove che stavo mi se ga svodado de tuti i inquilini in un per de anni. Xe deventado tuto ufici che no gaveva equo canone e i proprietari sparava affitti altissimi. cussì se ga svodado el centro .E no iera EU de darghe la colpa


"mi credo che i scrivi sta roba per insempiar la gente" ( La Cittadella)
Piereto
eximio
eximio
Messaggi: 2935
Iscritto il: ven 24 set 2010, 19:38

Re: Buon Giorno!

Messaggio da Piereto »

L'equo canone nasi nel 1978 e el finisi nel 1992 col governo Dalema , quindi niente UE , solo roba nostrana, averlo eliminado un bidon per chi no gaveva patus.


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: Buon Giorno!

Messaggio da babatriestina »

ancora pezo a Trieste per chi che no gaveva patus el equo canone in centro: andava ale stelle solo se te stavi in centro e no iera un apartamento buso . ga svodado el centro storico e ga mandado tuti in periferia. Che po tuti cola machina vegniva in centro a lavorar e far la spesa


"mi credo che i scrivi sta roba per insempiar la gente" ( La Cittadella)
Avatar utente
sono piccolo ma crescero
cavalier del forum
cavalier del forum
Messaggi: 8683
Iscritto il: ven 11 mag 2007, 14:08
Località: Trieste

Re: Buon Giorno!

Messaggio da sono piccolo ma crescero »

Però una specie de equo canone esisti ancora, se ciama canone concordato. Certo el xe meno rigido, con vantagi sia per chi che va in afito (afiti più bassi) che per chi che affitta (meno tasse).


Allora s’accorse che le parole fanno un effetto in bocca, e un altro negli orecchi; e prese un po’ più d’abitudine d’ascoltar di dentro le sue, prima di proferirle. (A. Manzoni, I promessi sposi, cap. XXXVIII)
Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: Buon Giorno!

Messaggio da babatriestina »

sono piccolo ma crescero ha scritto: gio 16 dic 2021, 6:14 Però una specie de equo canone esisti ancora, se ciama canone concordato. Certo el xe meno rigido, con vantagi sia per chi che va in afito (afiti più bassi) che per chi che affitta (meno tasse).
so molto ben. ma nol ga i bibiezi del vecio equo canone, che gavevo visto i detagli che bisognava spiegar per aver le riduzioni, adesso semplicemente de concordi el equo canone senza andar a specificar la zona, quante prese de corrente ghe xe in ogni camera, se i parchetti xe in bone condizioni... insoma adesso col canone cocnordato ( ghe ne go firmai parecchi) xe vantaggi per tuti. ma visto che no ve basta, sarò più precifica sul equo canone de quela volta.
le case iera classificade sul tipo, e la nostra che iera de un architetto famoso de fin otocento, iera considerada " signoril" ( ergo, fazeva cresser el canone). Che la fussi sporca de fuligine, coi seramenti che no tegniva, i pavimenti a gobe, i parchetti che saltava, crepe nei muri che entrava pantigane dele fogne, bacoli, sorzi, no contava: iera signoril e te pagavi. Una volta i devi gaver cavado un arco per far i negozi a piano terra, i pavimenti se ga sbassado, i sufiti xe restai fermi e in cusina se ga formato una longa crepa orizzontal per tuta la cameras, de 3-5 centimetri.. i ga sbianchizado e basta. Insoma, no per gnente el medico vizin de noi, le due famiglie del quarto pian, quele del terzo, ( el secondo, un tempo dei proprietari, iera lassado abandonado svodo) el fotografo del ultimo pian xe andai tuti via perché no podeva permeterse de pagar sto " equo" canone che iera tanto più caro de quel che iera prima, per no dir che esendo in Borgo teresiano iera considerado un lusso, centro..
no me par che el canone concordado atual gabi fato scampar la gente del centro come quel.


"mi credo che i scrivi sta roba per insempiar la gente" ( La Cittadella)
Piereto
eximio
eximio
Messaggi: 2935
Iscritto il: ven 24 set 2010, 19:38

Re: Buon Giorno!

Messaggio da Piereto »

Notizia de ieri. La UE ga meso nero su bianco l'idea del miglioramento energetico dei edifici, quindi risparmio e utilizzo de altre fonti per el miglioiramneto. i prevedi che i tirerà fora 150 miliardi i prossimi anni e che le singole nazioni doverà legiferar in modo diverso, ma l'obiettivo de fondo el resta: sostituir i combustibili fossili. (perchè i produci co2). No i te impedisi de vender le case ,ma nel giro dei anni el patrimonio imobiliare doverà eser meso a norma. Dal 2040 no sarà più in produzion le caldaie a gas. Anni fa i ne ga dado incentivi per eliminar le caldaie a gasolio. e, alè , dal 2040 tuti coll'eletrico. Addio pellet.
Come al solito no se risolverà un tubo. Per produr l'eletricità te utilizi in gran parte i combustibili solidi, perchè a diferenza del legname, ghe ne xe a bizeffe sul pianeta, in rapporto anche col numero de esseri umani. De uranio ghe ne xe pocheto e come al solito le materie prime per el progresso industriale tecnologico ( economia punto no so cosa ), le xe presenti in poche nazioni che pol farse un baffo de i ordini dei g20 o dell'ONU. Le fonte rinovabili no produci tuti i megawatt che servi, e alora se parla de idrogeno, che se ricava dall'aqua, e alora mancherà l'aqua, la fissione nucleare che ga bisogno de tanta energia . Bisogna far in furia perchè el clima del 2100 no ne copi tuti.


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: Buon Giorno!

Messaggio da babatriestina »

resta che i cinesi col loro carbon inquina una forte percentual . ma lor ga i bori e tuti tasi.


"mi credo che i scrivi sta roba per insempiar la gente" ( La Cittadella)
Piereto
eximio
eximio
Messaggi: 2935
Iscritto il: ven 24 set 2010, 19:38

Re: Buon Giorno!

Messaggio da Piereto »

Ieri iera anche una conferenza in porto vecio per presentar el progetto de l'ovovia. Xe za 18.000 firme de chi che no la vol, e a suo tempo go firmado anche mi. Mi digo se se pol far una roba, femola , no fazo parte del nosepol per partito preso. Ma adeso gavemo dei dati precisi : 6 tralicci , fermo de funzionameto 18 giorni l'anno, più 20 giornate de bora oltre i 80 Km orari e mi ghe zonto anche almeno un 6 giornate all'anno de libeccio sai forte che el se incuniasi in valle proprio rente el faro de cui no i gà tiniudo conto. I assicura che la xe silenziosa. I prevedi che la funivia sarà doprada de 3, 6 milioni de utenti che entrerà in cità proveniente da nord, cioè dall'italia e che non transiterà più per la costiera. Voio ricordar che la linea 6 soddisfa 2 milioni de paseggeri l'anno, el 36 sai de meno perchè el xe stagionale, ma el groso xe dado da chi che va al bagno, no certo de turisti che se postegia in città. Ghe xe anche lavoratori che vien da la bisiacheria. In sti 40 giorni che la resta ferma, ghe sarà un autobus sostitutivo che come minimo ghe meti 30 minuti per rivar in centro .Ora el caval de bataglia del comun xe che te rivi dall'altopiano in centro cità in 15 minuti. da Opcina col tran te ghe rivi in 20 e el funzionasi sempre se nol fosi nato disgrazià. Per mi la ovovia xe antieconomica perchè l'affluenza saria minima e per el costo del biglietto che te devi pagar. Ergo dirotar i 48 milioni per far qualcosa de altro. I ga fato rilevar che scavar una galleria stradale per vinir fin zo in cità come el vecio "tubone" che doveva rivar a roian, xe antieconomico cioè no ghe xe i bori. Ma mi digo una linea tranviaria a cremagliera in galleria che riva soterranea che partisi da soto un parking a opcina e la andasi all area posteggio molo 4° no so quanto che la costasi ma un pensier saria de farghe.


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: Buon Giorno!

Messaggio da babatriestina »

me par tuto un nonsenso. Po no vedo perché la gente che vien de forta dovessi tuti lassar la machina a Opcina. E po andar a pie.. a meno che no i fazi aposta per far smontar la gente in portovecio, che i vedi che bel che xe, cole transenne e el fil spinà..e a fianco de sti novi capannoni/ centro congressi una marea de roba che sta andando in rovina.


"mi credo che i scrivi sta roba per insempiar la gente" ( La Cittadella)
Avatar utente
sono piccolo ma crescero
cavalier del forum
cavalier del forum
Messaggi: 8683
Iscritto il: ven 11 mag 2007, 14:08
Località: Trieste

Re: Buon Giorno!

Messaggio da sono piccolo ma crescero »

Mi in principio no iero contrario, me pareva un bel modo per far diventar la stazion de Opicina una terza stazion de Trieste, più comoda e adata a linee veloci. E credo de verlo scrito sul forum.

Po' però go cominciado a pensar. Go sentido i prezi dei biglieti, le rogne co la bora, i numeri de fantasia che vien sparadi de Dipiaza su quanta gente che la ciaperia in un anno (chi ge ga dà sti numeri) e go capido ce xe meio lasar perder.

A un'aministrazion che no xe rivada ancora a far andar el tram, che ga fato apalti cusì ben fati che no i riva a cavarse de torno le imprese che remena i lavori per el tram e la galeria de piazza Foraggi, xe meio no darghe de far progeti grandi. Lasemoghe de imbiecar le strade e refar i marciapie, sperando che i lo fazi ben.

E go paura che per lori sia tropo grande anche el progeto de portar el tram de Opcina fin ala stazion dei treni.


Allora s’accorse che le parole fanno un effetto in bocca, e un altro negli orecchi; e prese un po’ più d’abitudine d’ascoltar di dentro le sue, prima di proferirle. (A. Manzoni, I promessi sposi, cap. XXXVIII)
Piereto
eximio
eximio
Messaggi: 2935
Iscritto il: ven 24 set 2010, 19:38

Re: Buon Giorno!

Messaggio da Piereto »

Prolungar el tram de Opicina fina in stazion ferroviaria de opcina?, Ma no se pol. I terreni de espropriar dove te li meti. Xe decine de strade a Trieste in periferia con strozzature o incomplete, ferme de anni anorum proprio perché espropriar vol dir ficarse in un ginepraio legale. Rivarghe in sotterranea sembra più semplice. Te passi su terreni demaniali o comunali e nel centro abitato sotto le strade. Penso sempre alla circonvallazion a mezzo monte (via Aquileia via Cantù) che nel 1953 no se ga completado perché iera de butar zo una villa in via Romagna.


Avatar utente
sono piccolo ma crescero
cavalier del forum
cavalier del forum
Messaggi: 8683
Iscritto il: ven 11 mag 2007, 14:08
Località: Trieste

Re: Buon Giorno!

Messaggio da sono piccolo ma crescero »

Stamattina, verso le 7 e meza pareva un tramonto...

Immagine

Quel balin bianco xe la luna.


Allora s’accorse che le parole fanno un effetto in bocca, e un altro negli orecchi; e prese un po’ più d’abitudine d’ascoltar di dentro le sue, prima di proferirle. (A. Manzoni, I promessi sposi, cap. XXXVIII)
Piereto
eximio
eximio
Messaggi: 2935
Iscritto il: ven 24 set 2010, 19:38

Re: Buon Giorno!

Messaggio da Piereto »

Rosso de mattina.......


Piereto
eximio
eximio
Messaggi: 2935
Iscritto il: ven 24 set 2010, 19:38

Re: Buon Giorno!

Messaggio da Piereto »

No casca solo calcinacci ne la galeria de piazza foraggi, ma adeso anche in quela de circonvallazion de Muia. Anche questa xe una ex galeria antiaerea . Mi la go sempre trovada inadeguata perche la xe a una sola corsia e i la ga fata cusì perche un lato de l'uscita la xe streta a causa de la confluenza de via de le mura.

uscita galleria Muggia.jpg
uscita galleria Muggia.jpg (32.82 KiB) Visto 330 volte

Un lavor novo saria quel de rifar la galleria a due corsie , e in uscita eliminara la rampa iniziale de via de le mura e ricongiugerse po co sta via passando per via de i Ubaldini una soluzion che iera de farse 30 anni fa co iera costruide poche case . Per cui se tegniremo una sola corsia risanata.


Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: Buon Giorno!

Messaggio da Ciancele »

Fioi, neviga. No credo che saremo taiai fora del mondo, ma forsi dovaremo cantar Qua se sbrisa, qua se casca. Par fortuna go de magnar e de BEVER par tre giorni. Dopo sarà come ai tenpi dela Tot. Me tocarà bever trapa contro la sede. Resisterò.
Un cordiale saluto a tutti.


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: Buon Giorno!

Messaggio da babatriestina »

qua i ne ga minaciado neve, ma inveze xe sol e borin


"mi credo che i scrivi sta roba per insempiar la gente" ( La Cittadella)
Piereto
eximio
eximio
Messaggi: 2935
Iscritto il: ven 24 set 2010, 19:38

Re: Buon Giorno!

Messaggio da Piereto »

Me xe capità per le man un vecio biglietto mensile rete de la TTtrasporti del 2001. beh in venti anni el xe pasado da euro 20,66 a euro 35,20. Oltre che eser ancora presenti le Lire go notado che l'aumento probabilmente nol xe dado dall'inflazion ma xe che xe aumentadi i costi del servizio..

biglietto.jpg
biglietto.jpg (22.95 KiB) Visto 281 volte


Piereto
eximio
eximio
Messaggi: 2935
Iscritto il: ven 24 set 2010, 19:38

Re: Buon Giorno!

Messaggio da Piereto »

Anno novo femo un bilancio del covid.
Se ga presentado de le varianti , una forte che ciapa ancora i polmoni e una più debole sempre alle vie respiratorie, ma semo in atesa de ulteriori mutazioni, tanto che se pensa che oramai semo di fronte a una endemia, cioè una malattia che se ripresenterà nei anni. Semo sempre in atesa de una medicina che te permeti de curarte a casa se te ciapi el covid e dopo che te te ga fato el tampon. Ghe xe ancora una forte quantità de persone che no vol vacinarse e che se ciapa el covid va a farse ricoverar in ospedal. Savemo che nei anni pasadi e ogni anno xe morti almeno 600.000 italiani per incidenti e per malatie. In questi te ghe devi contar quei che ga ciapado el covid e che ghe ga portado complicazioni e la morte. E poi xe de zontar i morti de solo covid . La situazion de posti letto, dotori e infermieri, xe sempre la stessa, per cui se aumenta i ricoveri per el covid, el sistema ospedaliero no riva a curar chi che no lo ga ciapado, e devi rinviar i interventi ordinari.
Un altro per de manighe xe come che el governo se movi per frontegiar la pandemia.


Piereto
eximio
eximio
Messaggi: 2935
Iscritto il: ven 24 set 2010, 19:38

Re: Buon Giorno!

Messaggio da Piereto »

Oggi hanno cominciato a smontare una delle quattro gru dell'Adria termional in porto vecchio. Per anni l'autorità portuale ha cercato di venderle . In verità le gru sono state poco usate perchè ormai le navi ne possiedono di proprie per movimentare le merci. La domanda è : uno smontaggio o una demolizione ?.


P1080647.JPG
P1080647.JPG (40.23 KiB) Visto 248 volte


Torna a “El salotin”