I famosi Soncini e il vescovo Pedrazzani

dela Tergeste medieval fin ala proclamazion del portofranco nel Settecento
Regole del forum
Collegamenti al regolamento del forum in varie lingue ed alle norme sulla privacy in italiano.
Avatar utente
Blues Briso
Vilegiante
Vilegiante
Messaggi: 196
Iscritto il: sab 8 gen 2022, 19:31

I famosi Soncini e il vescovo Pedrazzani

Messaggio da Blues Briso »

Come saverè, se disi che el vescovo Pedrazzani de Robecco (d'Oglio, CR), quando che el ga fato conzàr le cese sul colle de San Giusto, tacandole insieme per tirar fora la basilica, el gabi ciamà dele maestranze del paese de Soncino (CR).
'Sti Soncini (ogi se diria soncinesi), po' i se ga stabilì a Servola, dove resta el nome dela via e tanti cognomi che se ga tipicizà: Sancin, Sanzin... (Devo gaver una trisavola Sanzin, se no me ricordo mal)

Xe do robe però che a mi no me torna. Mi desso abito più o meno a metà strada, in linea d'aria, tra Robecco e Soncino, anche se sull'altra sponda del fiume Oglio. E ogi che le strade xe bele e se se movi in auto per 'ndar de un paese all'altro, se ghe meti almeno mez'ora. Se se varda con Maps, a pìe, se se sta sei ore.
Come mai sto vescovo el xe 'ndado a ciorse sti soncinesi, no me spiego.
Oltretuto, Soncino me risulta che al'epoca fossi in espansion, perché "Borgo Franco" dal 1185. Perché sti mati i ga ciapà e i xe vignù a Trieste?
Me par più probabile che i "Soncini" i se gabi trovado in esilio per motivi diversi...
Po', se i gaveva de lavorar ala basilica, no i podeva trovarse de viver più vizìn del cantièr?
Me sbaglierò, ma go l'impresion che no sia cussì colegade le robe.


Vosi e lingue sconossude me bati sule orece nude. El posto xe 'l steso, ma mi no 'l me par, adeso. Tuta sta gente de ndo' la riva, ché no la va via? O inveze xe i mii che me schiva? E pur ara, che mi son casa mia!
Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: I famosi Soncini e il vescovo Pedrazzani

Messaggio da babatriestina »

una domanda simile podessimo farla per roba più vizina: perché el grosso dei architetti neoclassici triestini i xe andai a ciamarli dlea Svizzera, in canton Ticino. Nobile i primis? mah.. no so risponder.
ti che te sono " in loco" te podessi veder se sti Soncini iera famosi e anche lati li ga ciolti per lavori..
NO ghe n'entra tanto, ma perché el matavilz o valerianella i ghe disi anche soncino?


"mi credo che i scrivi sta roba per insempiar la gente" ( La Cittadella)
Avatar utente
Blues Briso
Vilegiante
Vilegiante
Messaggi: 196
Iscritto il: sab 8 gen 2022, 19:31

Re: I famosi Soncini e il vescovo Pedrazzani

Messaggio da Blues Briso »

Veramente son dà a zercarme qualcossa de Pedrazzani e go trovà una biografia scrita de un prete, ma scrivi solo robe de lui come vescovo de Trieste, niente de novo, 'ndarò a zercar el titolo.
De Soncino quel poco che go trovà, salta i ani che ne interessa.

Per el neoclassico, no so, forsi iera un periodo più florido, o almeno xe la mia sensazion, quindi se andava a zercarse i più rinomai....

Del matavitz, no so dir, purtropo...


Vosi e lingue sconossude me bati sule orece nude. El posto xe 'l steso, ma mi no 'l me par, adeso. Tuta sta gente de ndo' la riva, ché no la va via? O inveze xe i mii che me schiva? E pur ara, che mi son casa mia!
Piereto
eximio
eximio
Messaggi: 2935
Iscritto il: ven 24 set 2010, 19:38

Re: I famosi Soncini e il vescovo Pedrazzani

Messaggio da Piereto »

Sui soncini , in dialeto sanzini, girava anche una altra interpretazion e cioè che el nome derivasi da schanze , d'altro canto gavemo anche una zona triestina che se ciama Sanza e che volesi dir salto cioè una zona dirupata, scavata e quindi chi che abitava la iera dei scavatori che po i ga lavorado per scavar trincee intorno a San Giusto nel medioevo. po perchè se li ritrova ogi tuti a San Giacomo xe misterioso.


Avatar utente
Blues Briso
Vilegiante
Vilegiante
Messaggi: 196
Iscritto il: sab 8 gen 2022, 19:31

Re: I famosi Soncini e il vescovo Pedrazzani

Messaggio da Blues Briso »

Blues Briso ha scritto: sab 12 feb 2022, 9:56 ... go trovà una biografia scrita de un prete
Se tratta de
'ndarò a zercar el titolo


L'autor aferma che sti soncinesi xe stai ciamadi del vescovo Pedrazzani, dal momento che el papa Bonifacio VIII ga "concesso Indulgenze ai triestini (a. 1302) ". Ma non so a cossa se riferissi, me ricordo de gaver leto qualcossa su Indulgenze a chi contribuiva al restauro dela cesa de San Giusto, ma no me ricordo dove... ai triestini in generale, però, no.
Comunque secondo Berenzi, apunto, sti omini serviva per manodopera per la basilica. El disi che no'l ga ciamà i robecchesi perché in quei ani el paese, secondo lui, iera provado per le lote fra cremonesi e bresciani, in particolare tra , e che i portava a incursioni tra le due sponde del Oglio, tra Robecco apunto, e Pontevico. Una volta la gaveva vinta i guelfi, l'altra i ghibellini e oltre questo, se meteva anche dele no mejo specificade, calamità naturali... Inveze Soncino par fossi più popolado, e de quando el vien asogetado dei cremonesi dopo asedio, sembra che i soncinesi no i soportassi el governador Pietro Fodro.
Tra le altre robe, el cita, criticandolo, un autor (Tedeschi) secondo cui inveze el Vescovo el gavessi fato vegner i soncinesi per gaver omini de far combater nel caso che el se gavessi mobilità per recuperar la signoria dela cità...


Vosi e lingue sconossude me bati sule orece nude. El posto xe 'l steso, ma mi no 'l me par, adeso. Tuta sta gente de ndo' la riva, ché no la va via? O inveze xe i mii che me schiva? E pur ara, che mi son casa mia!
Avatar utente
Blues Briso
Vilegiante
Vilegiante
Messaggi: 196
Iscritto il: sab 8 gen 2022, 19:31

Re: I famosi Soncini e il vescovo Pedrazzani

Messaggio da Blues Briso »

Blues Briso ha scritto: mer 13 dic 2023, 8:55 Inveze Soncino par fossi più popolado, e de quando el vien asogetado dei cremonesi dopo asedio, sembra che i soncinesi no i soportassi el governador Pietro Fodro.
In efeti, ndando a leger la de Francesco Galantino, se fa un accenno alle vessazioni dei Cremonesi che za dal april del 1300 i fa pagar a Soncino la "Gabella Magna", i prova a escavar el teritorio (no xe spiegà perché) e 'po vien dito che sto Pietro Fodro definido "podestà della terra" che iera podestà de Soncino, vien cazà via dai Soncnesi nel 1306 e dopo finalmente l'agricoltura xe tornada a produr, perché i soncinesi ga fato de tuto per convinzer i agricoltori dei dintorni a trasferirse in quele campagne là, dopo che le
"escussioni di Fodro e dei Cremonesi avean assottigliate di abitanti".
Quindi xe davero possibile nei primi del '300 ghe sia stada una migrazion de soncinesi per via dele "guerre" e dele situazioni de opression (almeno questo xe tramandà).


Vosi e lingue sconossude me bati sule orece nude. El posto xe 'l steso, ma mi no 'l me par, adeso. Tuta sta gente de ndo' la riva, ché no la va via? O inveze xe i mii che me schiva? E pur ara, che mi son casa mia!

Torna a “De 'l medio evo a 'l porto franco”