La mendaressa

chi se ricorda più che a Trieste ghe iera....
Regole del forum
Collegamenti al regolamento del forum in varie lingue ed alle norme sulla privacy in italiano.
Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

La mendaressa

Messaggio da babatriestina »

Un altro mestier che sta sparindo: la mendaressa.
Ogni tanto se vedi in qualche porton o in vetrina de qualche negozio Mendaressa ( che in casa mia go sentido pronunciar Remendessa :-D ), saria la rammendatrice, te ghe portavi una roba sbregada o sbusada e la te fazeva un rammendo praticamente invisibile!
ieri passando per via Battisti me ga parso de no veder più la tabella che iera de una al altezza dela ex Standa. Po una bona iera e forsi xe ancora in principio de Viale Sonnino, un poco prima del ex cinema Capitol, ospitada de un negozio che vendi roba per lavori de casa. Una bravissima iera la siora Boscolo parecchi anni fa che la stava in Cavana, ma co i ga restaurado la casa la xe andada via e no credo che la gabbi riaverto.
Iera un mondo che se salvava tuto , no come adesso che xe consumismo e costa de più meter a posto che comprar novo ( gavè presente la classica frase in negozio: Ghe costa de meno cior un novo), e po se disi che se spreca, che bisogna riciclar, che semo somersi dele scovazze...
e po sti lavori de ago le imparava ale scole femminili, ancora mi i me ga insegnado qualcossa ale elementari e ale medie, ma no a livello cussì bon tecnicamente. Gavevo visto i ricami che fazeva le sorele de mia nona ale scole femminili, e iera dei capolavori ( xe andado vendudo tuto co ga ereditado un nipote ), e anche mi go provado a copiar i monogrammi de zia Catina sule intimele, e i mii xe grezzi in confronto dei sui ( ve ricordè zia Catina? ve gavevo postado le foto dei sui vestiti su Triestemia.. la xe morta oltre 100 anni fa e ovviamente no la go conossuda :-D , solo nona e una vecia prozia la gaveva conossuda de persona)


Avatar utente
AdlerTS
cavalier del forum
cavalier del forum
Messaggi: 9561
Iscritto il: mar 27 dic 2005, 21:35
Località: mail: adlerts[at]email.it

Messaggio da AdlerTS »

Mia nona vecia me contava che alle camise i ghe cambiava colletto e polsini, ma non se butava mai via el "busto": me ga sempre fato strano.
Ogi co te ga i polsini consumai te buti via tutto !

Non afferro però la differenza tra mendaressa e la sarta.


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

AdlerTS ha scritto:
Non afferro però la differenza tra mendaressa e la sarta.
beh, la sarta sa taiar un vestito, la mendaressa no taia e po la fa sti pici lavori a man , no cola machina de cusir , almeno in linea general.
Xe anche in diminuzion le ricamatrici, che se te ghe portavi te fazeva el monogramma sula biancheria. Adesso i monogrammi o te li fa la ditta stessa ( se comprè su Landsend su internet per 5 dollari i ve fa el monogramma sui tochi comprai) o te se li fa de solo, a man o a machina, come che go fatto a volte mi, ma i ga meno importanza de una volta, che serviva anche che le lavandere no se confondi con la biancheria e no scambi tochi.


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: La mendaressa

Messaggio da babatriestina »

Domanda: se un omo fa sto mestier, come se lo ciama?


"mi credo che i scrivi sta roba per insempiar la gente" ( La Cittadella)
Avatar utente
sono piccolo ma crescero
cavalier del forum
cavalier del forum
Messaggi: 8683
Iscritto il: ven 11 mag 2007, 14:08
Località: Trieste

Re: La mendaressa

Messaggio da sono piccolo ma crescero »

babatriestina ha scritto: gio 20 apr 2023, 14:46 Domanda: se un omo fa sto mestier, come se lo ciama?
...Tapabusi? :-D :wink:


Allora s’accorse che le parole fanno un effetto in bocca, e un altro negli orecchi; e prese un po’ più d’abitudine d’ascoltar di dentro le sue, prima di proferirle. (A. Manzoni, I promessi sposi, cap. XXXVIII)
Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: La mendaressa

Messaggio da babatriestina »

sono piccolo ma crescero ha scritto: gio 20 apr 2023, 18:03
babatriestina ha scritto: gio 20 apr 2023, 14:46 Domanda: se un omo fa sto mestier, come se lo ciama?
...Tapabusi? :-D :wink:
remendador?
( pensavo ai due " poco di buono" di Carmen : il Dancairo e il Remendado


"mi credo che i scrivi sta roba per insempiar la gente" ( La Cittadella)

Torna a “Veci mestieri”