Robe de una volta

[sono piccolo ma crescero]

I me contava, ma mi onestamente no ghe credevo, che una volta no esisteva el telefonin, che ognidun se porta in scarsela. Che no se podeva parlar co la morosa intanto che se traversava la strada ris'ciando de 'ndar soto l'auto. Che se se voleva parlar con qualchedun bisognava andar in certi posti dove che iera dei telefoni, te metevi dentro o un geton o moneda, e te podevi parlar, ma stando fermo là dove che te ieri.

Mi no ghe credevo propio .

E invece ogi, me vardo in piazal Degasperi e vedo una roba che sarà stada là de tanto tempo, ma che no gavevo mai notado, forsi perché no savevo a cosa che la servisi : un telefono pubblico.



No'l xe più a geton. Se ghe buta dentro centesimi e se pol parlar. Se te ghe ne buti tropi ... te saludo Nina, li goderà chi che vien dopo de ti.

A parte i scherzi, me ga cusì meraviglià de trovar sto ordegno, che co lavoravo a Milan dopravo ogni giorno per ciamar la morosa, che go pensà de fotografarlo.

Ma la roba più strana xe che, go controlà, el funziona!

[sono piccolo ma crescero]

Iero convinto che fusi una rarità e invece go scoperto che a Trieste ghe ne xe 171.

https://www.tim.it/content/dam/flytoco- ... -05-24.pdf

Sarà vero?

[mandi_]

incredibile

[Piereto]

Me par de aver visto che te telefoni co una scheda.

[babatriestina]

due anche quasi soto casa mia, piazza Goldoni.
ricordo un mio amici che una volta nele stazioni fracava el tasto del reso. a volte vegniva zo una caterva de getoni e monede, gente che se dimenticava de ciorle dopo una interurbana. E co i getoni valeva per monede, visto che la Zecca no rivava a coniarghene bastanza?

[sono piccolo ma crescero]

due anche quasi soto casa mia, piazza Goldoni.
ricordo un mio amici che una volta nele stazioni fracava el tasto del reso. a volte vegniva zo una caterva de getoni e monede, gente che se dimenticava de ciorle dopo una interurbana. E co i getoni valeva per monede, visto che la Zecca no rivava a coniarghene bastanza?

Lavoravo a Milan e ogni sera me serviva un pochi de gettoni per ciamar a Trieste la morosa. Ghe iera quela volta un giornal che vigniva fora la sera, vendù per strada da "strilloni": La Notte. Una sera, se vedi che no i saveva cosa scriver, i xe vignui fora col titolo "Domani gettone telefonico a 100 lire" (fin a quel momento el costava 50). E quela sera no go ciamado a casa, no se trovava più un geton in tuta Milan.

Naturalmente el giorno dopo el getton iera ancora a 50 lire. Ma no xe stada la pezo che ga fato quel giornal, che no so se l'esisti ancora.

[Ciancele]

due anche quasi soto casa mia, piazza Goldoni.
ricordo un mio amici che una volta nele stazioni fracava el tasto del reso. a volte vegniva zo una caterva de getoni e monede, gente che se dimenticava de ciorle dopo una interurbana. E co i getoni valeva per monede, visto che la Zecca no rivava a coniarghene bastanza?

Tanti ani fa, mio fio iera ancora putelin, in vacanza el ga fracà un boton e xe vignude zo tante monede. El voleva 'ndar ogni giorno a veder se vien zo soldi.
Me par der gaver za contà che una volta a Trieste ciolevo el cafè ala Portiza e pagavo con mile lire. I me dava fora 900 lire (el cafè costava 100 lire come el geton del telefono) soto forma de 9 getoni. Dopo pagavo el cafè in getoni e no solo ala Portiza.
Anca qua se trova telefoni, ma no so con che cosa che se paga. Credo anca con la cartassegni.

[babatriestina]

e adesso i cava anche questi

[sono piccolo ma crescero]

Onestamente no so se qualchedun li dopra. Credo che sia anni che no vedo qualchedun parlar con sti telefoni...

[mandi_]

Credo che ormai ci siano in giro più cellulari che persone, come le automobili penso.
Unico grosso problema non ancora risolto è la ricarica del cellulare spesso diversa tra un cellulare e l'altro.
Così non vedo l'utilità di una cabina telefonica al giorno d'oggi.
Invece vedo il fastidio di avere spesso il telefono scarico

[sono piccolo ma crescero]

Se per telefono scarico intendi con la batteria scarica, la soluzione può essere il cosiddetto "powerbank", una batteria ricaricabile che, con alcune uscite standard, ti permette di ricaricare il telefono anche mentre sei a passeggio o in gita. In montagna, parlo per esperienza, i telefonini si scaricano rapidamente ed il powerbank diventa un sussidio indispensabile.

[Piereto]

El colmo xe averli tuti e do scarighi

[mandi_]

come mi spesso