Locai che me sento de sugerir...

[babatriestina]

Mi saria 'ndà anca drento.

ogi. ma no iera ancora ora de spriz, go ciolto solo un cafè e vedevo che i prontava, la siora impanava roba e le tece iera sul fogo

[Ciancele]

Mi saria 'ndà anca drento.

Ogi, ma no iera ancora ora de spriz, go ciolto solo un cafè e vedevo che i prontava, la siora impanava roba e le tece iera sul fogo
[/quote]
Baba, par un spriz tute le ore xe bone.

[Ciancele]

Mi saria 'ndà anca drento.

Ogi, ma no iera ancora ora de spriz, go ciolto solo un cafè e vedevo che i prontava, la siora impanava roba e le tece iera sul fogo

Baba, par un spriz tute le ore xe bone.
Ogi ale 4 e un quarto son pasà a pie davanti a tavolini e boca suta. Me go ciolto un biron. Te vedevi la bira che se gasificava co' la iniutivo. A garganela, sensa mastigar.

[babatriestina]

Ma iera le 9 de matina, no poso cominciar a impetessarme a quele ore, a stomigo svodo. La bira te la lasso a ti e ai cruchi,. anche se spero de andar la prossima volta nela vale della Mosella è là...

[babatriestina]

ben, ogi gavevo un'ospite per un poche d e ore a Trieste e la me ga dito voleria magnar un fiadin in trattoria. Senza spender ssai. Ierimo in centro,zona via Carducci, go scartado el idea de andar nei tanti novi locai e go zercado una tratoria: ben, go dito provo quele de via Sorgente, ala Sorgente e Ai maestri. vardemo i prezi: 14-15 euro i primi, el pesse a 45 al chilo... ne par careto, provemo a entrar, va ben iera sabato a mezogiorno " Ahh signora se no l a prenota xe tuto pien, volentieri.." Miseria che incombi, eh? ben bon semo andai poco oltre, ala Cantina via Foschiatti che me parev a de gaver sentido parlar ben. Cortesi, posto , prezi onesti, piatti pronti principalmente fritti e scaldai al microonde, no mal vini boni. Per un rebechin, come che volevimo, va benissimo.

[babatriestina]

In via Foscolo tra una sartoria cinese e una botega araba xe un picio local dove se pol far siori rebechini sensa svenarse.
El local se ciama CLAI che xe el nome del paron, un istrian de Materada (forsi solo su pare xe de Materada e lu xe nato a Trieste)
El ga un banco frigo sempre pien de roba impanada (ombolo, zuchete e melanzane ripiene e no, sardoni e altri pesi), tartine de parsuto coto e crudo, de bacalà, per chi che ghe piasi anche formadi frant (ciarniel) e tante altre robe che adeso no me sovien
Cusina tuto una putela che xe su molie che fa anche bonisimi amlet e creme
Con zinque, sie euri se magna sazi,
A mezogiorno se pol anche pranzar (solo quatro tole) con magnari locai
Ale undise e mesa el meti sul marciapie una tabela con el menu del giorno
Provare per credere.

ogi son passada davanti cola machina fotografica

e sti giorni go fato tappa_
ieri divevo cior un cafè, ma inveze , trovando la saletta svoda, me go fermado per un calicetto con una tartina de coto caldo col cren



iera anche el menu



aparte un orendo goolasch- scrito cussì- me ga fato voia e cussì ogi verso le 11 son andada per ciorme qualcossa d e portar casa..
iera ancira ora de rebechini e no pranzo, cussì me go ciolto un cafè, go ordinado un piato de ravioi de pesse e go spetado che i verzi la cusina..
iera giornata grigia, de pioveta,, vedevo la gente che vien, ciol qualcossa e sta poco tempo, un calice ( più che una bira) un panin, un piatin...
dopo le 11 e mezza xe rivado le menu del giorno, el paron ga prontado le tavole per pranzo e me xe rivai i mii ravioi.. boni e con bon sughetto de pesce ( 10 €) molti fritti pronti per chi no ga problemi de salute o de linea.. paroni cocolissimi. De tornar..

[babatriestina]

me go fermado solo che per un cafè, ma me vegniva tute le voie..






probido magnar in saletta, pien de lori che cioleva i piatti per asporto a ora d e pranzo

[Ciancele]

Me saria vignù la voia anca a mi. Gavaria ciolto de magnar e portà a casa. Forsi saria morto de fame come el mus de Buridano.
Vedo che a Trieste gavè sol e sedise gradi. Aguro a tuti una bela domenica. Con aperitivo ed antipasto in piazza dal sacco.

[babatriestina]

Mi no vado assai a pranzo fora, ma a volte go amiche che vol. Un per de esperienze: vien una cugina con amici, se prenotemo per magnar pesse de Menarosti, la ghe cedi la prenotazion per due ai amici ( che xe stai contentissimi!) e ela e mi, ale 7 de sera de venerdi a zercar posto. Tuti i posti anche svodi La ga prenotado? ah no gavemo posto. Semo finide in un betolin de pesse in va Crosada, acettabile,bon prezzo, ma gnente de special. là visin xe anche no mal un ristorante grego.
inveze un ristorante de pesse bon no tirado rio ma gnanche tanto caro xe nero di seppia in via Cadorna. Gavevo ciolto qualcossa fato vegnir a casa co i ne gaveva serado in casa tre anni fa e sn stata giorni fa: un frito misto ben fato e un dolce tipo pasta carsolina ma in variante. gnente mal. Se te paghi oltre 30 € no te paghi coperto




I prossimi giorni voio provar el ristorante Clai che no xe el buffet Clai e xe in via Ghirlandaio: go leto bone recensioni

[babatriestina]

me go fermado solo che per un cafè, ma me vegniva tute le voie..

in due anni i ga aumentado mediamente de 2 euro l'un

[babatriestina]

Conconello, trattoria de pesse al ombra

[babatriestina]

un per de boni calamari fritti me li go fati anche a casa!

[babatriestina]

Gavemo parlado del Buffet Clai de via Foscolo. El Piccolo giorni fa ghe ga dedicado due pagine, cola storia de famiglia. Ma resta un poco nebulosa la storia dela tratoria Clai in via Ghirlandaio, a legerli lori par ch e i l a gabi lassada a altri. Comunque, visto che i parla ben anche de quela , son andada de persona a verificar: una classica tratoria de quartier, gente del logo, piatti semplici ma ben fati e prezzi onesti
Rispeto al bufet, più posto de sentarse

Go ciolto una de sardoni impanati e una salata mista ala triestina



come fato in casa, nè più né meno
El cocolo gestor che gira fra i tavoli per veder de i clienti xe contenti

[sono piccolo ma crescero]

Anche un mio amico che sta là vizin, me ga dto che se qualche volta no i ga voia de far de magnar, i va a magnar là.