Ovovia - cabinovia

[sono piccolo ma crescero]

Polemiche sul referendum. Alora femone uno tra de noi.

[sono piccolo ma crescero]

Mi in principio iero favorevole, ma desso più che penso e più me trovo contrario.

Penso sempre a quel che me ga dito un ingegner specializà in piani del traffico:" bela come iniziativa pel turismo, ma go sai dubbi che la servi come mezzo de trasporto".

Ancora no go votado, ma penso che voterò pel no sul nostro referendum.

[babatriestina]

mi son contraria. Senza dubbi. Rovinar el coston per una roba che parti del gnente e riva nel gnente. perché in Porto Vecio bisogna rivarghe e per adesso xe fora de ma, se ciogo la machian per rivarghe tanto fa rivo in carso. idem in carso campo Romano xe fora de man sia per Opcina che per Prosecco che per Monte Grisa. E questo per un c itadin come mi. Ma i foresti che vien a Trieste dovessi meter la machina a Campo romano ( ma se i vien in treno...) cior sta ovovia un pochi ala volta e rivar a Porto vecio,. dove che i torva forsi el sindaco che li speta per abraciarli, ma gnante altro. El magazzino 26 in lavor. Po un 6 per rivar in cità...forsi el 81( ??) es e i riva cole valige? un nonsenso. Mi se go de andar a Opcina continuo a cior el e/ o el 4 de piazza Oberdan chge xe in centro, xe colegà con un futìo de bus e no vado a cior un ovovia in PV . E questo solo per la logistica, lassando star el estetica, i piloni, un bosco rovinado...

[Piereto]

Save che iero contrario da bel inizio, proprio per una prevision economica de esercizio sbalada, (numero de usufruitori scarso) e ghe xe po la question de l'inquinamento acustico che nisun ga' dito. Carucole e cavi che se movi continuamente da le nove de matina fin le diese de sera a livel de finestra per chi che abiterà in porto e sora la testa dei barcolani. Po la storia de la bora, e el fora de man de campo romano o de piazal de Monte grisa. Per mi xe meio una linea tranviaria a un binario che parti da radice molo audace, va in porto e po' in galeria a cremagliera fin sul cilion. Costa de più? Ma la bora ghe fa un bafo.

[Piereto]

Comunque vada le robe i soldi se trova za per pagar i progeti. A Trieste gavemo montagne de progetti co firme ilustri e po'.... el sonno eterno.

[sono piccolo ma crescero]

Qualche giorno fa ghe xe sta un parere negativo, o meio due
https://www.triesteprima.it/cronaca/cab ... denza.html

Me fa strano "l'assordante silenzio" delle istituzioni che no ga replicà (o me son sbaglià e no go visto?) I ga replicà o no?

Sti pareri xe pareri negativi vincolanti o xe solo un "te sconsiglio"? E se sti pareri xe vincolanti, no i gaveria dovù vignir a monte de tuto?

De chi xe colpa? De chi che se xe moso in anticipo senza spetarli, o de sti enti che se la xe ciolta tropo comoda? No lo so, e quindi domando.

[Piereto]

Co se fa un progeto se devi tinir anche conto de tute le variabili che se conosi . Mi noto una certa superficialità per esempio la se vedi dal fato che manca le carte su movimentazioni de terra nei scavi per i piloni, su le piante dei terreni de espropriar, etc . Po' esisti anche i pareri de enti preposti che xe vincolanti e che pol dir de no. Xe in atto una revision nazionale dei finanziamenti del pnrr su opere de dubbia utilità , e credo che la ovovia sia una de quelle che fa pensar.

[Piereto]

No xe ancora ben ciaro se il pnrr xe rivedibile , ma sembreria proprio de no perché i banchieri europei segui le linee guida de la comision, che ga stabilido per cosa erogar e quanto e quando tornarghe indrio e anche a che interesse. Due progeti che credo saria stadi utili per Trieste xe un che aprofitando dei binari in porto vecio se podeva prolungar fin a campo Marzio quindi ad uso tranviario. L' altro progeto prevedi l' utilizo de la cava facanoni che xe proprietà comunale per trasformarla in centrale elio termica tramite speci. Ma evidentemente nisuna richiesta xe partida da TT , na tantomeno da Hera.

[babatriestina]

Mi go leto un articolo a livello nazional che disi che sta vegnindo fora che tanti comuni se stava improfitando de sto pnrr per farse far a gratis robette comode comunali tipo campo de balon, o altre amenità

[Piereto]

Credo che sai presto doveremo vigilar su de un altro parto del comun e cioè sul progeto de alargamento de la spiagia da la pineta de barcola fino a California. La scusa soto tracia xe che bisogna preveder sto alrgamento perchè el livel del mar se inalzerà. Nota ben che ogi el marciapie xe in tanti punti anche do o tre metri sora del mar. Inveze saria de inalzar le rive citadine. Za l'Austria lo gaveva fato nei ultimi ani del secolo dicianovesimo. Ma inveze a qualchidun ghe piaseria slargar la strada per far altri parchegi. Son d'acordo dove che se disi che xe necesario rimeter le dighe de scoi antistantti i topolini che xe stadi eliminade da le tante maregiate de libeccio. A qualchidun ghe piaseria che se podesi anche slargar la spiagia portando sabia e per no farsela portar via dal mar, i volesi far tanti moli a petine snaturando sl'unico toco bel e za ben sitemado de costa. Me sa che come sempre se voli aumentar el numero de turisti rompendoghe le togne a chi che za ghe va.

[sono piccolo ma crescero]

E mentre noi parlemo de Ovovia, Padova pensa ai tram: https://www.padovanet.it/notizia/202101 ... dova-smart

[Piereto]

La notizia de Padova xe del 2021. Par che oggi i ga rivado a fare solo do linee su le oto previste. Espropri e corse contro la data ultima per ciapar i bori, 31 dicembre.

[Piereto]

Ieri xe sta presentado el progeto "definitivo" de l' ovovia aprovado da la sovrintendenza belle arti. Progeto fucsas de le stazioni abortido, soldi nostri svoladi via. Mi me domando chi ga butado la piera nel stagno e po' ga tirado via la man, cioè chi a Roma ga proposto al governo de usar 42 milioni, diventadi po' 63 utilizzando el PNR. Per mi resta una opera antieconomica , i 200000 utilizzatori all' anno i se li insonia. Un turista zerca de lasar l' auto el più vizin al suo albergo. Visivamente xe bel veder barcola dall' alto in avvicinamento , no la cità che non te rivi a veder, e po' nianche el porto perché se passa tra i magazini. Se inveze te guardi el faro e monte grisa te vedi che in galleria te rivi in piano soto Greta e po' in salita con cremagliera fin al posteggio sotto el santuario. Certo no xe panoramico ma funzionasi tuto l' anno.