Il castello di Miramare in Toscana

[Blues Briso]

Chi ga Netflix, in sti giorni pol vardar un film de azion american che parla de furti d'arte, con diversi atori più o meno famosi, .
El film no xe particolarmente originale, xe una specie de odierna "stangata", con scene de azion iperbolica...
La roba che sicuramente lo rendi originale xe el fato che el personagio interpretà de Jean Reno (un cativo senza el minimo scrupolo) abita in una villa in Toscana, che però par proprio el castel de Miramar...
Go fotografà la televison e penso che un singolo fotograma no intachi el copyright.

Per un come mi xe come se i metessi el duomo de Milano a Roma...
La scena in cui el cativo el vien batù se svolgi proprio in tel cortil del castel...
No go parole
Solo parolaze

[Blues Briso]

No go parole
Solo parolaze

Xe una batuda oviamente

[babatriestina]

co s a ga borazi, se sposta anca i castei

[Blues Briso]

co s a ga borazi, se sposta anca i castei

Ahahah, vol dir che la sufiava forte....

Scuseme me son dimentica' de dir el titolo del film:

[sono piccolo ma crescero]

Su un libro de geografia dele medie go visto, una volta, Miramar nele Marche!

Ma ormai me son rassegnà: anche la Settimana Enigmistica, che no sbagliava mai, ga messo la Domenica in albis a precedere la Pasqua (n. 4800
pag 17 Gioco n. 80065 33 Orizzontale) e no xe l'unico!

Quel che bisogna far, a sto punto, xe star sai atenti sui conti in banca.

[Ciancele]

Un Miramare xe anca dopo Rimini prima de Riccione. Nel 1939 ghe son 'ndà a pie de Rimini.

[Ciancele]

co' se ga borazi, se sposta anca i castei.

Mi conoso solo i Orazi e i Curiazi. Chi xe 'sti Borazi? Giganti?

[babatriestina]

co' se ga borazi, se sposta anca i castei.

Mi conoso solo i Orazi e i Curiazi. Chi xe 'sti Borazi? Giganti?

in effetti, boràzi xe nel vocabolario Doria Zeper ma nel nostro no ancora

[Ciancele]

Ma anca mi de picio disevo borazi. Come accrescitivo de bori. No credo che sia una parola no vecia.

[babatriestina]

accrescitivo e peggiorativo, diria.

[Ciancele]

accrescitivo e peggiorativo, diria.

A peggiorativo ghe gavevo pensà anca mi e po go lasado, parchè in questo caso xe par mi solo accrescitivo. Cagnaz xe peggiorativo e dispregiativo, ma borazi no.

[Blues Briso]

Un Miramare xe anca dopo Rimini prima de Riccione. Nel 1939 ghe son 'ndà a pie de Rimini.

Sì sì, il problema che quel nel film xe proprio el Miramar de Grignan...

[Ciancele]

Carissimo, el problema xe che in giografia xe diversi paeseti col steso nome. Xe vero che co' se scrivi robe serie bisognaria far sul serio. Ma nisuno xe perfeto. Ogi xe più facile parchè con wikipedia te ga un monte de informazioni. Xe anca vero che i film no va ciapadi sul serio. In diversi filn con viste de Trieste te son smontà del treno a Sesana e drio el canton iera Via Casa de Risparmio e drio l'altro canton el ponte dei sospiri. Veder Miramare in Toscana xe posibile. Volere è potere.

[Blues Briso]

No go dubi sula "magia" dei cine, ma quel che me colpissi, xe che el castel de Miramar xe un dei do tre simboli dela cità de Trieste (perlomeno quel che se ricorda chi xe stado: piaza unità, San Giusto, Miramar), che qualchedun se inventi che el xe in Toscana... xe come piaza San Pietro a Parigi...