https://asugi.sanita.fvg.it/export/sites/aas1/it/documenti/all_dip/mat_info/dip_ts_quattro_zampe.pdf ha scritto:
RICCIOTTI STRINGHER
Un destino per due
(Il gabbiano)
Leggero, come il vento che lo porta,
un gabbiano volteggia sopra il mare;
poi, all’improvviso,
plana a fior d’acqua.
Risale:
ha nel becco un pesciolino.
Poverino!
Finir così miseramente ...
ah, com’è triste
il “suo” destino!
Ma, ecco, che il gabbian ora ritorna,
descrive un cerchio e, come per gioco,
riprende a volteggiar
quasi nel punto stesso.
Riplana:
cerca un altro pesciolino.
Poverino !
Cercar, penar continuamente ...
anche il “suo”, però,
è un ben triste destino !
Ti che te son un omo de coragio
De ani tegno in casa un useleto,
un canarin ‘sai cocolo e grazioso,
un sbisighin alegro e pien de vita.
Ieri, però, co son vignù in cusina,
lo go trovado in fondo de la cheba
stremido e cufolado in t’un canton.
Povereto, el fazeva propio pena:
i oci serai, el beco mezo ‘verto,
el corpo...’na baleta de bombaso
Tuti in casa ghe semo stadi ‘torno
zercando la maniera de guarirlo,
ma tuto ‘l nostro amor no ga servido.
Zerto, cussì, no’ se pol ‘ndar avanti:
mia molie xe avilida, el picio pianzi
e mi a sentirlo, sofro più de lu’.
“Scoltime caro – a un trato ela me disi -
ormai la compassion no servi a gnente,
qua “bisogna” trovar ‘na soluzion.
Porto el muleto de la siora in fondo,
e ti che te ga avù sempre coragio,
ti che per ani te son stado in guera,
zerca te prego ...zerca de ...’iutarlo!”
..........................................
Adesso xe qua, solo in cusina:
de la finestra ‘verta, un useleto,
sconto fra i copi de la casa ‘rente,
canta beato la sua lode a Dio.
Son pentido...rabioso con mi stesso;
ah! ....che còmpito difizile xe ‘l mio ...
perché no son sta bon de rifiutarlo ?
Risento le parole de mia molie
che me rintrona come colpi in testa:
“Ti che te son omo de coragio!””
Me fazo forza e verzo la portela ...
el cuor me bati forte d’emozion,
slongo una man ...ma in quela l’useleto,
el devi ‘ver sentido el tradimento,
perché in quel momento el verzi i oci!
La man, de colpo, la vien fora sola ...
me sento mal, me poso su la tola
e par che tuto quanto intorno giri.
Son sudado, avilido, amaregiado.
“Questo – digo fra mi – no posso farlo,
xe ‘na viltà, no un ato de coragio”.
Ma, quando poco dopo me rinvegno,
resto là, senza fià ... trasecolado,
tanto che stento a creder che sia vero:
l’useleto xe in fondo dela cheba
co’ le zatine in aria, el beco ‘verto,
la testina voltada de una parte ...
“Ah!, mio Signor – go dito solevado
mentre sentivo el cuor sc’ioparme in peto -
Ti che te vedi tuto a questo mondo,
te son ‘rivado nel momento giusto!
Anche stavolta te son sta pietoso
e, ne la Tua bontà e misericordia,
te ne ga messo in pase ...tuti e do!”
da Musa amica mia
