Buon Giorno!

[babatriestina]

sarà che i me ga letto? oggi in Barriera vedo novi tabelloni funzionanti

[Piereto]

Nei giorni scorsi go leto un articolo scrito da un laureato alla nostra università in cui el diseva che Trieste iera un porto , un crocevia importante perchè se pol rivar facilmente al cuor de l'europa. Fin qua niente de dir, ma po el proseguiva disendo che Trieste xe un porto militar american. Che xe stada fata una riunion segreta per parlar de questo. Go pensado a una bufala El cita la via de la seta pensada da la Cina e la via del coton pensada da l'India Go pensado ai anni del TLT quando le spie girrava per Trieste, e po co xe morto Stalin e Tito xe diventado no alineado, semo tornai a eser un posto dimenticado. Che navi de carico de la USNavy sia rivade a Trieste dopo ani e anorum de asenza, xe vero e le go viste anche mi in porto vecio, ma Trieste xe stada giudicada quela volta indifendibile, per cui la linea de difesa co le testate atomiche la iera al dilà del isonzo.La strategia de la Nato ogi xe quela de andar sempre più avanti verso est per cui Trieste pol sempre eser un porto de retrovia.

[sono piccolo ma crescero]

Cosa disè, se trasferimo in Spagna, dove che i vol vietar i contratti fati per telefono?

https://www.dday.it/redazione/50297/tel ... wtab-it-it

[Piereto]

Capela in via rafineria, che xe una via a senso unico e dotada de marciapie. Alora i ga fato prolungar la ciclabile che viene zo da viale danunzio fin in piaza Garibaldi. Accanto al marciapiede de destra i ga meso la ciclabile, po un postegio de auto incolonadi e infine una striminzida corsia pedonale per el autista che smonta da l'auto. Praticamente sta corsia la vien a star in mezo a la via e co la sola protezion della strica bianca, come minimo pericolosa. Ma no iera meio meter el postegio imcolonado sul lato sinistro ?

[sono piccolo ma crescero]

Capela in via rafineria, che xe una via a senso unico e dotada de marciapie. Alora i ga fato prolungar la ciclabile che viene zo da viale danunzio fin in piaza Garibaldi. Accanto al marciapiede de destra i ga meso la ciclabile, po un postegio de auto incolonadi e infine una striminzida corsia pedonale per el autista che smonta da l'auto. Praticamente sta corsia la vien a star in mezo a la via e co la sola protezion della strica bianca, come minimo pericolosa. Ma no iera meio meter el postegio imcolonado sul lato sinistro ?

Ma no, Piereto! Per mi xe una pensada geniale e deso te spiego perché!

Tra un per de mesi riverà un auto e no troverà postegio, ma vederà che xe un buso de due metri e mezo tra due auti postegiai e se meterà a petine doprando la zona de sosta dei auti, la strica pedonal e quela ciclabile. I altri dirà, anche perché intanto le striche per tera se sarà scancelade e in bicicleta, anche per via de l'inverno, no ghe pasa nisun: "Ah che bela figada, metemose tuti a petine", Una volta ogni do mesi paserà un tubo e piturerà de multe. Eh va ben pazienza; se Parigi val bene una messa, un postegio ogni tanto bisogna pur pagarlo!

Tuti contenti, cusì: chi che ga l'auto troverà più postegi de prima, el comun farà un poca de cassa (no tropo spesso però, perché senò no i se meti più a petine). I unici fregai se quei quatro sfigai de ciclisti che no gaverà più la pista o i pedoni che se troverà a caminar con qualche bicicleta tra i pie...

Riconosi, Piereto, ghe xe dela genialità drio de tuto questo o no?

[sono piccolo ma crescero]

El nostro tram de opcina se ciama sempre de più " desiderio" . El rapresentante del uficio roman che el presiedeva una comision, ga deciso nove norme de sicureza, ogi 2024, mentre prima 2023 podeva andar ben, per cui xe de far nove robe. Co go leto che in sta comision ghe iera un rapresentante del comun e un de la region, me xe cascadi i brazi. Tuti co la coda de paia, nisun bon de mandarli in......sempre signorsi. Novi lavori vol dir andar avanti per anni ,un danno economico per la città . Nisun a dir che no se pol acetar, e che I lavori che I vol xe roba che se farà in futuro.

Sul Piccolo de oggi xe scrito che el doveria ripartir entro la fine del'anno. Ma no xe scrito de qual anno, purtroppo!

[Ciancele]

Me xe vignù un’idea. Tra tre ani fazo i ani tondi e i mii ga dito che ‘ndemo tuti a Trieste e fazemo festa. Saria una bela ocasion per inbriagarse: prima partenza del tran de Opcina e genetliaco de Ciancele! Cosa ve par?

[Piereto]

La convenzion tra Stato e Poste circa i servizi postali come bolettini e le assicurate xe za scadude de uin anno. Le poste che la gavemo lasada diventar una banca, no la guadagna niente co sto servizio, e la lo faria sola a un costo maggiore , e visto che lo Stato no ghe riva spago, la rinuncia. Ecco spiegado perchè ghe xe la moria dei ufici postali. El degno risultato de le privatizazioni xe che la banca devi generar profitti , anche prestando bori, ma a debito, cioè te ghe li devi tornar coi interessi e te devi eser solvibile. La banca no va in perdita erogando servizi a credito. Solo uno Stato sovrano pol erogar prestiti senza rimborso perchè el pol sempre stampar carta moneta e bilanciar le uscite co le entrate de le tasse. Gavemo insigni paesi che stampa carta senza andar in malora come i USA o el Giapon. Anche ne la UE cioè la nostrra unione bancaria europea, stampa euro solo la BCE, che no da a credito esendo una banca privata. All'interno esisti però de le monede che ga un cambio fisso,e che stampa soldi come le corone danesi svedesi el fiorin ungherese o el lev rumeno o el zloty. Perdemo sempre più la libertà de tignir i soldi in scarsela e paghemo inveze co la carta de credito con un costo che finisi ne le scarsele de le banche.

[babatriestina]

Me xe vignù un’idea. Tra tre ani fazo i ani tondi e i mii ga dito che ‘ndemo tuti a Trieste e fazemo festa. Saria una bela ocasion per inbriagarse: prima partenza del tran de Opcina e genetliaco de Ciancele! Cosa ve par?

podemo impetessarse comunque, per festegiar o per consolarse

[babatriestina]

Solo uno Stato sovrano pol erogar prestiti senza rimborso perchè el pol sempre stampar carta moneta e bilanciar le uscite co le entrate de le tasse.

All'interno esisti però de le monede che ga un cambio fisso,e che stampa soldi come le corone danesi svedesi el fiorin ungherese o el lev rumeno o el zloty.

Perdemo sempre più la libertà de tignir i soldi in scarsela e paghemo inveze co la carta de credito con un costo che finisi ne le scarsele de le banche.

1 impignimose la bocca col " sovrano" come che una volta iera el Re el Imperator el Duce, ma a mi un che presta senza rimborso me par un filantropo ma no un banchier. E insegna che intanto te spendi e po.. con calma te tornerà con bori magari scadui de valor : poco educativo e me par fato per far andar arremengo le casse statali.
Cartamoneda se pol stampar perché " la carta se lassa scriver" ma deventa come le banconote de Monopoli. Bilanciar le uscite cole sole tasse. Ok ma visto che i prometti regali a tanti cole uscite, vol dire tasse sempre più alte. No me par una gran bela prospetiva, a meno de no entrar nela mentalità " mi ciapo i benefici, e che paghi le tasse i altri"
resta che invece el stato se fa i bori anche in altro modo: cole loterie, el lotto e el gratta e vinci che tanti xe cussì felici de zogar..

2 mi monede che ga un cambio fisso ( col dolaro? col EU?) no me ricordo più che sia , ciol un qualsiasi giornal e te vedi el cambio che varia giorno per giorno

3 mi pago cola carta de credito che me costa pochissimo e che me garantissi dei furti ( co i me ga rubado una volta el portafoglio, i ga ciolto le banconote e i me ga lassado le carte cussì go podudo continuar el viagio senza problemi) e la comodità se paga, ma poco. Xe bale quel che i conta che le banche guadagna a ogni traslazion. Xe inveze vero ( go visto mi) che se te paghi in contanti a volte se no te vardi i te fa un scontrin per una somma molto più bassa de quel che te ga pagado in realtà. Se ciama frode e xe un dei motivi che no i ghe riva cole tasse e i scariga le tasse su quei che no pol sconder le entrate

[Piereto]

Par evidente che anche le Poste insegna. Meno Stato , meno servizi, più privati. Ga serado o sererà tre ufici postali, la scusa xe che saria anche de far lavori interni, ma esendo oramai le Poste una banca la devi guadagnar belle cifre liberandose dei rami che rendi poco, e anche dei dipendenti. 100 anni fa la posta centrale gaveva 20 sportei,e se li vedi ancora ogi, ma ogi xe quasi sempre verti solo 3. Certamente se pol far la domiciliazione bancaria, cosa mai denaro contante, tuto digitale, accrediti de valuta digitale , cioè bori che no xe più de carta, e se manca el collegamento , postazione fuori uso, te te acorzi de no aver niente in man, solo un toco de plasica nianche bon per spalmar el buro.

[babatriestina]

E no te ga più el piazer de far la coda in posta...
e te se imagini un forum come questo se se dovessi mandar le risposte scrite via posta
xe come che no xe più le telefoniste, le stenodatilografe, i getoni del telefono... e in più anche le banconote no xe più convertibili in oro de oltre mezo secolo. Anche la Traviata, in origine " testimon vi chiamo- che quì pagata io l'ho!" Alfredo ghe butava una borsa de monede de oro, ma la gente no capiria e de mezo secolo in qu almeno el ghe butava un mazeto de banconote. Adesso no so cossa che el ghe buteria!!

[Ciancele]

Probabilmente un iphone col pin.

[Piereto]

Come volevasi dimostrare i sera Greta e via combi, perché no le rendi, cioè le movimenta solo i soldi dei boletini. Le Poste xe diventade una banca finanziaria e no più una banca comerciale. E adeso I se scondi drio de la agcom che ghe ga ordinado de ridur i sportei. Bisogna tornar indrio a la lege che iera prima ,abrogada su proposta bancaria de i anni 80, per cui una banca o la xe comerciale o la xe finanziaria.

[Piereto]

Torno deso da la posta de roian quel che no sera, 6 sportei e 3 verti, che se ocupa de tuto.

[sono piccolo ma crescero]

Ogi dovevo andar a san Vito e coi autobus se bastanza scomodo. Malvolentieri go ciapà l'auto.Son in via Oriani e giro a sinistra su per via Madonnina. Dopo che son dentro vedo el cartel "Va Madonnina chiusa". Go dovù ciapar via Molino a vapore, tornar in via del Bosco (una vile che no ve digo e grazie a quel autista che me ga lasà entrar in via del Bosco). e go fato un giro per rivarghe.

Ma insomma no i podeva meter un cartel in via Oriani o in piaza Garibaldi per dir che la strada iera serada. Iera proprio necessario meterlo dopo che un ga ciapà quela strada?

ANcora un'oservazion. Qualche giorno fa go visto sula 18 i autobus eletrici. Ogi ghe ne go incrosada una ... diesel. I se xe za roti o i se ga dimenticà de meter le pree de corente per carigarghe le baterie?

[sono piccolo ma crescero]

ANcora un'oservazion. Qualche giorno fa go visto sula 18 i autobus eletrici. Ogi ghe ne go incrosada una ... diesel. I se xe za roti o i se ga dimenticà de meter le pree de corente per carigarghe le baterie?

googlando, legio sto articolo: https://www.triesteallnews.it/2024/09/a ... i-trieste/

Go capì, no i sa come carigarli. Se legè l'articolo vien de pianzer. Gaveremo i autobus, ma no gavemo la corente.

[babatriestina]

De casa tua a san Vito col bus? te ga tanti che te porta in piazza Goldoni e là te ciol la 15. Mi ormai in machina in cità no vado mai se no co so de trovar parchegio e e go de portar qualchedun o qualcossa de ingombrante.
Anche a mi i me ga dito ( i ostinai dela machina che paga multe a biondodio per parchegi) che via Madonina iera serada e caos completo

[Blues Briso]

Anche la Traviata, in origine " testimon vi chiamo- che quì pagata io l'ho!" Alfredo ghe butava una borsa de monede de oro, ma la gente no capiria e de mezo secolo in qu almeno el ghe butava un mazeto de banconote. Adesso no so cossa che el ghe buteria!!

Una manada de bitcoin, ovio...

[sono piccolo ma crescero]

Anche la Traviata, in origine " testimon vi chiamo- che quì pagata io l'ho!" Alfredo ghe butava una borsa de monede de oro, ma la gente no capiria e de mezo secolo in qu almeno el ghe butava un mazeto de banconote. Adesso no so cossa che el ghe buteria!!

Una manada de bitcoin, ovio...

Te se vedi la scena: Alfredo tira fora el smartphone, sbisiga coi diti e el smartphone de Violetta sona per dirghe che la ga ciapà soldi!