Roma no iera solo Tergeste, Aquileja e Istria

[AdlerTS]

nb le mie cartine del Carso lo indicano già come "Castelliere di Grociana"

pareria che proprio un castellier i zercassi !

[molighe el fil]

Tanti ani fa (almeno quaranta) son sta a veder la casa romana del scarpelin de piere.
La xe vizin la tore dell'acqua che se vedi in alto sora la costiera vignindo da Sistiana.
Per andarghe vizin bisogna imbocar una stradela che xe rente el primo ponte dela ferovia che xe sula strada da Sistiana a Prosecco.
Se vedi ancora i segni sula piera che el scarpelin doprava per guar i ordegni.
Adeso se vedi solo le fondamenta, ma lo steso xe 'sai interesante, specialmente se la visita vien spiegada da un come Dante Cannarella, che me ga portà la tanti ani fa.

[babatriestina]

la casa romana del scarpelin de piere.
La xe vizin la tore dell'acqua che se vedi in alto sora la costiera vignindo da Sistiana.

son passada oltre venti anni fa in gita col CAI, eco la foto de quela volta

[babatriestina]

Specifichemo subito che Insulae Clarae iera proprio la sede dele terme, poste sula picola isola che divideva il Lacus Timavi dal mare aperto. Ma ghe iera anche diverse ville nei dintorni e lungo la costa.

Dele terme gaveva scrito Plinio il Vecchio (de thermis apud insulae clarae) nel suo “Naturalis Historia”, e le esiteva fin da quando i iera arrivadi in queste località, nel 181 a. C..
Nll'XI secolo le vien però abandonade e le va in rovina, la zona se trasforma in palude e ciapa el nome de “Lisert”, nome che podesi eser derivado dal latino "desertum". El monte dei Bagni e el monte Punta sembra do picole coline de calcare e, viste dal mar, le sembra do isoloti. Vicin de lori xe le sorgenti de queste acque termali che odora de zolfo. Xe queste le insulae clarae.

de un tabellon in zona le Insulae clarae e dove ch e i ga trovado resti archeologi romani


de thermis apud insulae clarae però no me va ben , apud reggi el accusativo ( i sloveni sa ben cossa che xe i casi) quindi apud insulas claras dovessi esser