A chi i ghe vol dedicar una via?

[babatriestina]

Ieri legio sul Piccolo che ghe xe un elenco di future intitolazioni de vie.
Alcuni ben noti, altri più misteriosi:
Ricopio el elenco

Arduino Agnelli
Elio Apih
Angelo Ermanno Cammarata
Pierpaolo Luzzatto fegiz
Filibert benedetic
Piero Cappuccilli
Publio Carniel
Domenico Cortopassi
Carlo Cossutta
Mirkpo Dovsak
Andrej Furlan
Augusta Rapetti Bassi
Viktor Sulcic
Josip Verginella
Arturo Calabria
Jelka gherbez
Mirko Rupel
Carlo IV D'Asburgo ( sic)
Maria teresa D'Asburgo
Manlio cecovini
Marcello Spaccini
Attilio Cofleri
Giuseppe Levi
Alessandro Lusting
Antonio marussi
Silvio Polli
Jacop Svetina
Carl Weyprecht
Giovanni Paolo II
Antonio marceglia e Spartaco Schergat
Mariano faraguna e Lino Carpinteri
San Domenico Savio
Gianni brumatti
Elsa merlini
Medea Norsa
Ettore generini
Marcello mons Labor
Lelio Luttazzi
Zora perello
Ritter von Finetti
Milan Sosic
Mario Zafred
Franco Basaglia
Ferruccio Mosetti
France Preseren
Guidi Gerin
Gabriella segre melzi
Luis Braille
Lorenzo Bellomi
Vittime del genocidio in Ruanda
Oriana Fallaci
Franco Panizon
Alma Vivoda
Donne della Costituzione

Per me, molto sono notissimi, non tutti triestini, uno però mi ha incuriosito: il Ritter von Finetti: sarà mica il matematico De Finetti? autore di una famosa definizione di probabilità : come diceva il prof Marussi ( anche lui nell'elenco) Mi ghe dico sempre a mio cognà Tite la buti sempre sui bori"
"

[Piereto]

Un sugerimento : xe tanti cantoni in porto vecio senza nome . Comincemo a dargheli.

[Celinceck]

Piereto! ti che te conossi tanti cantoni in porto vecio senza nome, te me savaria dir, à la riversa, a che canton del porto vecio apartien el nome "Cesa de la Madona del Guato". Mio nono de dò secoli fà, me lo gà dito, zerca de pensarghe suso, e son sicuro che te me lo dirà. Grazie anca a ti per l' incoragiamento de la prima ora, a entrar nel Forum!

[Piereto]

Be la cesa de la madona del guato xe in realta' la pescheria che ga un campanil indove che iera messa la cisterna per l'aqua per el sottostante acquario, cusi te podevi veder i pesi vivi e po andar a comprar i pesi morti. Grande Trieste. Credo che el canton ,e la pescheria ga 4 cantoni, sia quel che drio de l acquario che da su la riva a la radice del molo de la pescheria che el xe riparado da la bora.
Te savera' che no gavemo più la pescheria centrale e che i la ga restaurada e adeso I lo ciama salone degli incanti. De salone nol ga niente, niente stucchi, fregi architettonici,speci o candelabri de vetro. Xe uno spazio per tignir mostre.

[sono piccolo ma crescero]

Te trovi più informaziioni qua: viewtopic.php?t=118

[babatriestina]

E la xe sule rive no in porto vecio. Che oviamente xe vecio rispeto al novo, che xe a s Andrea.Un secolo e mezzo fa , el iera novo..

[Blues Briso]

uno però mi ha incuriosito: il Ritter von Finetti sarà mica il matematico De Finetti? autore di una famosa definizione di probabilità

El se ciama Bruno, inveze vardando su gugol, trovo che de iera un quadro de un Gino Ritter von Finetti: no so se xe quel Ritter che te gavevi meso in lista...

Ps. Se trova la in inglese su wikipedia, ma no capisso ndo che riva fora el Ritter...

[sono piccolo ma crescero]

Sarà come la via Petronio, che iera nata come via Prospero Petronio, storico e studioso del XVII secolo, ma vedo che anche su tuttocittà adesso i la ciama via Oliviero Petronio, credo un sindacalista muiesan che ga una sua via a Aquilinia.

Con un nome se beca due!

[Celinceck]

E la xe sule rive no in porto vecio... che oviamente xe vecio rispeto al novo, che xe a s Andrea.Un secolo e mezzo fa , el iera novo..

.... te vedi che xe tuto relativo, tuto cambia, quel che iera novo diventa vecio, e quel che iera vecio el vien vecio ancora de più. E se te me permeti de parlar francese qua, senza voltar pagina come se doveria, ma spuza un poco de fadiga: Bog gaveva anca dito ....les premiers seront le derniers, et les derners? ..derners quand meme! (Guy Béart) A proposito de rive: dove cumincia e dove finisi el porto vecio, e cò finisi el porto vecio... cumincia le rive? Se no sbaglio S. Andea xe oltra Campo Marzio? Grezie!

[Piereto]

Credo che tra primi e ultimi dipendi sai da dove che te te meti a guardar, xe tuto relativo. Certo xe una bela diferenza tra eser primi per cior la boba e eser ultimi. Se te son primo te magni e se te son ultimo te digiuni.
El porto vecio cominciava prima del molo zero perchè el ciapava anche el scalo feroviario de Barcola, per cui el rivava fin al torente a la foce del rio Bovedo , e el finiva al molo quarto , giurisdizion dell'ente porto, perchè l'idroscalo xe zona militare demaniale. Mentre le rive va dal canal grande a la stazion de santa Andrea dove che cominciasi el porto novo che soto la defonta iera ciamado porto Franz Josef. Tuto el lato mare de Trieste , quindi, porto vecio rive,perche anche su le rive se scarigava i vapori, anche la sacheta e el scoio del zucco co la lanterna e tuto fin la foce del rio Ospo xe pertinenza del ente porto.

[Celinceck]

Grazie Piereto! Adesso no posso, ma doman zercherò tuto su carta Google. No gavevo mai sintì doprar el termine "la defonta" ma gò capì subito de cosa se trata. Eco un' altra domanda facile facile stavolta: te sà cosa mio nono Marco ciamava "el magazìn de i guati"; i lo ciama ancora cusì?

[sono piccolo ma crescero]

Forsi te convien andar su openstreetmaps, che meti qualche nome in più. Te vedi el molo IV, quei più a nord xe quei che cita Piereto. Google xe meio se te passi ale foto col staellite; nela vista 3D te capisi anche perché che la pescheria i la ciama santa Maria del Guato.

https://www.openstreetmap.org/#map=16/4 ... &layers=PN

Santa Maria del guato xe più in basso, (te devi fa scorer la carta), dopo el molo Bersaglieri. Le Rive continua più in zo, fin ala Sacchetta.

Quanto ala definizion de Rive, ghe xe una definizion, concordada tra qualchedun de noi, anche nel vocabolario: https://www.atrieste.eu/Wiki/doku.php?id=dialetto:r

[Piereto]

Credo che la meio aplicazion topografica sia OSMand maps , che te pol ingrandir su trieste el potrto le vie , te da i numeri civici e le attivita industrriali, etc. Mi la dopro sul telefonin anche perchè la te da i sentieri per caminar. Te pol scarigar le mape de le regioni italiane e europee. Ciao.

[sono piccolo ma crescero]

Me par che osmand maps sia la version per telefonn de openstreetmaps. Sul telefonin dopro osmand, sul pc fisso, che xe el mio preferito perché el ga una tastiera come che se devi, openstreetmaps.

[Celinceck]

Credo che la meio aplicazion topografica sia OSMand maps , che te pol ingrandir su trieste el potrto le vie , te da i numeri civici e le attivita industrriali, etc. Mi la dopro sul telefonin anche perchè la te da i sentieri per caminar. Te pol scarigar le mape de le regioni italiane e europee. Ciao.

Grazie Piereto! go volù guardar con la lente de ingrandimento tuta la ligna de costa, anca là dove no me iero mai sognà de guardar, drio à la stazion centrale, per esempio. De Barcola son rivà per adesso fin al bagno "Pedocin"; conto per intanto rivar al confin de Stato, che non me xe tanto ciaro se la lingua de Slovenia a Sud, fra Italia e Croazia, riva al mar o no. Ciao!

[Celinceck]

Credo che la meio aplicazion topografica sia OSMand maps , che te pol ingrandir su trieste el potrto le vie , te da i numeri civici e le attivita industrriali, etc. Mi la dopro sul telefonin anche perchè la te da i sentieri per caminar. Te pol scarigar le mape de le regioni italiane e europee. Ciao.

Grazie Piereto! go volù guardar con la lente de ingrandimento tuta la ligna de costa, anca là dove no me iero mai sognà de guardar, drio à la stazion centrale, per esempio. De Barcola son rivà per adesso fin al bagno "Pedocin"; conto per intanto rivar al confin de Stato, che non me xe tanto ciaro se la lingua de Slovenia a Sud, fra Italia e Croazia, riva al mar o no. Ciao!

Me masinava in testa de come rivava al mar la lingua de Slovenia soto Trieste. Son stà insempià su la satellitare de Google de la presenza de la ligna de confin marcada dopia a trattini fra Slovenia e e Croazia per 5 km in dentro de riva al mar (Dragogna?). Cussì gò anche visto che quela lingueta de papagal che gavevo in testa, la xe inveze larga come diese lingue de manzo, se basta, messe una vizin de l' altra: adesso comincio a veder purtroppo un poco più ciaro!