Concerto di Capodanno

[babatriestina]

Per anni anorum go visto ogni primo de l'anno el Concerto de Capodanno in Tv. Ieri mia cugina, de Vienna, me scrivi: guarda, te vederà che bel concerto e che bel addobbo! Impizzo la TV , e me vedo un concerto.. dela Fenice!!!, ben digo, sarà su un altro canal... go girà e no lo go trovado,, magari se arivassi a becar Lubiana.. forsi sarà sui canai a pagamento, ma a mi sta roba me ricorda l'autarchia mussoliniana. Europei? ma va...

[Nona Picia]

Guarda la tua posta normale!!!!! el concerto xe ale 14 su rai2 e prima el iera su ZDF ale 11 fin poco fa.

[babatriestina]

bon: ZDF no ciapo, e in differita.. meo che gnente, solo che iero andada a dormir..

[AdlerTS]

Anche l'anno scorso i ga preferido la Fenice, me par ...

[refolo]

A noi i ne lo da' ogni anno.......e per finir l'anno? non so' el motivo sempre sta ""SISSI"" con la Schneinder and Karlhein Bohm..........

Capisso che xe storia, mal va' avanti dal 1955, dall'anno che go' lassa' Trieste, el xe come un matton......( 4 volte in meno de 2 mesi).

Pero sto anno per la prima volta, xe stado fatto un programma in un grande ristorante, Spagnolo-Messican una serata ciamada """EL CABALLO
BLANCO"" esibizion dei cavai de Lipsia, con storia narrada.

Mia fia, e zenero entusiastici al limite.

Maria aka Refolo

[Nona Picia]

Anche l'anno scorso i ga preferido la Fenice, me par ...

Xe de quando che i ga restaurado la Fenice de Venezia che i dà un "nostro" concerto de capodanno a mesogiorno del primo e i trasmeti ale due in differita quel de Vienna su Rai2. Per mi no xe la stessa roba, anche se i concerti de Venezia dei anni passai no iera mal. Sarà che son tradizionalista, ma me piaseva de più come che iera una volta.

[babatriestina]

El solo vantaggio xe che se pol veder anche el primo tempo, che mi per anni scoltavo solo che per radio. Istesso no me par la stessa roba, e visto che mezzo mondo ( almeno) dà el concerto de Capodanno in diretta, i podessi anca far come i altri. El concerto dela Fenice no so, ma no ghe vedo gnente de tanto special. Semai iera anni fa el problema che su rai1 iera el angelus del Papa, che no finiva sempre in coincidenza col concerto, e mi inveze me paressi che anche i Papi fazessi ben a far la Messa, el discorso per la pase, e anche lori organizzarse per finir e andar a magnar verdandose el concerto de Capodanno anca lori.

[AdlerTS]

non so se gavè letto sta ANSA:

VIENNA, 3 GEN - Per la prima volta e' possibile comprare su Internet un'intera orchestra, inclusi il direttore e la sala da concerto. L'iniziativa e' del rinomato conservatorio viennese Prayner, che mette all'asta su eBay un concerto nel quadro di una azione di beneficenza. La 'prayner students orchestra' offre, da stasera alle 19,00 fino alla stessa ora del 13 gennaio, un Divertimento, la Sinfonia Jupiter di Wolfgang Amadeus Mozart e un concerto doppio di Johann Sebastian Bach.


Mi go cercado su eBay ma non go trovado l'annuncio

[sono piccolo ma crescero]

A casa, gavemo meso la TV sui concerti de capodanno sui Rai2. Per mi i valzer de Strauss xe come i monologhi de satira de Crozza: bei a picole dosi. Dopo più de uin'ora diria che i stufa.

[Piereto]

Te dago ragion, ma el stufadiz vien fora per qualsiasi roba, che sia musica anche de più autori o prosa, come se diseva, ogni bel ballo stufa. Me domando se sta oservazion valeva anche per i nostri veci, o semo noi che no rivemo più a resister dopo ore de tv. Bisogna cambiar aria e disintosicarse.

[babatriestina]

me piaseva co i i meteva i baletti ma stavolta mi go visto solo che due e uno iera assai curto. che però me ga fato capir che potenzial che gavemo col nostro - futuro- museo feroviario. Podessimo farghe anche noi i baletti, solo che no gavemo più el corpo del ballo al verdi

[Piereto]

Te dago ragion, qualsiasi spazio de la belle epoque va ben per le musiche scrite in quel periodo storico. Ma semo nel 2025 e i nostri reggitori miopi riva a veder solo i ultimi trenta anni, e i ga sempre la testa girada da una sola parte, figurarse roba dell'ottocento quando l'europa contava qualcosa nel mondo. No voio dir che i austriaci xe passatisti, ma no se pol dimenticar la storia anche se no se ama i asburgo. Me son sempre domandà perchè i francesi co la loro grander noi meti in risalto anche la sua belleepoque che no xe de meno de quela vienese . Un concerto dell'ultimo dell'anno da la sala garnier co le musiche de Waldteufel o quele de Offembach sarei de pari effetto.

[babatriestina]

Noi gavemo el autarchico concerto de Venezia, ma a mi no me convinzi assai

[Piereto]

Te dirò che anche a mi nol me piasi, e me par che anche ogi el xe sempre basado su la lirica. Anche in Italia ghe xe stadi autori de la bella epoque con valzer polke e marcette. Drio al concerto ghe xe tuto un lavor de ricerca e trascrizion da parti pianistiche a orchestra

[babatriestina]

Pensa se i rilanciassi le romanze de Tosti che ghe piaseva tanto a mia nona

[Piereto]

Xe question de volontà e organizazion e saria de trovar un bon trascritor de clasico. Anche a Viena i fa cusì perchè no tuto quel che i sona xe veci spartiti. Eduard Strauss che iera el ultimo dei fradei e che el tiniva i afari de la famiglia prima de morir i conta che el ga brusado tanta musica. Per fortuna esisti tuti i lavoti editi per piano. Quindi anche Tosti se podesi sonarlo prima a orchestra piena e po col canto. Xe almeno un autor come Ernesto Beccucci che saria de rivalutar e sonar e anche Francesco Paolo Frontini tuti e do pianisti.

[Blues Briso]

Purtroppo semo in un epoca dove se zerca de far tuto facile. No par posibile sonar robe poco conosude. Un concerto devi eser facile de vender. Xe più facile che fra un poco sentiremo sonar la "musica dela Barilla" (de Vangelis)...