Trieste de Lucio Corsi

[Blues Briso]

Xe pena morto Sanremo (almeno per sto ano) e go savù che xe rivado secondo sto tale Lucio Corsi, che i me ga dito, qualche ano fa, gaveva scritto una canzon su Trieste.
Mi a eser onesto no la me fa impazir sta canzon su Trieste e forsi per come vedo mi i triestini, no vien fora el vero raporto tra noi e la Bora...
Comunque meto el video qua soto, per chi che xe curioso.

https://m.youtube.com/watch?v=fBNJ3PaIEvE

[sono piccolo ma crescero]

Intanto bravo per ver messo direttamente el filmato de youtube sul post!

Per quel che riguarda la canzon, me par che Trieste sia solo un'ocasion per parlar del vento. Con i soliti pensieri profondi fati de slogan che sento quando i intervista qualchedun che vol far el filosofo.

Quanto ala musica, boh?

El grosso de l'impegno me par dedicado a far el video.

[Piereto]

Bravo per aver pescado sta roba. Una canzon va nel segno se te la pol cantar. Come quasi tuto quel che se scrivi ogi se basa sul testo e le 7 note xe un acessorio quando che le ghe xe. Una roba no go capido : ma chi che se movi sul piano xe una lei o un lui, e quel che xe certo xe che el vol svolazar , e pecà che no ghe iera un refolo per farlo cascar.

[Blues Briso]

Se devo eser onesto, sto Lucio almeno se capissi col parla rispeto a quei che va ogidì... de solito no rivo nanche a capir cossa che i disi co i canta. El testo ghe sarà anche ma no rivo a capirlo... i se magna le parole e i canta come se i strucassi in condoto...