Diapason

[sono piccolo ma crescero]

Go trovado, sconto sul fondo de un armadio, sto vecio diapason de mio papà.



Mio papà lo gaveva eredità de un suo zio, quindi el devi eser vecioto. Sula base dove che i due rebbi se incontra el xe marcà con una A, quindi penso che no'l sia italian.

Go misurà la frequenza e se el mio computer xe ben accordà el segna una frequenza de 422 Hz (insomma no voio far fora, disemo che xe più de 420 e meno de 430). So che i diapason de ogi doveria andar a 440 Hz. Me imagino anche che tra caldo e fredo el poderia cambiar la frequenza, ma so anche che 440 xe sta deciso nel '39 e prima ognidun fazeva quel che voleva e sto diapason xe de prima del 39, forsi anche prima dela prima guera.

Piereto, te ne sa contar la storia del La e come che i lo ga cambià nel tempo? Me piaseria in base ala frequenza, far qualche ipotesi su dove che el xe sta fato e in che anni. Ma penso che sia sai dificile.

[Piereto]

Alora , piereto ga fato ricerche. Nel 1711 un trombetista de corte inglese che sonava in orchestra e conoseva Handel, John Schore , crea el diapason de fero ne la forma che conosemo ogi. I greghi antichi inveze ghe diseva diapason a una nota che iera piu alta de una otava de la nota de riferimento. in liuteria , la corda vibra perchè la xe presada verso el riccio del strumento cioà dal capotasto e dala parte opposta dal ponticello . Se noi misuremo sta distanza e la dividemo a metà e la metemo un dito , pizigando la corda el suono che vien fora xe la otava superiore del suono de la corda tirada da capotasto a ponticello.
Se ciol un la de riferimento ogi ciamado diapason su cui acordar i strumenti e po tuti i intervalli fra le note che pol emeter el strumento. Parlemo de corde che vibra oscillazioni misurabili in hertz e quindi fa testo i strumenti a corda perchè xe i più antichi insieme al organo de le ciese. Per i archi le corde in origine le iera de budel e più de tanto no te le,podevi tirar si no le se rompeva .Quindi un probabile diapason de 400 420 hz. Quindi anche le casse dei strumenti le iera costruide per soportar un peso minore sul pontisel e quindi sul pian armonico de sora . ( Piano che el xe messo in tension de la cadena che xe un listel de legno ricurvo ma co una curvatura diversa dal piano armonico . Cusi incolado al piano e lo fa diventar elastico, per cui parlando de violini de la fine del 600 e del primo 700 , noi xe più come in origine perchè el legno perdi umidità e le cadene devi eser cambiade per render ancora elastico el piano armonico ) (parentesi de liuteria.) Mentre la intonazion del la per i archi te pol alzarla o sbasarla, per tuti i altri strumenti el diapason xe fisso . Quindi tuti i fiati e anche el organo de ciesa co le canne che iera de legno e de piombo gaveva la sua tornidura. .Quindi el diapason iera sai variabile a seconda dei costruttori e più basso de qual de ogi . Ma un certo punto a meta ottocento xe sta costruide le corde de acciaio, quindi tensioni diverse su la cadena , sua sostituzion sui strumenti veci e casse dei strumenti più grandi. Insoma nel 1859 un edito imperial francese ,sentidi Rossini e Berlioz ,fissa el diapason a 435. In Italia un regio decreto voludo da Verdi porta el la a 432. Nel 1953 se adota el diapason a 440 e diventa ufficiale nel 1971. Va da se che un diapason più basso de 440 xe un toccasana per le voci e per lore più el dipason xe alto più difficile diventa ciapar certe note. Se se sona sai a lungo le corde se dilata e l'intonazion cala e i fiati devi adatar l'intonazion a quela generale perchà la colona de aria nel tubo cambia de temperatura. Ecco perchà oggi se preferisi ciapar un la più alto all'inizio del concerto disemo 442 che poi tenderà a calar. Da un punto de vista sonoro un la basso fa vibrar meio lo strumento , xe un suono pastoso e dolce, mentre un la alto fa vignir fora un suono cristallino e vetroso

[sono piccolo ma crescero]

Intanto grazie dela lezion.
Poi qualche altra domanda:
a) le corde de violin xe ancora fate de budel? Me ricordo che mio papà ghe ne gaveva un poche (el gaveva verto una picia caroleria e el le vendeva nei anni 40) e el se le iera portade drio de Isola. Me ricordo che gavevo fato qualche esperimento tirandole e fazendole vibrar; gavevo notado che se le pizigavo in mezo gavevo meno armoniche, mentre se le pizigavo lontan dla mezeria le vibrava con più armoniche. Secondo ti xe vera sta mia oservazion o xe conseguenza de una mia teoria?
b) de come che te scrivi, me par de capir che i strumenti cambia son col tempo. Quindi i Stradivari ogi no sona come che li sentiva sonar lui? Mi confesso, sarà per ignoranza o scarsa educazion, sarà perché no go mai sentido sonar sti strumenti dal vivo, ma solo registrai, no rivo a sentir la diferenza tra i vari strumenti. Gavevo trovado proprio un confronto, me par tra un Stadivari e un Guarneri, e no iero rivà a sentir la differenza. Mah!
c) Te fazo, poi, una domanda polemica. No digo ti, che probabilmente te se acorzeria subito, ma la gente come mi se acorzeria se una musica fusi sonada trasposta in basso de un semitono? No digo a livel de esecutori, che devi eser tuti intonai giusti, ma a livel de chi che scolta?

[babatriestina]

c) Te fazo, poi, una domanda polemica. No digo ti, che probabilmente te se acorzeria subito, ma la gente come mi se acorzeria se una musica fusi sonada trasposta in basso de un semitono? No digo a livel de esecutori, che devi eser tuti intonai giusti, ma a livel de chi che scolta?

qua te digo quel che gavevo letto anni fa, che Casta Diva dela Norma poche soprano la cantava nel tono che la iera scritta, ma le se le sbassava un fià e che la Sutherland iera una dele poche che la cantava col tono original ( ma quel dele orchestre de alora?)
( wikipedia : Prima composta in Sol maggiore, l'aria fu abbassata di un tono, a Fa maggiore, perché giudicata troppo acuta da Giuditta Pasta, prima interprete dell'opera. La versione in Sol si può ascoltare nell'incisione del 1964 diretta da Richard Bonynge, con Joan Sutherland nei panni di Norma. )

[Piereto]

Una roba xe tirar zo el diapason, e no se pol farlo oggi perché I strumenti a fiato ga le canne dimensionade per el diapason de ogi. I archi tira zo ei fiati resta su. Una stonazion continua. E alora, el la resta uguale per tuti, ma se cambia inveze la tonalità del brano, e questo per aiutar i cantanti che ga ognidun la sua estension. Xe tenori che no riva a far el do acuto anche perché noi xe in salute, e alora se tira zo de un tono, e cusì noi fa cileca. Se se inacorzi se se conosi el brano e avendo el orecchio assoluto, cioè te ga in memoria la altezza de qualsiasi suono, opur se te ga soto el naso la musica scrita. Diremo che quasi tuti no se acorzi se el brano o el diapason per i strumenti ad arco xe sta sbasado. Ne la riproduzion de la musica barocca ogi tanti vol scoltarla come che se pensa la vinisi eseguida 300 anni fa. Sicuramente el diapason iera più basso de oggi, poi se dopra archetti che no pol saltar su le corde, e ogi xe costruidi e dopradi strumenti col el a ad hoc che xe sparidi a fine settecento.

[Piereto]

Scusa, se te rivi coreggi......se dopra archetti che no pol saltar.

[babatriestina]

Scusa, se te rivi coreggi......se dopra archetti che no pol saltar.

fato

[Piereto]

Alora ancora ogi se pol trovar e usar corde de budel che però crea un suono più bel, ma le risenti de le variazioni de temperatura e umidità. Ghe xe po le corde de acciaio, rivestide, nianche dir che vien fora un suono un poco metallico, e ghe xe anche le corde de plastica una bona via de mezzo tra le altre do.