Oggi.......

[Capuzi garbi]

.....47 ani fa, rivavo in sto continente. No go deciso ancora se x stada una bela mosa o una castronada.

Un giorno mr decidero`, tanto, che premura xe?

[AdlerTS]

Senz'altro xe sta doloroso, anche se dopo te ga rivado a farte un tua vita

[babatriestina]

mi so solo che no gavessi avudo el coraggio

[Coce]

Per mi Vedendo scomparir Trieste dal treno me se ga strento el cuor, pero' devo dir che no me go mai penti de aver avu' el coragio de lasar tuto e tuti, infati qua' go avu' una vita assai migliore de quel che me spetavo, e me go senti' realiza'. Ciao Cesare

[Nona Picia]

Xe stada sicuramente una scelta dolorosa, ma prima de decider, zerca de pensar anche al perchè te ga preso quela decision e a come che xe stada la tua vita in Australia nonostante, penso, la nostalgia de quela cxhe iera casa tua.

[rofizal]

Ala fine dei anni '60 volevo andar anche mi in Australia. Me iero informado dal consolato, studiado tute le cità e le regioni, el clima, i lavori posibili, poi... son rimasto qua.

The sliding doors...

[Nona Picia]

Co iero molto giovane l'Australia me affascinava anche mi, iera diversi amici nostri che iera partidi per quel paese, ma col passar dei anni....me son ritrovada sempre qua!

[AdlerTS]

mi so solo che no gavessi avudo el coraggio

Solo recentemente go scoperto che mio nono, che de solito non ama parlar del passato, el gaveva za un pie a bordo, ma el xe smontado perché el se ga fato ciapar dalla paura dell'ignoto. Posso capirlo
Tra l'altro el me lo ga contado proprio un giorno che ghe spiegavo cossa xe 'sto forum e le robe che se scrivemo. (Grazie de novo, Capuzi )

[Coce]

Nostalgia forsi no, ma go tanti, tanti ricordi de infanzia e de giuoventu' a Trieste. Go avudo una vita assai movimentada, e iera tante ,ma tante robe de imparar e de far. Comunque, considero Trieste sempre come casa mia, son sempre sta' orgoglioso de esser Triestin e no me go mai dimentica' chi che son e de dove che vegno, naturalmente questa xe la ragion perche son in mezo de voi anche se virtualmente ogni giorno.
Ciao a tuti. Cesare

[angelo]

Nostalgia forsi no, ma go tanti, tanti ricordi de infanzia e de giuoventu' a Trieste. Go avudo una vita assai movimentada, e iera tante ,ma tante robe de imparar e de far. Comunque, considero Trieste sempre come casa mia, son sempre sta' orgoglioso de esser Triestin e no me go mai dimentica' chi che son e de dove che vegno, naturalmente questa xe la ragion perche son in mezo de voi anche se virtualmente ogni giorno.
Ciao a tuti. Cesare

Caro Cesare parole valide per la magioranza de emigradi... l'astralia no faseva danta paura la ira piu stabile, andar in africa iera piu perigoloso, coi i mau mau il congo e il resto de barufe de indipendeza...1956 il grupo mio de 24 muli sui 20/21 ani impiegadi dala ferovia rhodesiana. ierimo pieni de vita, andar far una aventura senza scrupoli verso il ''continente nero'' ighorando il futuro...dove no ga dura sai a cambir...mi no cambisi niente, una aventura senza una bruta consegueza ,per mi! pei altri no poso dir. pero una volta partidi de casa xe sai dificile a tornar e a stabilirse e eser contenti. al estero per diversi motivi se fa robe piu ala grande e se xe piu bravi e ambiziosi, conseguamente se vivi ben, importante xe a asimiliarse e volerse ben,e no criticar robe non famigliari, inveze bisognia a capirle e aprezar ''la difernza'' in realta te son ti che teson venu a romperghe le scatole e evntualmente se finisi a volerse ben come in una famiglia...no far GETOS ''picole italie'' si ma per ristoranti negozi e le bele robe italiane ma vivendo via sparpaliarse misiadi con il resto dela popolazin.