Musica contemporanea

[sono piccolo ma crescero]

Ogi gavevo un poca de pase e go impiza Rai Classica. E go intivado una musica de un certo John Adams, contemporaneo.

Iera tanto che no scoltavo musica contemporanea e, se me domandè se la me ga piasso, devo dir de no.

Alora voio farghe una domanda a PIereto, el nostro esperto muical, ma la va ben per chiunque me sa risponder:

• No la me ga piasso perché no son abituà? Go l'impresion che se Bach o Monteverdi gavesi sentido la musica de Beethoven i se saria messi le man nei cavei (o nela paruca).
• O no xe una musica scrita per piaser, xe una specie de slaborazion inteletual, una voia de percorer strade diverse, sonorità diverse e che el piaser ala recia no xe un preequisito

Grazie a chi che me saverà risponder.

[Piereto]

Groso modo podemo dir che una musica piasi de più se la segui una linea melodica, magari piccole cellule ripetude su vari gradi de la scala, con relative armonie. ,el tuto con una progressione "circolare" te parti da un punto A te va verso B , C e po te torni ad A. Ghe xe anche de le figurazioni ritmiche che se ripeti. Xe de le regole nate da la pratica che te disi come collegar un accordo a un altro. Ecco se no te rispetti ste robe te crei una musica che pol eser interesante i primi momenti, ma po te senti che qualcosa no va. O xe tropo salti o no xe cellule tematiche opur no le se liga . Penso che Monteverdi saria rimasto sciocado da la massa sonora betoveniana e forsi alcuni passaggi armonici lo gavesi interesado ma forsi disturbado.

[Blues Briso]

Mi da non musicista/musicolgo, posso solo parlar de quel che penso mi.
Anche a mi no me piasi, me ricordo in particolar de gaver scoltado Berio, ma proprio me fazeva stomigar.
In generale la musica moderna/contemporanea/postmoderna, la zerca strade nove per poder dir qualcossa de diverso, perciò el ris'cio xe de dir qualcossa de tropo alièn ala nostra orecia. No penso che sia un caso che i composidori più famosi, adesso, xe quei che da vose a un qualcossa de "consumabile" come i cine. Rota, Morricone, Zimmer, Williams... Per conto mio i cine li costringi a esser "comprensibili" e qundi le "novità" devi esser fruibili (o comunque esser circoscritte a una situazion che l'ascoltador - a volte inconsapevole - el conossi, perchè la la vedi). El cine ogi fa quel che una volta fazeva l'Opera e pol far grande un composidor. Xe più raro ogi, che un diventi qualchedun solo scrivendo "sinfonie".

[sono piccolo ma crescero]

Trovo interessante el tuo paragon tra la musica operistica e quela da film e la tua riflession sule moderne sinfonie.

Quanto a Berio, no digo che el me fazeva stomigar, ma no, no rivavo proprio a capirlo.

[Blues Briso]

Trovo interessante el tuo paragon tra la musica operistica e quela da film e la tua riflession sule moderne sinfonie.

Penso che nel omo, el senso a cui se presta più atenziòn xe la vista, per cui pasar da l'Opera ai cine (parlando de musica) me par naturale, e mi se penso a musica orchestrale "contemporanea", quele che me ricordo xe quele dei film.

Quanto a Berio, no digo che el me fazeva stomigar, ma no, no rivavo proprio a capirlo.

Oviamente stavo esagerando. Comunque lo go scoltado che 'l doprava i sintetizadori e mi proprio no li go mai guantai. Comunque secondo mi, l'altro ieri, ieri e oggi (ma magari per Bach iera el stesso e no me rendo conto) la musica "alta" vien per lo più composta tropo con la testa, xe una elucubraziòn de caratere inteletuale, e fondamentalmente la musica dovessi ( o per lo meno mi la vedo cussì) esser un veicolo per esprimer emozioni (bele o brute, no xe importante nel discorso) quindi anche se zerte robe xe interesanti e magari le te fa pensar (ad esempio 4.33 de John Cage), per lo più xe roba che no se va a riscoltar, perchè una volta capida, no la ga più senso. Le emozioni se zerca de viverle e de riviverle.
Magari sbaglio, eh, ma xe quel che penso.

[Piereto]

Briso, condivido quanto che te ga scrito. Se una musica te ga ciapado, te la torni a ascoltar. Se xe una costruzion inteletuale, te ghe presti atenzion una volta, opur no te ghe rivi, e come se disi dentro una recia, fora de l'altra. Rossini diseva anche che senza una idea melodica no se pol parlar de musica.

[sono piccolo ma crescero]

Beh, che la musica gabi sempre qualcosa de cerebrale lo disi anche Leibniz: "Musica est exercitium arithmeticae occultum nescientis se numerare animi", la musica è un esercizio nascosto di aritmetica dell'animo che non si rende conto di calcolare.

Ma se legè el libro del Hofstädter "Gödel Escher Bach, un'Eterna Ghirlanda Brillante" (xe un maton, lo go leto due volte, un poco perché el me gaveva piasso e un poco per capirlo meio) vedè che anche la musica de Bach no la xe solo bela, ma anche esasperatamente razionale: temi fati sul suo nome, musiche che se pol sonar per davanti e per indrio e le resta sempre compagne, musiche che se pol sonar a l’infinito e le va sempre più su de un'otava... Probabilmente Piereto saveva za tuto, ma a mi me ga verto un mondo, trent'anni fa.

Per onestà devo dir che mi lo go leto due volte, ma mio fio no'l ghe ga piasso.

[Blues Briso]

Sicuramente xe un esercizio mentale, ma zonto mi, anche fisico (per sonar se ga de imparar dei automatismi). Se un el sa quel che fa, el pol razionalizar e meter più zervel, dando prova de grande tecnica. Ma solo col zervel no se fa bona musica. Parlo per mi.

[Blues Briso]

musiche che se pol sonar per davanti e per indrio e le resta sempre compagne [de Bach]

Me par de ricordar che quel canone che te disi ti, iera una sfida, per cui dado un tema, Bach doveva tirar fora dele variazioni, tra le altre, iera anche questa, che non solo se pol sonar ala riversa, ma se pol sonar in do (inteso in 2): un per vanti e un per indrio e la funziona, secondo le regole dela composizion del tempo.
Questo xe un esercizio su un tema, e sicuramente se ghe meti zervel, ma anche co se scrivi una poesia, sopratuto se te conti le silabe e se te la fa in rima, te ga de meter zervel, no basta l'ispirazion. El fato xe che una poesia se scrivi per esprimer un'emoziòn. No cori che sia de amor, se pol scriverla anche per esprimer alegria. Mi me inacorzo de gente che xe su internet che la sona con una tecnica alucinante, i fa robe de no creder, i xe de una bravura incredibile; ma se te digo la verità, no i me disi niente (no posso scriver quel che me par), perciò con tuto el rispeto, preferisso musicisti meno virtuosi, ma che i gabi qualcossa de dir...
Tornando a Bach, de lui xe comunque inelutabile che el gavessi robe de dir sul piano emozionale. Se lo confrontemo con John Cage che el ga fato el toco de musica muta, indove che l'esecutor no fa niente e la musica xe i rumori ambientali, posso pensar: "Sì John, tuto sai cocolo, e dopo?" Cossa resta? Pol far rifleter quanto che te vol, ma xe ovvio che non ndassi mai a veder un concerto cussì.

[sono piccolo ma crescero]

Sì, xe dall'oferta musicale, musiche su un tema proposto da Federico di Prussia, me par de ricordar.

Questo xe sonà coi violini
https://www.youtube.com/watch?v=29YwFjE2b1A

e questo spiega ben de cosa che se trata
https://www.youtube.com/watch?v=Y0_DeHSTLHU

[hacel]

Ciao! Capisco bene il tuo punto di vista: molta musica contemporanea può sembrare difficile o “strana” all’ascolto, soprattutto se siamo abituati a melodie più tradizionali. Credo che spesso questa musica punti più alla ricerca e alla sperimentazione che al piacere immediato dell’ascolto, un po’ come l’arte astratta. Forse, con ascolti ripetuti, alcune cose diventano più comprensibili o interessanti, ma non è obbligatorio che piaccia a tutti. È normale avere gusti diversi!

[sono piccolo ma crescero]

Ciao! Capisco bene il tuo punto di vista: molta musica contemporanea può sembrare difficile o “strana” all’ascolto, soprattutto se siamo abituati a melodie più tradizionali. Credo che spesso questa musica punti più alla ricerca e alla sperimentazione che al piacere immediato dell’ascolto, un po’ come l’arte astratta. Forse, con ascolti ripetuti, alcune cose diventano più comprensibili o interessanti, ma non è obbligatorio che piaccia a tutti. È normale avere gusti diversi!

Punto di vista interessante! È vero che l'ascolto ripetuto aiuta, però mi chiedo spesso se a volte questa 'ricerca' non rischi di allontanarsi troppo dal pubblico, diventando un esercizio quasi solo intellettuale. Trovo comunque stimolante il tuo invito a non fermarsi al primo impatto: a volte la bellezza di un brano contemporaneo sta proprio nel modo in cui riesce a scardinare le nostre certezze musicali. Grazie per lo spunto!

[Blues Briso]

Ciao! Capisco bene il tuo punto di vista: molta musica contemporanea può sembrare difficile o “strana” all’ascolto, soprattutto se siamo abituati a melodie più tradizionali. Credo che spesso questa musica punti più alla ricerca e alla sperimentazione che al piacere immediato dell’ascolto, un po’ come l’arte astratta. Forse, con ascolti ripetuti, alcune cose diventano più comprensibili o interessanti, ma non è obbligatorio che piaccia a tutti. È normale avere gusti diversi!

Non sono d'accordo, una musica mi deve "piacere" (o mi deve far piacere ascoltarla), la ricerca musicale deve essere finalizzata a suscitare un emozione, non posso farmela piacere per forza, violentandomi con dei suoi ripetuti ascolti. Il parrallelo con l'arte cosiddetta "astratta" lo trovo azzeccato, nonostante abbia acquisito le nozioni che sotterebbero alla sua "creazione", la trovo comunque piuttosto lassativa.

[Piereto]

Una musica la xe per mi bela quando ghe xe una componente melodica che te resta in zervel, magari anche traverso un testo, e ghe xe una componente armonica che completa el tuto, e che pol eser semplice o sai complicada con grandi strutture . Ne la musica moderna odierna , no rap o rock, e no quela del 900, se asisti a un ritorno de qualcosa che ghe rasomiglia al melodico , ma unida a una poverissima e incompleta armonia. El discorso se fa diverso quando andemo a scoltar le musiche scrite per i film che ben o mal le torna a un sinfonismo più o meno clasico.