partida de balon

[babatriestina]

Sì, podevo meterla in Balon, ma no fazo discorsi tecnici e no xe squadra local.
ieri un conoscente me disi Ara che stasera xe in ciaro un a partida dela Juve.
ben bon per qualcossa che ne servi el schermo grande tv, zerco el canal e me trovo circa a metà del primo tempo. la juve gaveva za ciapado do gol... Li guardo e comincio a zercar de capir chi xe i juventini e chi i parigini: xe una squadra in bianconero ma no le righe che ricordavo mi. legio i nomi sula schena: orpo, che sia i " italiani" che i " francese" i par che i vegni tuti dele colonie ( o ex colonie). Po come se no bastassi i ga anche sule maiete i nomi de emirati arabi: insoma, xe vero che no li seguivo de tempo, ma se iera un campionato mondial fra squadre extrauropee saria stado istesso. i zogava no mal, ma pochi tiri in porta e pochi corner, diria. No go vardado el secondo tempo, son passata a un documentario amazon sul impero portoghese.
Cavelade come sempre, tatuaggi non go notado tanti e no go visti primi piani de zogadori che spudava, come che gavevo visto altre volte. No xe el balon de una volta..

[Piereto]

El calcio de le serie superiori xe sempre più un afar de schei. Per utilizar un giogador te paghi una cifra, po' te lo tien un per de ani, e dopo te ghe lo cedi a una altra squadra per una cifra superiore a quella che te gavevi pagado. No sempre xe cusi', ma el publico par contento perché in fin dei conti xe sempre dei profesionisti. I cori quel tanto che basta, i casca per tera con arte, e i bravi i sgambeta senza eser visti. Qualchidun intiva la porta più de altri e i segna. Sperar de trovar un torinese o almeno sei italiani in una squadra come la Juve xe un ricordo del passato. Se te vol inveze veder come che se gioga con passion bisogna andar a una partita de una squadra de dilettanti o rionale.

[Cedric]

Hai proprio ragione, il calcio di oggi è molto diverso da quello di una volta. Le squadre sono ormai internazionali e i giocatori provengono da ogni parte del mondo, quindi è difficile riconoscere lo stile “classico” di ciascun team.

[Ciancele]

A mi me interesa solo atletica legera e nuoto. La prima gara de atletica la go fata a 15 ani e quela de nuoto a 32, coi senior. Digo questo per dir che i altri sport li vardo, ma - come Baba – vardo anca se xe qualcosa de altro, de meo. Ieri sera go visto un filmeto sula Bretagna con piati de scampi, granzi e cagoie, che valeva de sicuro tutti i gol de la squadra de Monaco (6 a 0!). Mi no son tecnico de calcio, giudico de come che faria mi, se dovesi zogar. Me par de ricordarme che prima dela guera una squadra gaveva solo zogadori dela cità. Nela Triestina iera un mucio de triestini. Dopo la guera, specialmente dopo el 1948 (Torino) e el 1952 (campionati del mondo) xe vignudi zogadori de fora. La Juve gaveva un centroavanti svedese. Co'l marciava, iera come in un film de Bud Spenser: in un ragio de zinque metri tuti partera. Par gnoco se disi: wie ein Panzer bei Nacht – come un caro armato de note in scuro. Anca i zodagori de altri continenti i sa zogar ben. Quando che un negro xe ofeso, mi ghe diria de eser contento che el vien ofeso. Vol dir che el xe bravo. I scalfi i li lasa in pase. Naturalmente xe ofesa e ofesa. Ma in stadio no conta. Se un ofendi un zogador no bianco fora, quela sì xe ofesa. Adeso xe tecnica moderna no perder el balon. Par quel i fa pasagi avanti e indré. Una volta un tirava el balon par l'ala sinistra o destra e l'ala coreva savendo che almeno un ghe cori drio e l'ala pol pasar el balon. Ogi l'ala se ferma e pasa el balon, indrio. 'lora me vien de dir: cosa 'cori che te cori ... Spudar xe l'unica roba che me fa veramente schifo, anca se go fato la guera. Una squadra de balon no xe par far soldi, ma par spender soldi. E i ciol in giro quei che va a zogar in Arabia. 'sti qua i ciapa un mucio de bori, importi che quei che li ciol in giro no i sa gnanca scriver. Se i me volesi 'ndasi anca mi. Sicome che son vecio e zoto, saria sempre come riserva, ma gavesi una paga sensa far gnente. Spetemo el futuro.

[Piereto]

Penso che le squadre de ogi le porta el nome de la cità solo per el fato che el publico de quela cità i la va a veder e i paga el biglieto, in quanto i giogadori xe tuti foresti e i gioga solo per i bori. Co la triestina semo mesi propio mal perchè i paroni xe americani , ma xe americani cisti e go el sospeto che i bori xe stadi investidi chi sa per quali altri scopi. I paga in ritardo ,tanti debiti, tanta penalizazion. Una serie C cominciade da soto zero Per cui ogi l'unica squadra de tuti muli tirestini con capital locale xe el san Luigi che sto anno xe sta promosso in serieD. Speremo almeno in quel.

[hacel]

Hai proprio ragione, il calcio è cambiato tanto negli ultimi anni! Anche a me capita di guardare una partita e non riconoscere più le squadre o i giocatori come una volta. Tra sponsorizzazioni, giocatori stranieri e nuove mode, sembra quasi un altro sport. Però, ogni tanto, qualche bella partita si trova ancora! Anch’io spesso preferisco un bel documentario quando il calcio non mi convince.

[babatriestina]

Ma hacel sa scriver in triestin?? e sa de che squadra parlemo?