Intelligenza artificiale

[Piereto]

Certamente per aver più energia a disposizion ocori costruir nove centrali. Ma aun conto xe aver un ente elettrico nazionale che ripartisi i oneri acessori su milioni de utenti per costruir una nova centrale, e un altro conto xe per un ente privato come nei USA ripartir la spoesa su un areale de pochi miglia de utenti che cusì se ritrova a pagar cifre astronomiche consumando sempre i stesi KW.

[sono piccolo ma crescero]

Segnalo sto sito (speroche el duri nel tempo) https://www.ilpost.it/2026/01/14/vocabo ... wtab-it-it dove che trovè spiegai tuti i termini in uso, attualmente, per l'intelligenza artificial.

[babatriestina]

anche sul forum si possono creare risposte con l'AI

[sono piccolo ma crescero]

Si va ben, ma zerchemo de no farle ... almeno noi. Lo go fato anche mi de scondon per prova, ma forsi xe meio se se tratignimo perché senò se impignimo de aria frita. E po' semo sicuri che quel che l'IA ne disi no sia alucinazioni? Varda qualche pagina pù su cosa che me ga dito l'IA su Olivia Siauss (adesso la se ga coreto me par, ma quela volta iera un disastro). Sti disastri i vien fora sopratuto quando te ghe domandi informaziioni su gente poco nota.

[babatriestina]

Stago legendo un libro sull'intelligenza artificial, Nello Cristianini, Machina sapiens (l'algoritmo che ci ha rubato il segreto della conoscenza), ed il Mulino 2024.

Interessante libro che evidenzia i problemi ligai a l'intelligenza artificial vista de un specialista (el xe professor universitario de intelligenza artificial appunto). Anche se el libro no xe per specialisti.

E me dispiasi dirve che dovemo diventar un poco più furbi, per no farse fregar o inzinganar, se possibile.

Ve fazo un esempio. In sto forum xe iscrita, anche se no la frequenta più da bastanza, una pitrice triestina, Olivia Siauss. Alora a tre "intelligenze artificiali" disponibili sul web (perplexity.ai, chatgpt.com e gemini.google.com) ghe go fato la domanda, compagna per tuti: "Chi è Olivia Siauss?"

La risposta più divertente me la ga dada perplexity. Ve meto l'immagine.



Sula destra ghe xe i quadri e una foto, giusti tuti, ma vardè el testo che el me ga scrito. Xe tuto inventà, de sana pianta. A sto punto ghe go dito che el ga sbaglià tuto e ghe go segnalà una pagine dove che xe la sua biografia. Dopo do ore son andà a zercar de novo e sta volta el me ga dà la risposta giusta.

Chatgpt xe prudente, el me disi che no'l sa



Interessante anche gemini de google



Non ho abbastanza informazioni su quella persona. Ma se ghe domando a google, motor de ricerca, el ghe ne sa e come



Mio fio me disi che no se li pol doprar come motori de ricerca, ma per ciacolar. Ciacolar de cosa? De monade? Senza saver se qual che i me conta xe falso o vero? Mi penso, invece, che dovemo star sai atenti ale balle che comincerà a girar grazie a sti motori.

E scuseme, ma a l'inteligenza artificiale preferiso ancora la stupidità naturale.

chatgpt ga imparado a zercar e adesso me conta "
Olivia Siauss è un’artista pittrice e grafica italiana, originaria di Trieste e attiva dagli anni ’70 fino almeno agli ultimi decenni.

Chi è

È una pittrice e grafica contemporanea, impegnata nella produzione artistica fin dagli anni 1970.

Vive e lavora principalmente a Trieste (Friuli-Venezia Giulia, Italia).

Nel corso della sua carriera ha esplorato diverse tecniche artistiche: pittura ad acrilico su tela, pastelli acquerellabili su carta, incisione e, in anni più recenti, anche elaborazioni tramite computer grafica.

🖼 Attività e stile

La sua arte è caratterizzata da una forte sensibilità cromatica e da un linguaggio visivo spesso ispirato alla natura, ai paesaggi, ai boschi e all’immaginazione simbolica o onirica.

Le sue opere mostrano un equilibrio tra figura, colore e composizione, con passaggi che possono tendere a una leggerezza quasi astratta o poetica.

🖌 Mostre e riconoscimenti

Olivia Siauss ha esposto in numerose occasioni, sia in Italia che all’estero, con mostre personali e collettive. Tra gli eventi più noti ci sono:

Mostra personale “Il colore, la mia vita” alla Galleria Rettori Tribbio di Trieste (2015), con una quarantina di opere che ripercorrono oltre quindici anni della sua attività artistica.

“Fiabe e sogni” (2012), personale al Circolo Aziendale delle Assicurazioni Generali di Trieste, che ha presentato opere dal 2002 al 2012.

“Colori e luci del mio bosco” (2019), una rassegna dedicata ai cinquant’anni di attività artistica dell’autrice.

Altre mostre includono “Carte fantastiche 2003-2008” e partecipazioni a eventi collettivi come “Itinerario astratto” a Trieste.

Formazione

Ha studiato e approfondito tecniche artistiche a Trieste e in altre scuole, tra cui Scuola Libera di Figura al Museo Revoltella e corsi di incisione e stampa, affinando le sue competenze sia nella pittura che nella grafica.

In sintesi:
Olivia Siauss è una pittrice e artista visiva contemporanea italiana, nota per il suo uso espressivo del colore e per l’esplorazione creativa di paesaggi e temi simbolici, con una lunga carriera di mostre personali e collettive, soprattutto nella scena artistica triestina e italiana.

E me cita ogni volte la sua fonte che xe principalmente un " Noi Donne"

[sono piccolo ma crescero]

Gavevo scrito che "adeso la se ga coreto", ma no te saverà mai se quel che te ghe domandi xe falso o vero, sopratuto se no i te disi de dove che vien l'informazion.

Se te savessi quanti sbagli che trovo co ghe domando de informatica, sugerimenti che no funziona o che fa riferimento a versioni vece dei sistemi operativi...

Difidar de quel che l'IA te conta xe la prima roba de far.

[babatriestina]

Gavevo scrito che "adeso la se ga coreto", ma no te saverà mai se quel che te ghe domandi xe falso o vero, sopratuto se no i te disi de dove che vien l'informazion.

per cominciar, no go riportado, ma de ogni paragrafo adesso disi la fonte. E po mai dito che disi tuto vero, disi quel che se trova in rede.Che a sua volta xe stado messo per la prima volta de esser umani.Che pol contarnela giusta o sbagliada. Nela fatispecie, la prima volta ga capelado ala grande, la seconda me par che gabi dito roba giusta.
Insoma, xe sempre quel: radio ( gente che parla per radio), television ( gente che parla in television), internet( gente che scrivi su internet), libri (gente che scrivi libri).. ne conta quel che i vol e sta a noi decider se crederghe o meno ( pensa ai libri de storia...). No vedo la diferenza. Se no pe r la parola inteligenza che come che go sempre dito xe una roba che no se pol definir

[Piereto]

Credo che anche noi ghe stemo dando una grande importanza a la IA, e diria forsi tropa. Xe la moda del momento, e no saria grave , ma tantissimi pensa che sia un toccasana per le nostre coscienze e conoscenze, ma a la fin fine xe solo un modo per far soldi . Steno vivendo in una epoca de grandi manipolazioni e el pericolo xe drio ogni canton. Xe chi che ne vol tirar via la libertà de pensiero co la scusa de facilitarne ne le scelte. Insoma xe solo un groso afar. Te tai posti de lavoro perchè no i xe più necesari e te fa pensar le persone in un solo modo. Noi che semo stadi educadi a ala vecia ,gavemo ancora un poco de discernimento, ma la nova gioventu ?

[babatriestina]

e co i ga inventado el elica e el motor per le barche xe finido el mestieri per quel che tirava le barche a spalla dela riva, nei canai

Repin_Volga_Boatmen-gut!w65.jpg (47.05 KiB) Visto 282 volte

[Ciancele]

Volga, Volga, il ciel ti colga. Scherzi a parte, co i canta Volga Volga, me vien i brividi. Xe tanto bel. Mi go 'sta canzon (e anca Oje uchnje) cantà de un baso profondo del Berlino est (Ivan Rebroff) che el cantava anca in ruso. Mi andavo in bagno con una piria, che fazeva de microfono, e cantavo anca mi.

[york66]

Inutile xe caznzoni che comuovi...in caso mio xe italan sloven e inglese e il quadro me fa adirituta a pianzer.

[Ciancele]

Inutile xe canzoni che comuovi...in caso mio xe italian sloven e inglese e il quadro me fa adirituta a pianzer.

Mi scolto (e canto) par talian, inglese, gnoco, ruso e crvato (Tamo daleko).

[Ciancele]

Me par che za Dante diseva de no fidarse. E el gaveva ragion. La IA xe par stranieri che vien in Italia a ciapar sol. Za in bufè i ga problemi. Quel poco de talian che ‘ncora so me basta pal cafè. Par roba seria vado de gente seria. Qualchedun dirà che esagero. Pol darse, ma in tute le esagerazioni xe un poco de verità. Par gnoco, la magior parte dei vocaboli xe cosidete parole composte. Tipo capostazion. Se legi de destra a sinistra, par talian, o altre lingue neoromane, se 'iutemo col genitivo o partitivo. Bruto xe quando che se una parola sola, sensa contesto. Par esempio: feci. Xe verbo o sostantivo? Giustizia elettronica (do parole) xe par gnoco Rechtsverkehr = una parola composta, leta de destra a sinistra xe trafico de dirito. Recht par gnoco xe anca destra e 'lora vien circolazione a destra. Tra giustizia a destra e circolazione a destra IA ga sielto la traduzion sbaliada. IA fa i musi. Podaria meter altri esempi. 'lora mi ciogo IA solo se tre altre fonti me lo conferma. Tute e do le traduzioni xe giuste, ma dipendi quando. Se no se intiva el quando se fa bruta figura.

[Piereto]

Bravo Ciancele su la IA. Co te ga scrito che te canti tamo daleko, che per altro go inteso anche mi, Tamo daleko imo in split xe una romanza de l'operetta Mala Floramye ( piccola fioraia) de Ivo Tjiardovich scrita nel 1926, e che te trovi anche su youtube.

[Ciancele]

Bravo Ciancele su la IA. Co te ga scrito che te canti tamo daleko, che per altro go inteso anche mi, (Nota: Piereto, ma no de mi!!!) Tamo daleko imo in split xe una romanza de l'operetta Mala Floramye ( piccola fioraia) de Ivo Tjiardovich scrita nel 1926, e che te trovi anche su youtube.

Mi la go imparada del 1946 in croato. Anca mia mama la cantava in croato. Qualche tempo fa go leto che l'originale xe sta scrito in serbo pai serbi nel 1916, durante la prima guera. Tuti la cantava piansendo. Un poco come la nostra Co' son lontan de ti.

[york66]

Ve digo una sola roba...xe un piazer a legerve.