Scoltar la TV

[sono piccolo ma crescero]

Scoltar? ma la TV se la varda anche! No sempre.

Colpa de una forumista che me ga scrito una mail (grazie Mandi_) me son ricordà che de picio, ma picio picio, ala sera mio papà gaveva trovado che sula radio, in modulazion de frequenza, se rivava a ciapar, disturbado; el canal del TV (iera un solo). E mi e mia sorela scoltavimo, in leto, Carosello e dopo mia mama studava la luce e 'ndavmo adormir.

[babatriestina]

Scoltar? ma la TV se la varda anche! No sempre.

Colpa de una forumista che me ga scrito una mail (grazie Mandi_) me son ricordà che de picio, ma picio picio, ala sera mio papà gaveva trovado che sula radio, in modulazion de frequenza, se rivava a ciapar, disturbado; el canal del TV (iera un solo). E mi e mia sorela scoltavimo, in leto, Carosello e dopo mia mama studava la luce e 'ndavmo adormir.

sì una mia amica che gaveva un a radio più moderna dela nostra podeva scoltar sanRoemo sula radio. Noi sula nostra grande no, la iera più vecia e no la gaveva modulazion de frequenza, Se podeva cambiar onde, longhe, medie, curte, cusrtsissime ma non se ssntiva gnente. mama me contava che prima dela guerra lera meno disturbi e lori scoltava i concorsi Chopin de Varsavia in diretta

[Piereto]

Ma vara ti come che cambia i tempi. Mio papà me contava che co el iera picio el scoltava l'eiar co la radio a galena in leto , in scondon de mia nona. Ogi guardemo i programi in striming su una tavoletta 16cm.x 8 praticamente a tute le ore del giorno e de la note. Noi a casa gaveimo la television za nel 1956 e i nostri vicini de casa viniva de sera a guardar lascia e radopia e noi fioi a filar in leto dopo caroselo.

[babatriestina]

fortunai cola television ( o forsi anca no?) papà ga dito la Television in casa no la voio. La gente guarda la television e no se parla più. Insoma la xe rivada nel 67 ma solo per mi in camera mia, regalo per la matura. E co papà iera vecio e malado el stava in poltrona incamera de pranzo, a ..pensar.. ghe go dito papà per pasar el tempo te ciogo un televisor . El me ga risposto te lo ciolerà co sarò morto che no ghe vol ssai. Difati el xe morto un per de setimane dopo e la television la go ciolta per farghe pasar el tempo a mama. Adesso la go, ma a xe quasi sempre distudada. Solo per qualche diretta o qualche spetacolo la impizo

[sono piccolo ma crescero]

Ma vara ti come che cambia i tempi. Mio papà me contava che co el iera picio el scoltava l'eiar co la radio a galena in leto , in scondon de mia nona.

Ah la radio a galena... vietata dala lege perché se gaveria dovù pagar l'abonamento ala radio. Mi go scoltà la radio anche con quela!

Una bobina, un condensator variabile, el cristal de galena col baffo di gatto (un fil che se doveva posizionar sul cristallo nel punto giusto), una cuffia de telegrafisti e una grande antenna. Qualchedun, per l'antena, provava co le suste, ma el modo miglior per farla iera tacarse ala corente con un filtro passa alto: condensator che blocava la corente che gaveva i 50 Hz e lasava pasar le onde radio che gaveva una frequenza più grande. La version più semplice ciapava una trasmittente sola, radio Trieste, che trasmeteva più forte dei altri.

Però el cristal de galena iera una rotura, perché con sto fileto che se ciamava apunto baffo di gatto se doveva zercar sul cristal dove che funzionava meio. E alora mio papà ga sostituido la galena con un diodo al germanio e dopo, con tochi de recupero, el ghe ne gaveva fata una più complicada ma più efficiente e me vedo in leto, co la febre e la cuffia sule rece che scolto la radio (la radio vera iera in cusina).

Ah, la radio a galena e anche quela più bela che ga fato dopo mio papà, no la gaveva bisogno de pile o de corente eletrica; la corente ghe rivava da le onde radio che la ciapava.

[Ciancele]

No voio, e gnanca poso, entrar in tei particolari, parchè iero putelin. Ma anca mio papà scoltava una volta una radio compagna.

[Piereto]

Anche a casa mia gaveimo una picia radio in cusina, onde medie de un tipo american marca "teletone " e in saloto una radio più grande Philips anche cole onde curte, co la scala che se podeva alzar , la valvola ocio magico color verde , e la go visto scrito nomi de localita che no conosevo, come monte ceneri, hilversum e bordeaux . Co iero più grandeto gavevo la mia radiolina, un cocolo cubeto de sei cm. de lato solo onde medie co la beteria de 9 volt , che scoltavo in leto e che go salvado.