Carne de caval

[sono piccolo ma crescero]

Esisti a Trieste ricete tipiche con la carne de caval?

Lo domando perché ghe xe una proposta de lege per vietar de macelar i cavai a fini alimentari. I cavai, ma anche i musi, i bradotti e i muli, doveria diventar animai de affezione, come i cani e gati,

https://tg24.sky.it/cronaca/2026/02/16/ ... osta-legge
https://www.corriere.it/animali/26_febb ... 4xlk.shtml

A mi i musi me piasi sai, come se vedi del mio avatar, ma l'iniziativa me par un poco stramba.

Solo sui muleti son d'acordo; gavemo za cusì pochi giovani che macelarli no me par propio che sia el caso

Comunque a mia moglie ghe piasi la carne de caval (no la ga colesterolo e la ga sai fero, contro le anemie...).

Me lasa perplesso el fato che el caval ga de eser animal de affezione, e un vedel no e me domando se chi che ga tanto a cuor i cavai, ga anche tanto a cuor i omini e le done. Perché ga de eser moralmente disdicevole magnar carne de caval e xe invece etico magnar pomodori ingrumai da poveri diavoli che lavora in condizion de semischiavitù?

https://www.atuttarte.it/poesie/parini- ... cuccia.pdf

[babatriestina]

le macellerie equine iera a parte, adesso qualchedun come Prunk, sloven ch ega negozio qua vendi anche caval. Fra poco i tacherà cola lagna dei poveri agnellini che i cativi cristiani copa per Pasqua. i porchetti inveze se pol magnar?

[Blues Briso]

Per mi xe una roba de mati.

Ma po, anche el gato xe animal de afezion e pur i vincentini i li magna...

[Ciancele]

Qua xe dificile trovar carne de caval. Ma go za contà che un cugin dela putela, che xe vignù con noi a Trieste, el ga dito a mia mama che el vol provar. Se no ghe piasi se trova altro: un ovo frito! No'l ga mai vu bisogno de ovi, el ga sempre PRETESO de magnar la fetina de caval. Co iero picio el dotor ghe ga dito a mia mama de farme carne de caval. E anca par ela. La carne de porco xe più sana.

[sono piccolo ma crescero]

Per mi xe una roba de mati.

Ma po, anche el gato xe animal de afezion e pur i vincentini i li magna...

Penso che in tempo de guera i gati i li ga magnai in tanti (e ga fato scandalo un che in television, qualche anno fa, ga spiegà come che se cusina el gato:https://tv.fanpage.it/quando-beppe-biga ... -di-gatto/) , però ai vicentini i ghe disi "magna gati" perché "te ga magnà?" in dialeto de Vicenza se disi "gato magnà?" (a Venezia me par che i disi, invece, "gastu magnà"), da cui l'epiteto...., leggende a parte...

[Ciancele]

Qua xe dificile trovar carne de caval. Ma go za contà che un cugin dela putela, che xe vignù con noi a Trieste, el ga dito a mia mama che el vol provar. Se no ghe piasi se trova altro: un ovo frito! No'l ga mai vu bisogno de ovi, el ga sempre PRETESO de magnar la fetina de caval. Co iero picio el dotor ghe ga dito a mia mama de farme carne de caval. E anca par ela. La carne de porco xe più sana.

Domando scusa par questa ultima frase. Naturalmente volevo dir che la carne de ghighi xe più sana de quela de porco. E anca come gusto no la se devi sconder. El nostro cugin quela volta el ga volesto fetine de caval e no de manzo.

[Blues Briso]

Per mi xe una roba de mati.

Ma po, anche el gato xe animal de afezion e pur i vincentini i li magna...

Penso che in tempo de guera i gati i li ga magnai in tanti (e ga fato scandalo un che in television, qualche anno fa, ga spiegà come che se cusina el gato:https://tv.fanpage.it/quando-beppe-biga ... -di-gatto/) , però ai vicentini i ghe disi "magna gati" perché "te ga magnà?" in dialeto de Vicenza se disi "gato magnà?" (a Venezia me par che i disi, invece, "gastu magnà"), da cui l'epiteto...., leggende a parte...

La mia iera una batuda, comunque no savevo de "gato magnà?"
Po no conosso vicentini, solo padovani, trevisani, veneziani e rovigoti... tuti i me ga contà che (vado a memoria):

padovani gran dotori, veneziani gran signori, (qua cambia a seconda de chi la conta: trevisani, rovigoti o veronesi) tutti matti, vicentini magna gati!

[Ciancele]

In genaio o febraio 1945 go dovesto andar in un paeseto tacà Udin. Un mio colega, ma el podeva eser mio papà, el me ga dito de 'ndar de un suo amico a cior un saco de fasoi. Naturalmente sensa tesera. Po el me ga dito star 'tento. Se i me ofri levre o coniglio, i me devi mostrar la testa. Del coniglio, naturalmente. Ma nei dintorni de dove che stavo ogni tanto spariva un gato. Soto de noi stava una baba antipatica, ma no la iera de Vicenza. In casa stava un che diseva de eser el più bel padovan de Trieste. No me ricordo de 'verlo visto sincer. Co'l vigniva a casa, verso mezanote, el bateva contro la porta e el zigava magnagati. In Francia i disi: Ala gher secom ala gher. Penso che in guera, specialmente verso la fine, iera due categorie in pericolo: colombi e gati, che no podeva imboscarse o 'ndar nela resistanz.

[babatriestina]

mi anca conigli me f a impression el idea de magnar. gavevo de picia un coniglietto de stofa che ghe volevo cussì ben... lo go ancora in armer come che altri ge el orseto