Buon Giorno!

[Piereto]

Da metà luglio sparirà le machinete obliteratrici dai bus citadini. Tuto solo elettronico, o se legi un qr code o se se colega co un contactless. Mi in sto periodo de interregno go visto che l elettronica fazeva solo perdere tempo co file per convalidar el pagamento, per no parlar de quando l'autobus iera pien de gente. Ma I capi disi che un punzon per la data e l'ora ,e una troncatrice per portar via un canton del biglieto de carta xe un metodo obsoleto. Sarà, ma sbusar i biglietti ga funzionado sempre , qualche volta ga mancado l'inchiostro, ma un sistema meccanico xe più sicuro de l'elettronica.

[Ciancele]

Più sicuro 'ncora xe el sistema manuale. Mi me ricordo dei sbregabilieti dela mia infanzia.

[babatriestina]

opur come mi se ciol el abonamento che no ocori convalidar.
Ma certo se se metesi el nglietaio come quando che ierimo fioi

un solo ingresso, la machineta che fazeva el buso un er un... che bel e che svelto!!!

[sono piccolo ma crescero]

Da metà luglio sparirà le machinete obliteratrici dai bus citadini. Tuto solo elettronico, o se legi un qr code o se se colega co un contactless. Mi in sto periodo de interregno go visto che l elettronica fazeva solo perdere tempo co file per convalidar el pagamento, per no parlar de quando l'autobus iera pien de gente. Ma I capi disi che un punzon per la data e l'ora ,e una troncatrice per portar via un canton del biglieto de carta xe un metodo obsoleto. Sarà, ma sbusar i biglietti ga funzionado sempre , qualche volta ga mancado l'inchiostro, ma un sistema meccanico xe più sicuro de l'elettronica.

Ciapo poco l'autobus, ma co lo go ciapà... sempre la mecanica, col timbro e via el canton. Perché cusì go in man la prova che go pagado.

Ogi go provado a far l'eletronica. A parte che se l'autobus scasa ze dificile tignir el bilieto fermo soto ala luce rossa, quando finalmente el lo ga leto el xe sta una decina de secondi pe dirme che 'ndava ben.

Go provado con la carta de credito ricaricabile, perché cusì, su l'estrato conto go la prova che go pagà... no me la ga ciolta. Devo provar col telefono.

El problema xe smpre quel, che con la obliterazion eletonica devo fidarme de trierte trasporti, perché mi no go in man gnente che provi che go pagà, perché sul bilieto no resta gnente.

[babatriestina]

col el tesserin anual no go de " obliterar" basta gaverlo in borsa, Fra l'altro semo in luglio, son in bus quasi ogni giorno e sto anno non go incontrado ancora un controlor che me lo gabi domandado. l'anno scorso forsi 2 o 3 volte.

Per timbrar co gavevo el biglietto de 10 corse... montavo sul bus dela parte che s e monta , altri rivava prima de mi montando de dove che se smonta, fora el biglieto e zercar la machineta, intanto buto el ocio se xe forsi un posto de sentarse.. ben bon una volta iera do machinete una davanti e una dedrio, ma spesso una iera blocada e dovevo andar de l'altra, iera ancora quele che taiava un canton.. ma non sempre funzionava. intanto che andavo su e zo per el bus zercando de timbrar i altri se sentava!!! e co gavevo el biglieto timbrado restavo in pie

[Piereto]

Xe tuto vero. El bus scasa, e te devi aver la man ferma , una per biglieto tesera o telefonin, e una man per tinirte sul pal. No go ancora provado el biglieto col qrcode, che tra l'altro el costa de piu de un dieci corse , ma po nol segna e l tempo e in ultima analisi te dipendi da la conesion internet tra TT e la tua banca, e po no xe più privacy . Chi che fa ricerche vien a saver che ti a quela ora te ieri sul bus

[sono piccolo ma crescero]

I disi che col 14 funzionerà anche coi multicorsa. Per la privacy no vedo tanti problemi, visto che el bilieto ogi lo dporo mi e domani te lo poso pasar a ti.Per mi el problema vero xe che no te ga gnente in man che disi che te ga timbrà el bilieto. Te se devi fidar de quel che ghe isulta a lolri.

Comunque qua https://drive.google.com/file/d/1-21RxB ... e1wRz/view xe le nove regole.

[Piereto]

Save' come che se ciama le nove machinete elettroniche che validera' contactless e qr code? EVA le se ciama, e credo che i molti utenti i penserà: quela porca de una....

[Piereto]

Dovemo eser sai pazienti, ve ricorde' la storia de la dimension dei caperozoli, be in sti giorni la UE se ga superado e la ga tirado in ballo un inquinante spaventoso per tuto l'orbeterracqueo. I piombini che xe su le rede de pesca, su le togne. Credo che sia un parto dovudo al caldo siccome no funziona a Strasburgo i condizionatori studadi per risparmiar.

[Piereto]

Ogi xe un articolon sul Picolo che riguarda el tram de opcina che a giorni el doveria riprender le corse, fino piaza dalmazia e non fino el capolinea in piaza oberdan. Ma po .....el se fermerà nel 27 perche xe de far la revision ventennale, che no xe come uno pensasi : te oservi la consistenza de la linea e te provedi. E inveze no. Praticamente xe de smontar de novo i binari , cambiar 6,5 km del fil de trazion , e la revision de le veture che rimese a novo ga circolado forsi per un anno. . Un comune mortale diria va ben ogni vinti ani revisionar, ma sul novo che xe stado fato vinti anni prima, no su quel che xe stado fato un do o tre anni fa. Lete ste robe, go provado solo disgusto.

[Piereto]

Xe oramai de tanti giorni che xe le file per sostituir la carta de identità fata de carta che no vignirà più prodota con quela tesera de plastica. Un vecio pol pensar che sia come una volta . Te andavi in comun, magari un poco de fila e te portavi la foto nova , un timbro do firme e via co la carta nova. No xe cusì perche ocori le impronte digitali e la foto che i scaneriza e la tua firma e po se se devi colegar co internet a Roma , e po i te da un numereto , e da Roma te rivera la carta e co un altro numereto dopo sie giorni. Po te te devi colegar co el PC o col telefonin moderno con contactless e tramite un applicazionche te scarighi da googleplay inserir i do numereti. Poveri veci

[babatriestina]

chi che no ga el telefonin xe ormai taià fora de mezo mondo. Dovessi eser fato per blocar i imbroioni.