Modi de dir triestini

[babatriestina]

Ligarsela a l dito ( sì, dito xe dedo ma no go sentido dir ligarsela al dedo)

[sono piccolo ma crescero]

Mah, no me faria strano sentirlo.

Inveze go un'altro modo de dir, che esisti anche in italian, ma la spiegazion no me convinzi. Se un ve disi che "al tale xe un voio ma no poso" che significato ghe dè ala frase.

Se "uno che si dà atteggiamenti da grand'uomo senza averne la possibilità"?

Opur xe "uno che voleria farte un favor ma no'l pol?

Mi son più per el primo significato e poderia darse che ghe ne sia anche più de un.

[babatriestina]

voio e no posso : grandi aspirazioni senza mezzi direi

[Blues Briso]

In efeti xe riferido ai mezi. Un che vol dimostrar de esser quel che no xe, un che vol qualcossa che no pol permeterse. Per mi.

[Piereto]

Voio ma no poso xe una definizion che ghe demo noi a una persona, ma el direto interesato nol se acorzi de no poder , el xe un chismomi, comunque per noi el xe un poareto, e come che diseva el marchese del grillo io so io

[sono piccolo ma crescero]

Go ciapà un poco quel che xe sta dito e gomesso cusì:

Si dice di qualcuno che vuole apparire importante, grande, ma non si rende conto di non aver la possibilità di essrlo per mancanza di mezzi

[Ciancele]

Ligarsela a l dito ( sì, dito xe dedo ma no go sentido dir ligarsela al dedo)

Par mi modo de dir normale, nel senso che no ghe la pardono.

[Ciancele]

Go ciapà un poco quel che xe sta dito e go messo cusì:

Si dice di qualcuno che vuole apparire importante, grande, ma non si rende conto di non aver la possibilità di esserlo per mancanza di mezzi

A mi no me piasi quel "non si rende conto". Voio ma no poso saria par mi un blagher che conta de voler far.

[Ciancele]

No riva e no stropa xe un modo de dir tanto usà ai mii tempi. Se diseva de qualchedun che contava o diseva de poder far no so cosa, ma in verità no’l fazeva gnente. E voleva dir che no se iera sodisfati. Quela volta se contava dela mata che se gaveva sposà par la terza volta. El marì ghe fa una domanda e la mata ghe rispondi: Ti? No riva e no stropa.

[sono piccolo ma crescero]

Me xe vignù un dubio.

Masinàr -> terza persona singolar de l'indicativo presente: màsina o masìna? L'accento sula a o sula i? O come che se vol?

Mi digo màsina, ma go sentido dir masìna.

[Piereto]

Dubio amletico. Dove metemo el acento . Mi diria che va ben tuti e do. Ma po la màcina xe la piera che macìna e forse i do acenti xe per no misiar le carte in tola.

[Ciancele]

Masinàr = voce del verbo macinare? Go dovesto ‘ndar indrio col tempo (almeno setantazinque ani!) e domandarme come che disevo o sentivo dir quela volta. La solita domanda: Xe vero o me invento? Se xe vero, dirò che la coniugazion del presente me sonava cusì: Mi másimo ti te másini lu el másina noi masinémo voi masinè lori i másina. Imperativo: masína!

[sono piccolo ma crescero]

STa matina me xe ignuda in testa sta parola, perché me son rcordà de tanti anni fa, iera ancora i computer coi floppy disk de 8 pollici (dopo xe vignudi quei de 5, dopo quei de 3 e 1/2 e dopo ... i xe sparidi). Set unità fazxeva un bel rumor co le zercava qualcosa. Gavevo scrito un programma per un cliente e l'impiegata, un dopoprnzo, me telefona: "No masÌna più".

Come go anticipà, mi go sempre dito mÀsina.

Onestamente no so se l'imperativo fa masÌna.

Però caminar fa camÌna e quindi masinar doveria far masÌna. Evidentemente o xe un verbo iregolar o mÀsina xe un prestito della lingua italiana.

[babatriestina]

anche per mi màsina. Giulietta Masìna
Adesso per un'amica che con questo caldo è attivissima e corre di qua e di là, mi è venuto da commentare " ghe vol voie!" abbiamo quest'espressione?

[sono piccolo ma crescero]

No, ma se vuoi che la mettà nel vocabolario mi devi dire il suo significato perché non la conoco.

[Ciancele]

STa matina me xe ignuda in testa sta parola, perché me son rcordà de tanti anni fa, iera ancora i computer coi floppy disk de 8 pollici (dopo xe vignudi quei de 5, dopo quei de 3 e 1/2 e dopo ... i xe sparidi). Set unità fazxeva un bel rumor co le zercava qualcosa. Gavevo scrito un programma per un cliente e l'impiegata, un dopoprnzo, me telefona: "No masÌna più".

Come go anticipà, mi go sempre dito mÀsina.

Onestamente no so se l'imperativo fa masÌna.

Però caminar fa camÌna e quindi masinar doveria far masÌna. Evidentemente o xe un verbo iregolar o mÀsina xe un prestito della lingua italiana.

Confiteor. Go paura che go sbalià e che masinar xe piana solo nela prima e seconda persona plurale. Nele altre, e 'lora anca ne l'imperativo singolare, se pol dir piana e sdruciola e tute due le va ben. Lu el masína o el másina.