Teatri che no xe più

[Piereto]

Per adeso no gavemo una foto dei interni del teatro novo quel de via Giustiniano. In origine sto teatro da 600 posti el fazeva parte del progetto della casa della opera nazionale balilla.Un progetto del 1934 che se ga strasinado fina al 43 e nol xe stado mai completado. Oggi noi gavemo el fronte che da su piazza Oberdan e che xe diventada la sede della sala del consiglio regionale. Su via giustiniano iera previste quel colonnato de esili pilastri in mattoni come che xe sta realizado per el Dante Alighieri .Oggi inveze se xe proseguidi col sistema de archi che gavemo sul fronte de piazza Oberdan.

teatyro novo in lavor.jpg (55.29 KiB) Visto 6645 volte

In questa rara e stranissima foto ( ciolta in prestito da un altro forum che ringrazio publicamnete) semo nel 1946 e se vedi ben el teatro in costruzion. Par incredibile che esistesi al centro del largo giustiniano una piscina, ma in varie zone de Trieste i gaveva previsto che se le bombe dei aleati gavesi colpido anche el sistema idrico, se saria podesto cior aqua da ste vasche per spegner i incendi. Qua xe militari americani che fa el bagno. Comunque sto teatro ga avudo vita breve perchè el xe stado abatudo per farghe posto daprima de la nova sede RAI de Trieste e infine altro spazio a disposizion de la Regione. Qua nei primi anni del GMA gaveva sede una orchestra sinfonica con elementi che gaveva sonado per l'Eiar , e che poi xe confluida in quela del Verdi.

[babatriestina]

ma per bon no esisti o no gavemo foto del interno del Nuovo? mi me pareva de gaver visto..

la piscina dovessi esser sora del atuale garas, dove che xe la Penna de Mascherini

[Piereto]

Ogni tanto i se sveia, e i se inacorzi che gaveimo un auditorium , quel de via Tor Bandena, proprietà del demanio, ex sala de la questura, ex teatro, ex cine. L'entrata principale iera in via tor bandena co scalinata per rivar al punto più alto de la platea che scendeva verso el palcoscenico co una uscita de emergenza co scalinata in discesa e con porta che dava in un cortil de la questura chiuso e doprado come postegio con cancel su via del teatro romano. Ghe iera po un per de scale per salir alla galleria con altri posti a sedere . El palcoscenico iera longo ma piutosto streto, co una curva a scalini larghi che portava soto el palcoscenico e che ospitava i camerini = loculi molto bassi . El palcoscenico gaveva una uscita de emergenza che dava su un vano scale de la questura e quindi co uscita su via del teatro romano. I lavori de far per otenir el permeso de riapertura, xe quei de crear una uscita de emergenza che xe za ma che no devi eser postegio de la questura, e una uscita de emergenza del palcoscenico che devi anche questo eser indipendente da la questura e una uscita de emrgenza dai camerini che ogi no esisti e che dovesi anche questa dar verso l'esterno in strada.Po xe de far lavori de coibentazion soffitti, arredanebti novi, cabina luci e regia, insoma grose spese de impiantistica . El demanio xe disposto a spender e a rifarse de le spese sul afito ?.

[babatriestina]

la curva dei camerini soto iera, come che contavo, nati per una specie de futuro mausoleo de " eroi fascisti" ma el fascismo xe cascado prima. E chi che balava, fin che iera un scalin in palcoscenico, cascava anche come che go visto in un saggio del baletonei primi anni '60. Go balado anche mi una volta là, me par...
Articolo ogi del Picolo.