Mondiali 2026

[sono piccolo ma crescero]

Legio che Germania e Olanda xtade butade fora nela fase eliminatoria e torna a casa.

E l'italia? Podemo veder el bier mezo pien o mezo svodo;

Volemo vederlo mezo svodo? Pianzemo che l'Italia no xe rivada a entrar nele finali.

Volemo vederlo mezo pien? L'Italia ga sparagnà sula trasferta (soldi nostri in definitiva).

[Piereto]

Chi che no perdi mai xe el mondo de le ciacole. Elogi sperticai se ghe andaimo, delusioni se perdeimo ale prime partide e de novo maree de ciacole , perchè no se xe boni de veder le robe per quel che le xe. Parlemo de nazionali e dovesi eser rapresentadi chi che xe nati in sti paesi, no chi che ga ciapada la citadinanza da un per de anni solo perchè el tira do piade al balon e el xe nel giro de le compravendite . Xe muleti che gioga ben in ecelenza o in serie d, solo che dopo i sparisi. Daltrocanto za ne le squadre che porta el nome de un cità, se la va ben ghe xe solo un che xe nato in quela cità. . El resto xe oriundi sudamericani, o xe neri africani o xe croati. La croazia xe una fucina de talenti che gioga in tute le squadre europee. Adeso po co sto campionato mondial riverà de sicuro in italia qualche novo bel tipo. Insoma la UE dovesi eser contenta che germania e olanda no gioga più, perchè vol dir che no le le xe tanto sovraniste.

[sono piccolo ma crescero]

I disi che l'Italia no xe ai mondiali de balon. L'italia forsi no, ma Trieste xe sicuramente presente

CONVOCATI NELLA NAZIONALE FRANCESE AI MONDIALI DI CALCIO 2026
Portieri: Mike Maignan (Milan), Robin Risser (Lens), Brice Samba (Rennes)
Difensori: Lucas Digne (Everton), Malo Gusto (Chelsea), Lucas Hernandez (Psg), Theo Hernandez (Al-Hilal), Ibrahima Konaté (Liverpool), Jules Koundé (Barcellona), Maxence Lacroix (Crystal Palace), William Saliba (Arsenal), Dayot Upamecano (Bayern Monaco)
Centrocampisti: N'Golo Kanté (Fenerbahçe), Manu Koné (Roma), Adrien Rabiot (Milan), Aurelien Tchouameni (Real Madrid), Warren Zaïre-Emery (Psg)
Attaccanti: Maghnes Akliouche (Monaco), Bradley Barcola (Psg), Rayan Cherki (Manchester City), Ousmane Dembélé (Psg), Desiré Doué (Psg), Jean-Philippe Mateta (Crystal Palace), Kylian Mbappé (Real Madrid), Michael Olise (Bayern Monaco), Marcus Thuram (Inter)

P.S. Ringrazio chi che me ga segnalà questa simpatica coincidenza!

[babatriestina]

ogni giorno mi riprometti di guardare almeno un pezzo di partita, per farmi un'idea di come giocano e poi.. faccio altro e vado a nanna!

[sono piccolo ma crescero]

Mi no ne go vardada gnanche una, però un zogador che se ciama Barcola.... bisogna far el tifo per lu.

[Piereto]

Qualche ricerca.Xe davero sai strano ma quasi tuti i barcola abita nel Togo e el Togo nasi come una colonia tedesca. Pol eser che barcola drivi da un eror de scritura de un altro nome . opur qualche gnoco conoseva Trieste.

[Piereto]

Son rivado a la conclusion che per eser un bon giogador bisogna prima imparar a cascar per tera , po ghe vol aver un diploma al actors studio per dimenarse per tera soto atroci dolori e po saltar su come un galeto. La regola generale xe sburtoni, tinir per la maia, e zapar i pie dell'aversario. Lo fa un poco tute e do le squadre . I arbitri poi i ga i oci foderai de persuto e el più de le volte i lasa corer. El var xe meio no consultarlo. Ma la roba più indisponente xe aver dei cronisti che no te conta i nomi dei giogadori, i te parla de come che lori inveze giogasi e i se fa bei dopo aver leto una enciclopedia storica . Insoma xe meio tirar via l'audio. Quasi sempre ogni bel giogo dura sai poco . Proverbio baloner.

[babatriestina]

Co vardo una partida el audio poco servi. no xe più come quando che scoltavo ala radio tuto il calcio minuto per minuto.. se te parli d Inghilterra Argentina, per mi el arbitro vedeva e blocava, e per el resto no so se iera i inglesi che mirava più ale caviglie che al balon o i argentini che fazeva i cascadori. No bel a partida, fin che no me go stufado e son andada a dormir.

[Piereto]

Per giogar un bon calcio e andar lontan ghe vol giogo de squadra, tuti se movi in avanti o indrio, i pasagi devi eser precisi perche te sa amche a oci serai che dove te tiri xe el tuo compagno, e po ghe vol corer su e zo e anche eser in do o tre su un aversario. Questo xe el giogo de la Spagna . Dubito che sarà el giogo de l'Italia dei prosimi mondiali.

[Ciancele]

Piereto mio, te ga tanta ragion. E no solo parchè te son dela mia stesa opinion. Mi no moro de balon, mi son atletica legera, ma vardo speso partide. Quel che me fa particolarmente fastidio xe che le ale se spolpa l’anima par portar el balon vizin dela porta aversaria e là i se ferma. Davanti de lori no xe nisun. Inveze de andar avanti i pasa el balon indrio. Intanto xe rivadi anche i terzini aversari che i ghe ciapa el balon. Le ale xe ga spolmonà par gnente, anca parchè nisun (specialmente le meze ale) xe corso in avanti. Ai tempi de Piola tuto l’ataco coreva in avanti. Una volta i ga dito che el zogo devi eser più moderno e che tuti devi corer. Insoma diese in ataco e diese in difesa. Dopo i conta che la quadra ga vu el balon pal sesanta percento del tempo. No i capisi che fin che i se pasa el balon tra de lori, el balon no va in porta. Nel pugilato se vinzi anca ai punti, ma no nel balon, dove che conta solo i gol.

[Piereto]

Si, coi riva sotoporta, quasi sempre sfuma el tiro verso la rede, e i preferisi pasar indrio ne la speranza che a qualchidun ghe vegni una idea. Dove xe finidi i omenii che entra in area e se fa butar zo, e po segui el rigor ? Me sa che tuti ga paura de farse mal. Comunque l'alenador de la nazionale devi aver le man libere ne la scelta dei giogadori, e purtropo gira tanti bori percui xe un continuo ripiego. Se no xe più giogadori italiani in serie a, te li scegli in serie b o c. De sicuro xe muli che ga voia de giogar.