Go fato un giro

de Trieste, cenni storici, immagini vece e nove, ricordi..
Regole del forum
Collegamenti al regolamento del forum in varie lingue ed alle norme sulla privacy in italiano.
ffdt
Eximio
Eximio
Messaggi: 3630
Iscritto il: dom 25 dic 2005, 0:15
Località: Trieste

Go fato un giro

Messaggio da ffdt »

Iera el 19 novembre 2005 ... gavevo fato un giro ... a pie per cita` per andar a vardar l'espoxizion de i dolci tipici e me iero portado drio la machina fotografica per far un poche de foto per strada.

Xe tuto roba che gavevo publicado za su TriesteMia e ve asicuro che 'l andar a vardarme sto argomento me fa tornar in a mente piu` de un ano de vita che go pasado scrivendo in cuel logo ... e ancora me fa mal de pensarghe ... me par de andar a caminar tra le macerie de cuela che xe stada anche caxa mia ... e no ve digo de i fantaxmi che incontro e de le lagrime che i me evoca.

Fin 'deso no go avudo el coragio de ciorme de novo fora la roba che gavevo publicado la` ... perche` xe tuto robe che la se porta drio dei significati emotivi bei forti ... ma proprio per cuel motivo no poso gnanche lasarli sconti ... e cusi` adeso meto cuesto ...

Xe un giro che gavevo fato con cuela de mostrarghe a tuti de come che xe Trieste ... "amor per la cita`" gavevo scrito cuela volta ... e lo so perche` de i argomenti piu` recenti me iero tignudo la copia anche de i testi ... solo che no li copio cua cusi` come che i iera perche` no ga piu` senso ... xe cambiade tante robe ... trope robe ... :'-(

Chi che gaveva leto cuela volta sa de cos' che parlo, sa per chi che iera e sa de cuanto che son cambiado anche mi ... adeso no ghe digo piu` a nisun "vien con mi ... te porto a spaso ... te mostro come che xe Trieste adeso" ... adeso digo "eco ... te se ricordi? ... gavemo fato un bel giro ... xe stado bel" ...

Per intanto meto de novo la piantina co' 'l giro segnado per de sora ...

Immagine


ffdt
Eximio
Eximio
Messaggi: 3630
Iscritto il: dom 25 dic 2005, 0:15
Località: Trieste

Messaggio da ffdt »

Eco via Pauliana ... stago andando in zo e cuela che se vedi la` davanti xe la stazion de la meridional ... ogi i ghe dixi Trieste Centrale.

A sinistra xe el palazo Economo, cuel de la sovrintendenza a le bele arti ... a destra xe una caxa che i ga fato un cuatro ani fa ... prima iera oficine mese in costruzioni che ancora prima iera magazini e stale che le ga rexistido per tanti ani e dopo le xe stade butade via per far sta caxa nova ... le gaveva un certo fascino ... le gradele de le finestre le xe ancora in vendita de un strazariol in via udine :-)



Immagine


ffdt
Eximio
Eximio
Messaggi: 3630
Iscritto il: dom 25 dic 2005, 0:15
Località: Trieste

Messaggio da ffdt »

Eco piaza de la liberta` ... vardando verso via Cellini, che xe cuela giusto davanti. La caxa zaleta in fondo, inveze, la xe in via Ghega ma se la vedi fin de cua.

Ghe xe un lampion subito cua davanti ... poco piu` a sinistra de 'l lampion, tra i alberi, se intravedi un toco grixo ... xe de cemento e xe 'l de drio de 'l monumento a Sissi.

Immagine


ffdt
Eximio
Eximio
Messaggi: 3630
Iscritto il: dom 25 dic 2005, 0:15
Località: Trieste

Messaggio da ffdt »

A propoxito de lampion ... eco i baloni de le lampade. No xe cuele originai ... e anca el lampion el xe novo ... fin a pochi ani fa iera cuei grixi, lisi, moderni, ma per fortuna i li ga cambiadi per bel veder e i ga meso sti cua che i xe fati novi su un model piu` clasico.

Immagine


ffdt
Eximio
Eximio
Messaggi: 3630
Iscritto il: dom 25 dic 2005, 0:15
Località: Trieste

Messaggio da ffdt »

Andando un pel piu` avanti e girandose se vedi la stazion ... a sinistra se vedi "el silos" .

Immagine


ffdt
Eximio
Eximio
Messaggi: 3630
Iscritto il: dom 25 dic 2005, 0:15
Località: Trieste

Messaggio da ffdt »

Rivadi su 'l canton co' la via S. Anastaxio girandose a sinistra se vedi cusi`... un amico che 'l sta lontan el ga ricordi in sta cexa, se no me xbalio ... la cexa de S. Anastaxio, apunto. La foto la xe cuel che la xe, ma xe meio poco che no gnente.

Immagine


ffdt
Eximio
Eximio
Messaggi: 3630
Iscritto il: dom 25 dic 2005, 0:15
Località: Trieste

Messaggio da ffdt »

Sempre stando in te 'l steso punto e girandose de 180 gradi se varda de novo la piaza ... a sinistra la via Cellini ... in fondo se vedi un de i portoni de 'l punto franco vecio.

Immagine


ffdt
Eximio
Eximio
Messaggi: 3630
Iscritto il: dom 25 dic 2005, 0:15
Località: Trieste

Messaggio da ffdt »

Cua traversemo la via Cellini ... drio de i alberi xe la stazion e se intarvedi anche el monumento a Sissi.


Immagine


ffdt
Eximio
Eximio
Messaggi: 3630
Iscritto il: dom 25 dic 2005, 0:15
Località: Trieste

Messaggio da ffdt »

Ancora in piaza liberta` eco la sala Tripcovich, ex stazion de le coriere che ogi le se ferma in pian tera de 'l "silos".

Ghe xe piturado per de sora el sipario ... magari no 'l parera` un gran che ... ma mi ghe paso speso cua davanti ... lo go in te i oci e in te 'l cuor.

Immagine


ffdt
Eximio
Eximio
Messaggi: 3630
Iscritto il: dom 25 dic 2005, 0:15
Località: Trieste

Messaggio da ffdt »

Adeso lasemo piaza liberta` ... cua semo su 'l canton con corso cavour.

A sinistra se vedi el canton de la banca d'Italia ... cuel palazo in piera bianca che in alto ghe bati contro el sol ... prima iera la banca de stato de la defonta, la banca d'austria, la ga fata i Axburgo e chi che xe rivado dopo la ga trovada za bela che pronta, come tuto cua intorno. Anche el palazo a destra, che xe catasto e altri ufici de la res publica no 'l xe cusi` novo come che 'l vol far creder.

Immagine


ffdt
Eximio
Eximio
Messaggi: 3630
Iscritto il: dom 25 dic 2005, 0:15
Località: Trieste

Messaggio da ffdt »

Cua semo in corso cavour. In sta foto, fata co' 'l zoom stando la` de 'l jolly hotel, se vedi un toco de piaza duca degli abruzzi, riva 3 novembre, el teatro Verdi e se intuisi che ghe xe anche piaza Tommaseo.

In piaza Tommaseo ghe xe el cafe` Tommaxeo.

In fondo se vedi le caxe che xe su 'l cole de S. Vito ... che se no me confondo de tropo una volta i ghe dixeva "sanza" ... cuando che 'l iera ancora coverto de campagne e de ulivi ... tropo tempo fa ...

Immagine


ffdt
Eximio
Eximio
Messaggi: 3630
Iscritto il: dom 25 dic 2005, 0:15
Località: Trieste

Messaggio da ffdt »

Eco, in corso cavour, una palazina che me par che iera de la dogana ... ma no son sicuro. Adeso xe magazini.

Immagine


ffdt
Eximio
Eximio
Messaggi: 3630
Iscritto il: dom 25 dic 2005, 0:15
Località: Trieste

Messaggio da ffdt »

Cuesta xe sua sorela ... sta cua la xe restada solo che un magazin e la xe malandada.

Immagine


ffdt
Eximio
Eximio
Messaggi: 3630
Iscritto il: dom 25 dic 2005, 0:15
Località: Trieste

Messaggio da ffdt »

De stile Littorio, inveze, eco la caxa de 'l lavorador portual ... che cua la xe vista de 'l solito corso cavour.

Immagine


ffdt
Eximio
Eximio
Messaggi: 3630
Iscritto il: dom 25 dic 2005, 0:15
Località: Trieste

Messaggio da ffdt »

Andando apena un poco piu avanti se la pol veder stando in piaza duca degli abruzzi.

In sta stesa piaza ghe xe anche el palazo de le Generali, ma mi ve stago mostrando cuel che go visto mi caminando ... per veder ben el palazo de le generali gavesi dovudo andar la` de 'l distributor de benzina, che pero` no iera in te 'l giro che stavo fazendo e cusi` per adeso gnente generali.

Immagine


ffdt
Eximio
Eximio
Messaggi: 3630
Iscritto il: dom 25 dic 2005, 0:15
Località: Trieste

Messaggio da ffdt »

Cua xe el canal e palazo Carciotti visti de 'l canton tra via Rossini e piaza duca degli abruzzi ... el xe una caxa granda ... la ciapa tuto 'l ixolato.

In te la parte davanti de palazo Carcioti ghe iera la capitaneria de porto per tanti ani, ma de cuando che i ghe ga fato i ufici novi in te 'l idroscalo i xe andai via e adeso el xe xvodo.

In te la parte de drio iera ufici de l'ACEGA ... adeso i ghe lavora dentro per rimeterlo in sesto ma no so a che punto che i xe rivadi.

Immagine


ffdt
Eximio
Eximio
Messaggi: 3630
Iscritto il: dom 25 dic 2005, 0:15
Località: Trieste

Messaggio da ffdt »

Cua xe el canal ... a sinistra via Rossini, a destra via Bellini, davanti el ponte "roso" su via Roma, in fondo S. Antonio novo.

Immagine


ffdt
Eximio
Eximio
Messaggi: 3630
Iscritto il: dom 25 dic 2005, 0:15
Località: Trieste

Messaggio da ffdt »

Cuando che la go scatada go avudo un' impresion ... intanto che fazevo la foto me xe vignudo in a mente el discorso de 'l canal che 'l xe un aprodo ... un logo de indove che se parti ma anche indove che se riva ... e lo gavevo scrito in t'un post de 'l MittelcioK ... e lo go riportado tale e cuale perche` el me iera importante ... el xe cua https://www.atrieste.eu/Forum3/viewtopic ... rt=30#1067 ben ... visto de cua cuela volta el me ga fato vignir in a mente che xe un posto indove che se riva ... a destra e a sinistra se intravedi le bite ... e cusi` ghe go fato ancora cualche foto ...

Cuesta, ciapada co' 'l zoom stando sempre su 'l ponte "verde" rente de piaza duca degli abruzzi ...

Immagine


ffdt
Eximio
Eximio
Messaggi: 3630
Iscritto il: dom 25 dic 2005, 0:15
Località: Trieste

Messaggio da ffdt »

E dopo ancora un ingrandimento ... come se fusimo in canal ... che stasimo andando verso S. Antonio novo ... come cuei che i riva ...

Immagine


ffdt
Eximio
Eximio
Messaggi: 3630
Iscritto il: dom 25 dic 2005, 0:15
Località: Trieste

Messaggio da ffdt »

Via Rossini ... cuela volta gavevo scrito "le bite che de cualche parte de sto canal le xe ancora che le speta ... le speta perche` le ga fiducia e le sa robe che noi gnanca no se imaginemo ... ve le mostro con piazer ... se le speta lore poso ben spetar anche mi" ... adeso no lo scrivesi piu` ... lo go meso solo per cronaca e per ricordo de un momento

Immagine


Torna a “Quartieri e rioni”