I misteri d'Italia

[rofizal]

Digo subito che no intendo verzer un topic sula lege finanziaria, no go intenzion de far discusioni feroci su internet, voio viver in paze con tuti, indipendentemente dal fato che i la pensi come mi o meno. Anche per questo verzo sto argomento su questo forum e no su altri, perché xe el forum più tranquilo che conoso, meno schierado, almeno credo.

Bon, alora de cosa voio parlar?
De una roba molto semplice. La lege finanziaria comincia i sui efeti con l'anno novo. Sui vari media xe l'argomento del giorno. Go vardado alora su internet sui vari forum, anche zercando con Google e no go trovado quasi niente, quasi sempre roba sai vecia e pseudo forum. Me par sai strano.

Epur se discuti dapertuto dei argomenti più scotanti, anche de quei più delicati, ma dela finanziaria no. A cosa pensé che sia dovudo?

No steme dir che tuti ghe va ben, anzi. E alora? Censura? Paura de parlarghene? Disinterese? Controlo dei mass media? Argomento tropo delicato? Tuti ga la coscienza sporca? Altre ragioni?

Gavesi podù meter un sondagio, ma semo in pochi, saria poco significativo. Ma basta sentir qualche parer.

[babatriestina]

finora la finanziaria , de come che la xe stada presentada sui giornai ( no vardo TV) me ga parso solo come un campo de battaglia fra i due schieramenti.
Comunque ieri , in letto con l'influenza, legevo veci libri de casa, e in questi go trovado un passo de una lettera del 23 giugno 1919, quasi 100 anni fa, del futuro ministro inglese Baldwin, che deprecava le spese del momento, fazeva un'offerta personal de soldi , e contegniva le seguenti frasi che me ga parso estremamente attuali:
E' così facile divertirsi, è così difficile imparare che non si può divertirsi in eterno, senza mai lavorare. il paradiso degli sciocchi non è che l'anticamera di un inferno di sciocchi. Come si può far comprendere alla nazione la gravità dell'attuale situazione finanziaria, e che l'amor di patria dev'essere più forte dell'amor del denaro? Forse con l'esempio soltanto, e le classi abbienti hanno oggi una possibilità di collaborazione che forse non si ripresenterà mai più
( da Iles Brody Via coi Windsor)

PS Un gran saggio forumista de Triestemia me ga dito una volta più o meno cussì: Un forum su Trieste xe un posto per ciacolar de Trieste. Se me iscrivo a una società de bocce me speto de trovar gente che ghe piasi zogar a bocce, se i comincia a voler zogar al tiro col arco , me gavessi iscritto ala società de tiro col arco. No tuti qua ghe interessa la politica italiana, anche perchè no tuti sta qua, o magari i preferissi discuterghene sui vari forum de politica.
E po la Finanziaria o se la discuti del punto de vista politico, e finissi a Viva i nostri - Abbasso i altri! o ghe vol gaver competenze de economia politica che no tuti ga, mi per prima.

[Nona Picia]

penso che dela finanziaria nessun vol parlar per più de un motivo:
1°se solo se ghe pensa, vien za el mal de panza,
2° per parlar ghe vol saverlo far,
3°forsi no se ghe ne parla per no scadenar polemiche o baruffe.

[rofizal]

E po la Finanziaria o se la discuti del punto de vista politico, e finissi a Viva i nostri - Abbasso i altri! o ghe vol gaver competenze de economia politica che no tuti ga, mi per prima.

Ma mi no domandavo perché no se la discuti qua, ma perché secondo voi no i la discuti in rete.
Comunque Nona Picia un'opinion su questa question me par la gabi dada.

[mulomato]

penso che dela finanziaria nessun vol parlar per più de un motivo:
1°se solo se ghe pensa, vien za el mal de panza,
2° per parlar ghe vol saverlo far,
3°forsi no se ghe ne parla per no scadenar polemiche o baruffe.

E mi zonteria che no tuti ga ancora le idee ciare, visto i 3000 cambiamenti che i ga fato.

Mi per el momento digo solo..... brute parole (tra mi e mi.... no in forum )

Figurite che oggi son andà dal dotor per farme la richiesta de esami del sangue. El me ga dito che con i aumenti del tiket pe'l momento posso andar anche in privato perchè i vien costar el stesso prezzo ..... adesso fe voi

[AdlerTS]

Credo che i più non ghe ne parli perché per analizzarla seriamente ghe vol delle competenze che non tutti ga, quindi el tutto se ridurria a convinzioni de partito o frasi pratiche tipo "non go più gnanca un in tasca".

[AdlerTS]

Rof,

te ga fato caso ai dati che i ga dado l'altro giorno per quel che riguarda el quirinale ? A parte che i pianzeva el morto perché i disi che con i suoi 218.000 e roti euro a l'anno sto presidente ciapa in proporzion meno de quei dei anni 60 (sto euro !), ma quel che dovessi far imbestialir tutti xe che i scriveva che tutti quei che lavora a vario titolo per el quirinale (credo de non aver capido mal) ga 4 anni de contributi premio ogni 1 che i lavora. E io pago !

[Golfoblu]

Per motivi ovvi quel poco che so, xe per curiosità e meno per interesse diretto. Però troveria interessante sentir qualche spunto o anche opinioni dei diversi forumisti. Magari podesimo far comparazioni con sta parte del mondo e veder che l'aministrazion publica no xe cussi diferente.

[refolo]

www.rdbcub.it/finanziaria



Maria aka Refolo

[snif]

go clicà e se vedi questo:

404 Missing

go ri- clicà e...

404 Missing

404 + 404 fa 808...o me son sbaglià de novo?

[refolo]

ALLA FURLANA! N A N E !

Maria aka refolo

[Nona Picia]

go clicà e se vedi questo:

404 Missing

go ri- clicà e...

404 Missing

404 + 404 fa 808...o me son sbaglià de novo?

Credo de aver sbaglià anche mi:

404 Missing

[Bilbo]

finanziaria in powerpoint e in pfd

Finanziaria 2007

Finanziaria in html

Finanziaria 2007

[refolo]

ONLY DOUBLE CLICK!!!!!!!!!!!!!!!!!!!!

maria aka refolo

[rofizal]

Mi su finaziaria (e altro) xe meio che no parlo...

Ogi scoltavo per radio (RAI) quela dela nova lege - i sta per aprovarla - sui cognomi. Ai fioi se ghe poderà dar quel de la mamma o del papà.

Ala domanda
"E se no i se meti d'acordo?"
xe stada la risposta
"Alora va mesi tuti e due i cognomi" (de uficio credo)

Così gaveremo
Mario Bianchi Rossi
che poi sposandose, metemo, con una
Maria Verdi Gialli
se i gaverà dei fioi e ancora no se meti d'acordo, i fioi sarà:
Giuseppe Bianchi Rossi Verdi Gialli
e cusì via!!

Senza contar che magari se podesi aver, in caso de do fioi, per comune acordo, un fio
Mario Bianchi
e uno
Maria Rossi
tanto per far contenti ambedue i genitori. Che poi i due fradei sia proprio tali... che volerà far studi e ricerche.

Se queste no xe paiazade... meio che tazo... dai.

[Nona Picia]

Sarà le paiazade-realtà del futuro!

[Golfoblu]

.................se i gaverà dei fioi e ancora no se meti d'acordo, i fioi sarà:
Giuseppe Bianchi Rossi Verdi Gialli
e cusì via!!

Senza contar che magari se podesi aver, in caso de do fioi, per comune acordo, un fio
Mario Bianchi
e uno
Maria Rossi
tanto per far contenti ambedue i genitori. Che poi i due fradei sia proprio tali... che volerà far studi e ricerche.

Se queste no xe paiazade... meio che tazo... dai.

Nel mio post intendevo proprio questo, no se ciacola dela finanziaria ma vien fora ste " leggi sui generis ".
Legio e per mi niente de novo. In sto paese " dei balocchi " sta storia dei cognomi missiadi esisti da sempre. Un esempio lo gavè coi zogadori de sto paese, quando i cita el vero nome e cognome, inveze del " apelido " ( Cafu, Kaka, Dida ecc. ) tanto comun de ste parti.

Spiegando meio, sucedi come spiegado da Rofizal:

Quando nassi un picio i genitori lo registra con i cognomi dei due, in genere con uno dei due cognomi che i genitori ga.

Quando due se sposa, in genere el marì ghe concedi uno dei sui cognomi ala moglie e ela, per no star con tre, la cava via uno a sua scelta.

Insoma una grandissima paiazada.........

[refolo]

Prima de tutto, domando scusa a nonna picia, e anche a sniff (sebben nol me piasi), anche se el web-site che go' scritto el xe giusto.

La ragion che vien fora 404 o doppio xe che gavere un prottetor del Virus che non permetti de verzer.

A mi me ga' toca' su tante robe, la roba piu' semplice xe de andar sul Google e scriver
la finanziaria de trieste...se verzi makaco e ve leggere anche delle altre citta' d'Italia. I sta missiando dal 2003, senza combinar niente.

Per Golfoblu'....devo spiegar che la ragione che me go' tegnudo el mio cognome de nubile cioe' Adami-Zanier xe perche' me go' sposa' in Australia, e go' dovesto per la legge far saver chi che xe la moglie
del sudetto Riccardo , che sel dovessi mancarme la sua pension de credo 80% la sara' per la signora Adami...... (Pension Italiana). In Australia non smetti de aver el cognome del mari' In Italia diventa vedova.

Questa legge noi la ga fatta l'Italia questo xe vegnu' fora per tutti quei che scondi, come per esempio xe numeri telefonici che non son capace de rintracciar, perche' se vedi che a Trieste i metti sotto el nome della moglie per pagar de meno. E questo me lo ga' conta' mia cugina,
mi non savevo el suo cognome de prima, son stada 16 anni per scoprir sto mistero.

Conossevo tante donne che le conviveva dopo vedove per non perder la pension, questo succedi per tutto el mondo anche qua'in Australia.
E come che se diseva, non so' se lo use ancora? "" I vol la moglie imbriaga e la botte piena"" nessun me paga i mii debiti sotto un nick's.

Maria aka refolo

[snif]

e anche a sniff (sebben nol me piasi),

sopraviverò a questa triste notizia.

[Ursus Canadiensis]

e anche a sniff (sebben nol me piasi),

sopraviverò a questa triste notizia.

Se te vol un fazoletin e un baseto...

Orso