carneval de muja

[fluido]

ciao a tutti,
volevo avvertir che dopo l'esperimento dell'anno scorso anche sto anno mando in diretta sul web la sfilata del 18 febraio del careval de muja, questa volta in via uficial.
oviamente no xè dedicado a chi vivi da ste parti, perché pol venir vederlo dal vivo che xè tuto un'altra roba, ma a chi xè più lontan (america, australia etc.) cussì se pol veder un poca de alegria nostrana.

l'indirizzo xè www.muja.it e la direta partirà con l'inizio dela sfilata, in caso de maltempo sarà rinviada ala domenica dopo.

un saluto a tuti quei che xè lontan de casa

fluido

ps: al moderator: no voio far cross posting ma se poderia metterlo da qualche parte cussì da avvertir più zente posibile, specialmente chi xè lontan

pps: se qualchedun vol contatarme per i detagli etc che me scrivi pur su info[at]rvnet.eu

[ffdt]

te meto un link in salotin che la` de solito legi tuti

[fluido]

grazie,
no volevo meter in salotin per non eser OT

grazie ancora
fluido

[AdlerTS]

Una curiosità: a Servola esisti ancora Carneval ? Co jero picio i me portava a veder quel, ma adesso xe tanto tempo che non sento più parlarghene.

[ffdt]

[...]no volevo meter in salotin per non eser OT[...]

in salotin no ghe xe gnente che sia OT perche` xe tuto che xe OT ;-D ;-D ;-D ;-D ;-D ma 'l xe un logo fato a posta per cuel ;-D ;-D ;-D ;-D

comuncue te lo ga meso giusto soto "eventi" ... ... ben fata

[Nona Picia]

Una curiosità: a Servola esisti ancora Carneval ? Co jero picio i me portava a veder quel, ma adesso xe tanto tempo che non sento più parlarghene.

Che mi sapio sì.

[Golfoblu]

Ciacolando de carneval, me ricordo che una volta go partecipado a una de quele sfilate che i fazeva in cità con carri e maschere, se me ricordo ben nel '58 - '59. Go un per de foto de quela volta, vedo de meterle qua.

Mama sempre me fazeva qualche costume per carneval, e la me portava al'Union de Istriani ( vizin dove abita Beta ? ).

[snif]

Anche a mi, i me ga portà là una volta. ...ma jera tuti cussì tristi.
Mama no la ga voludo spiegarme el perchè, ...e alora semo andai su a Servola.
Che forsi xe sta anche pezo.
Tuti quei mati imbriaghi vestidi de baba.... Dai, disemo la verità, co te son picio,
quele mascheraze, un poco de paura le te fa.

[babatriestina]

mi me spaventava a morte, in Vial, quei vestidi de morti col teschio... solo vederli de lontan scampavo via terorizzada.. e po andavo ale feste de carneval dela Ginnastica triestina

[ffdt]

[...]quei vestidi de morti col teschio[...]

un giro ierimo in piazza granda e iera un muleto co' una maschera simile ... e 'l teschio el iera sai bruto anca ... cuela volta la fia piu` granda la gavera` avesto un do ani e c'o la lo ga visto la ga ciapado una paura che no ve so dir ... fin che no 'l xe andado via la lo cucava de lontan per eser sicura che no 'l ghe rivi a rente e la se scondeva drio de noi ... povera ... proprio sai paura la ga ciapado ...

e no la ga iutada gnanca che noi ghe gavemo dito che iera una maschera e che dopo el muleto el se gabi cavado via sto teschio ... ela la gaveva paura isteso e c'o 'l iera tropo vizin la se fazeva cior in brazo

ciau

Franco

[nanaia]

in effetti, anche mi la intendo più una festa per pici: mio fio, e adesso i sui fioi, se divertiva più in piazza che in feste "tradizionali". I se diverti a butar coriandoli e serpentine. Per i costumi, Franco no butarme fora del forum , mio fio una volta ga volù quel de scheletro: pecà che all'epoca el fussi ben che balotto e nol capiva perchè ridevimo tutti