pastafasoi ha scritto:la Domus Civica non esisti più, i ga butà zo le case che sarà più o meno 2 anni e per adesso xe recintà ma, da quel che gò sentì i vol far posteggi per el stadio. Mah!!! chissà!!!
Per quei che xe lontani da Trieste: questo xe quel che resta del sito della Domus Civica.
Che tristezza, mi go abitado in Domus Civica 5 cole mula de quella volta e go passado anni splendidi. Iera un monolocale picio, tipo 2 cuori e una capanna. Zona anche pericolosetta, piena de elementi borderline, ma sul canton vizin l'edicola iera la latteria che vendeva trapa se casa sottobanco, e iera un'osteria - dove che i ga fatto un dei primi ristoranti cinesi, che gaveva un crudo sai bon e un vin sai cancheron. E iera el cine Lumiere davanti casa che nei ultimi anni dava film storici. In giardin de fronte i fazeva el festival dell'Unità, e me ricordo che se stado là che go sentì che se morto Berlinguer: no dela radio o dela television, ma dela finestra!
Bei tempi andati, sacrificadi al consumismo e ai parcheggi. Ma no i doveva ricostruir case popolari?
Un altra ragion in piu per pianzer sula morte de Tsmia. Gavevimo lá un thread con le foto de la inaugurazion, la sua storia e dele foto (ormai storiche) dela demolizion de qualche anno fa.
El buon Mario me ga mandado anche uno stralcio de un articolo del Bugiardel che spiega che el complesso jera stado tirado su nel 1936 (che però saria stado Anno XIV EF ) per acoglier le famiglie sfrattade da cita vecia quando i ga demolido le case sora el teatro romano. L'idea jera de darghe "un'accoglienza all'insegna della romanità imperiale" a sior Benito che saria vignudo a Trieste poco dopo.
Ater e la fondazion Caccia Burlo ga deciso per l'abbatimento perché per le 500 persone che podeva acoglier non ghe jera bagni, asensori, riscaldamento funzionante, ma in compenso un bel po' de amianto.
Mulo_triestino e mi savevimo che i doveva far nove case, mentre el vecio articolo parla de el solito parcheggio interrato con giardin de sora.
Ultima modifica di AdlerTS il ven 13 apr 2007, 12:49, modificato 1 volta in totale.
AdlerTS ha scritto:[...]non ghe jera bagni, asensori, riscaldamento[...]
ste cua xe tute robe che se pol meter senza necesita` de butar zo le caxe, ma se iera amianto alora in efeti forsi xe stado meio cavarle
solo che me domando una roba ... c'o i ga de far la bonifica de 'l amianto i ghe va trancuili trancuili per no romperlo e no far polveri ... come i ga fato a butar zo le caxe senza far polveri?
Probabilmente l'amianto era presente come rivestimento delle mura esterne di testa, come spesso capita di vedere ancor oggi in molte case datate. Di per sè non è nocivo, essendo la fibra "impastata" con materiale edile. Per demolire avranno prima tolto il rivestimento, poi fatto il resto (penso).
Some day you will find me,
Caught beneath the landslide
In a champagne supernova in the sky
Bonanote a tute/i, cosa? Quela porcarìa là xe restada dela Domus Civica? Anca mi, gavendo abitado par sìe ani in via Flavia 10, che la jara proprio di fronte al cine Lùmier, cioè le case proprio subito dopo la Domus (che che se jera usi ciamarla cusì) e me ricordo benisimo dela laterìa sul canton che gà nominado, mulo_triestino; anzi la siora Giuliana, molje de Rudy Kaintz, la ghe gà fato de sàntola a mia fìa Fabiana - che de secondo nome la fa Romilda, come la mama del sior Rudy e par questo la xe 'ncora rabiada co' mi - i abitava anca lori in Domus, e prima de spostarse in tel "zardin di fronte" (indove che, apunto, i fazeva le feste dell'Unità e indove ghe jera anca i sivoli e le altalene par i fìoi e anca 'na speze de buso co' la sabia parzò che i zogasi; me ricordo 'ncora cò gò portado in 'stò zardin mio fio più grando ch'el gaveva un par de mesi e mi, intanto che lù el jera in carozela, son 'ndada in altalena - nò gavevo gnanca desdoto ani - e son cascada rompendome un polso e cò son 'ndada al "Pronto Soccorso" del'ospedal "Maggiore" e i puglioti o caramba - nò me ricordo più che tipo de arma faseva de pianton là - e i me gà chiesto come che me gavevo roto el polso e mi ghe gò dito la verità e cioè che stavo 'ndando in altalena, i se gà meso a riderme sul muso come sempi: 'na, mama, sepur zovine, che la se spaca el polso 'ndando in altalena, nò jera roba te tuti i zorni!) Ghe abitava anca 'nà mia ex cognada e suo fìo Gianfranco (come el mio, i gà el steso nome e el steso cognome), che sarìa mio nipote. Mi ala Domus conosevo tante fameje, ghe ne jera una che gnanca no' me ricordo più se la gaveva 9 o 10 fìoi e proprio no' sò come che i fazeva a abitar tuti là, in 'stò monolocale, con angolo cotura, e "gabineto". Anca casa mia la jera cusì, e la fazeva parte dele "Minimissime" e, dala finestra dele scale rivavo a veder tuto el vecio stadio, me mancava de rivar a veder solo che un picio toco dela porta sinistra, 'ndano verso la Zona Industriale Sempre di fronte casa mia che jera un spiazo indove se fermava sempre el "Luna Park" e anca là ghe 'ndavo sempre, co' la scusa de compagnar mio fio Gianfranco.
Tornando ala Domus, vizin dela lateria nominada da mulo_triestino ghe jera la botega de fruta e verdura del sior Michele e sul canton - in mezo al maciapìe - l'edicola, proprio come ch'el disi lù.
Chisà, magari se gavemo anca conosudo, sarìa proprio curiosa de saver.
Bon, dopo gaverve impignido la crapa co' tute 'stè ciacole, el mio solito ciau ciau, sempre con simpatia, Lela.
Il vero "giusto" è colui che si sente sempre per metà colpevole dei misfatti altrui!