fiori ciolti de libri

[sum culex]

Domando: Se mi ciogo su col scaner alcuni fiori de Mezzena o alcuni de Sfregola o de altri libri de fiori e li meto qua, vado incontro a una violazion dei diriti de autor? Penso che no se possi far senza aver problemi: deme un consiglio.
Ciao e riciao
sum culex

[babatriestina]

Alora: per i libri recenti, adesso no stame domandar el numero esatti de anni, ma me par che i diritti d'autor casca 70 anni dopo la morte de l'autor, e se no se pol citar fin al 10% purchè sia per motivi de discussion cultural e riportando la fonte... o almeno xe circa cussì la norma...
ma soprattutto dei fiori de Sfregola, che el ga a pena rimesso in comercio una nova edizion, mi no posteria.. quei de Mezzena xe za meno recenti, ma mi finora go evitado de postarli e te sugerisso de far come mi.. vali a fotografar ti! cussì te ne conti anca quando e circa in che zona te li ga fotografai!
anche mi go tuto un erbario virtual che pensavo de postar man man.

[sum culex]

Mi go tantissime dipositive de fiori del Carso, ma le xè ssai vece (roba tra i 20 e 40 ani fa) e le ga perso intensità oltre che gaver virà anche un poco el color sul viola. Le gavessi bisogno de un bon restauro: ghe vol un futio de tempo e no so se el risultato saria otimal.
Qualcheduna la go anche in digitale, ma poche perchè stupidamente diverse le go per sbaglio cancelade e no se ga podù ricuperarle, pasienza, qualcossa farò de novo.
Qualche posto per trovar te lo posso anticipar za adesso:
La dolina grande sul monte dei pini drio el lagheto de Gropada: in primavera, dipendi de l'andamento dela stagion, se trova: crocus sul'orlo e dentro primule e bucaneve a profusion e anche l'Eritronium dens canis (dente de can) in abondanza, inveze la Fritillaria meleagris la go trovada lungo el sentier n.3 tra la strada Basoviza/Sesana e Gropada.
Anemone pulsatilla, Peonia e Ditamo no digo gnente perchè i xè bastanza comuni.
2 ani fa go trovado in un canton del parco de Miramar un'orchidea selvadiga l'Ophfrys apifera che me par che sia piutosto rara: ghe go fato un per de foto che separatamente ve mando.
Giusto sta matina mia moglie, la mia gentile signora babazza o la mia dolce una volta e mezza (ve spigherò un'altra volta perchè) la me diseva che se podessi trovarse in un per (mi penso massimo 3 o 4) de lori apassionai de flora e de foto per far qualcossa anche insieme.
Basta, la go fata tropo longa, son logorroico e prolisso.
CIAO
Sum culex

[babatriestina]

Un per de anni fa son andada a zercar el eritronium in una dolina vizin dela strada de Fernetti dove che savevo che se lo trova, e difati lo go trovado.. solo che dopo, tornando in machina, son passada a Zolla e sula strada, davanti de una casa, go trovado.. bucaneve, primole, eritroni... i mati se la ga trapiantade e se le trova sula strada! e mi che go fato tuto el giro! ben bon , almeno go fato una bela passeggiata!
la fritillaria la go trovada in april maggio sula landa del Monte Stena.
Orchidee se trova in maggio sul Concusso e vizin del a Sella del Monte Carso..e se percorè el sentiero n 3 in maggio, drio del Lanaro, Vetta Grande, M Coste.. poderè aver la fortuna de incontrar el giglio carniolico!