Miagawa

[Nona Picia]

Ogi gavemo comprà un fruto novo, almeno per noi. El se ciama MIAGAWA e el xe de forma come un'arancia, la scorza de color tra el verde scuro el giallo e l'arancio e come gusto un'insieme de tuti i agrumi conosudi. No el xe per niente mal.
El provien dela Sicilia e el xe tuto italian, almeno cussì iera scrito sul biglieto.
Qualchedun sa contarne qualcossa de più? O nissun risponderà perchè no lo conossi nissun?

[AdlerTS]

L'altro giorno quei della mensa aziendale ne li ga portadi come frutta: noi li gavemo rimandadi indrio pensando che sia mandarini troppo verdi

Che i li possi coltivar in italia, pol esser, ma che sia originali "dello stivale" dubito

[ffdt]

mi trovo citazioni de un "mandarino satsuma miagawa" ... se dopo xe dialeto sicilian alora go de studiarme de novo la geografia ;-D

j'ai trouvé des citations d'un "mandarine satsuma miagawa" ... s'il est en dialect sicilien allors je dois étudier de nouveau la géographie ;-D

I found quotations about a "satsuma mandarin miagawa" ... if it'is sicilian dialect then I must study again geography ;-D

[rofizal]

Anzituto son rivado a trova un documento pdf dela Comunità Europea, in spagnolo, ma xe bastanza ciaro e pol eser leto da tuti:
http://www.cyberagropolis.com/ficheros/ ... cision.pdf
In eso se elenca i vari alberi da fruto riconosudi. Nela parte "Pequeños cítricos" (= picoli agrumi), tra un mucio de specie anche del tuto sconosude (almeno da noi) se trova, oltre ai mandarini, sia i Miagawa che i Satsuma, quindi dovesi eser do dpecie diverse.

Ambedue i nomi sembra comunque de origine orientale, più che sicula.

A sto punto me toca farme iutar dala solita Wikipedia (guai se no ghe fosi!), version inglese, perché in quela italiana noi xe ancora rivadi a ste conoscenze.

Qua (http://en.wikipedia.org/wiki/Mandarin_orange) venio a saver anzituto che i mandarini xe prodoti principalmente in Cina (del resto el nome steso riporta a quel paese), poi da Spagna, Brasile, Giapon, Iran, Turchia, Tailandia, Egito, Argentina e Pakistan. L'Italia no figura.

I me dixi anche che el mandarin pol gaver diversi nomi, alcuni dei quali se riferisi a incroci tra i mandarini e altri agrumi. La magior parte dei mandarini xe de varietà satsuma (oltre 200 varietà), conosudi in Giapon come mikan. Una dele più conosude varietà de satsuma xe i owari. Le clementine ga però sostituido i satsuma in molti mercati e sta diventando la varietà de mandarini comerciali più importante. Esisti poi i tangor che xe un incrocio tra i mandarini e l'arancio comune, e i rangpur che invece se otien incrociando el mandarin col limon.

Andando a veder cosa i dixi per i mikan (http://en.wikipedia.org/wiki/Mikan), alias satsuma, vedemo che i xe de origine cinese (dala cità de Wenzhou, nela provincia delo Zhejiang, za 2400 anni fa), introdoti poi in Giapon. I xe ciamadi:
wenzhou migan in Cina
mikan o unshu mikan in Giapon
mandarini senza semi
satsuma in Gran Bretagna
naartjie in Africa
mandarin o tangerine in Canada
tangerine nei USA
meno frequentemente satsuma tangerine, satsuma orange, o satsuma mandarin

I mikan xe stadi portadi nei Stati Uniti nel 1876, dala provincia de Satsuma, in Giapon (de cui el loro nome).

Resta adeso de scoprir qualcosa dei miagawa, che podesi eser una derivazion dei satsuma. Vederemo se rivo a trovar qualcosa.

[rofizal]

Anzituto pregheria un MOD de coregerme el link del mesagio precedente (go usado el tasto groseto inveze che quel de URL). [MOD fato!! /MOD]

Poi go finalmente risolto el mistero!!!

El vero nome del fruto xe Miyagawa!
Miagawa xe una storpiatura, pur se usada in documeneti uficiali.
Eco alora che se trova tuto!
Penso che basti sto link http://www.prodotti-tipici-siciliani.it ... cfm?ID=398 (con foto) dove i dixi:

il Miyagawa ha provenienza dall'estremo oriente, si contano oggi diverse piantagioni anche in Sicilia. Caratterizzato da una maturazione molto precoce, a fine settembre, é una delle primizie più ricercate.
Di forma sferoidale, schiacciata ai poli, si presenta con una buccia di colore verde intenso, con una polpa di tessitura tenera di color rancia con assenza di semi.
Ibrido tra mandarino e arancia, molto precoce, quasi senza semi, buccia verde anche quando il frutto è maturo e già pigmentato al suo interno.

Con sto nome se lo trova anche su Wikipedia italian (http://it.wikipedia.org/wiki/Miyagawa):

Agrume originario del Giappone; la pianta ha una forma alborea di bassa statura, con chioma tondeggiante e fitta. La foglia è di piccole dimensioni, mentre il frutto è di forma tondeggiante, leggermente schiacciata all'estremità superiore ed inferiore, con buccia verde intenso, anche a maturazione avvenuta, ma può avere sfumature sul giallo; la polpa ha un colore arancio, simile a quella dei mandarini, ma priva di semi. Il frutto ha una maturazione precoce (fine settembre-ottobre) e risulta essere molto apprezzato come primizia.
Viene coltivata con successo anche in Sicilia.

[babatriestina]

Per chi che se interessa de arti applicate, Satsuma xe el nome de una porcellana giapponese del Ottocento molto ricercada dei antiquari e dei musei. Forsi gaveremo qualche Satsuma al nostro museo de arte oriental in Cavana

[Nona Picia]

Grazie per le informazioni, no gavevo proprio pensà de guardar in internet. Se vedi che dopo un anno e mezzo che lo uso, no go ancora imparà niente!

[Tirabaralla]

Il nome è giapponese anche ad una prima lettura, garantisco