Che fiori xe questi?

[Capuzi garbi]

Dopo la siccita` dei ultimi anni e el calor dell'atra estate che me ga mazza` diverse piante e anche due belle camelie per mancanza de acqua, senza averle piantade mi, dopo la stagion invernal/primaveril xe viniude fora ste piante.

Le foje ga el color e la consistenza dei cavoli, le ga circa un metro de alteza, i fiori ga circa un circonferenza de dieci centimetri e i petali ghe somiglia a quei de el garofano.

[Lugara]

Caspia, i xe belissimi!
No saveia dir el nome, ma visti cussì me par una varietà de garofano...
Ciao!

[babatriestina]

Mai visti!! ma ,anche se i fiori ghe somiglia ai garofani, no bati assolutemante le foie!! le foie dei garofani, in tante varietà, xe sempre sutili e longhe. E po, nela seconda foro, i bucoli par quei dei papaveri! me vegnissi de dir una particolar varietà de papaveri el color no xe usual che i papaveri xe rossi, bianchi gialli, arancion, mai visti rosa, istesso...
ti no ti te ricordi de gaver piantado/seminado gnente? cussì per saver se zercar fra specie tipiche australiane o no, te ga giardini o orti botanici vizin de casa?

va a veder questo link:
http://www.floramarittime.it/immagine.p ... &ricerca=1
e a parte el color dime se no ghe somiglia!
che vizini te ga?

[babatriestina]

No go dubbi: papaver somniferum laciniatum:
http://davesgarden.com/guides/pf/go/54234/
e guarda le immagini a destra!
http://davesgarden.com/guides/pf/showimage/11398/

el xe un parente del papavero de oppio, senza esser propio quel, tanto che i lo scambia come pianta ornamental.

[sum culex]

E po, nela seconda foto, i bucoli par quei dei papaveri!

Secondo mi quel che se vedi in centro no xè un bucolo ma un fruto de papavero; el bucolo xè quel che se vedi nela prima foto al'estrema destra.

ciao
sum culex

[Lugara]

e a parte el color dime se no ghe somiglia!
che vizini te ga?

Efetivamente...

[Capuzi garbi]

Grazie a tuti per el vostro aiuto: Gaveria imagina` che gavessi podu` esser sta de tuto meno che a una specie de papavero. Mi pensavo che i papaveri sia tuti stadi come quei che se trovava, selvadizi, nei campi, tipo quel che jera el pra` del gobo ( Anche come che dizi la canzon Papaveri e papere.)

Inveze ara la! Bon, se vedi che 'desso comincero` a comerciar in opio ! Chisa` come che se fa a tirarlo fora?

Lo sai che i papaveri son alti alti alti......

[Nona Picia]

...... e tu sei piccolino.....e tu sei piccolino....! no xe papaveri, ma fa finta che i sia

[babatriestina]

Chisa` come che se fa a tirarlo fora?.....

credo incidendo la capsule dei frutti e ingrumando el lattice che vien fora, ma po credo che bisogni raffinarlo ben. te podessi anca far el pan col Mohn che xe apunto coi semi de papavero ( quel vero rosso, credo..)

[Nona Picia]

Chisa` come che se fa a tirarlo fora?.....

credo incidendo la capsule dei frutti e ingrumando el lattice che vien fora, ma po credo che bisogni raffinarlo ben. te podessi anca far el pan col Mohn che xe apunto coi semi de papavero ( quel vero rosso, credo..)

Ieri go visto che i afganistani gratta i papaveri al'esterno del fruto per ricavar la droga, ma cossa che i fazi dopo no so.

[Nona Picia]

Un poc de primavera e un poco de autunno......

[sum culex]

La mia 'gentile signora babazza' detta anche la mia 'dolce una volta e mezza' ga fato sta foto ogi, 28 novembre, do ore fa: xè do rosete e do stecheti de physalis che la ga ingrumà in giardin poco prima proprio per far le foto sul davanzal dela finestra del sogiorno.

No ste piantar physalis in giardin: el xè infestante, el se propaga dapertuto e no se riva mai a cavarlo via completamente, proprio come la gramigna. I lampioncini rossi me piasi assai e li lasso cresser selvadighi nela parte de giardin a sud che no curo per gnente per via del sol che in quela stagion, durante el giorno, no son in grado de soportar. El giardinagio devi esser un hobby e un piazer, ma per curar quela parte d'estate dovessi alzarme ale 5 de matina per lavorar al massimo fin le 8 co là xè un poco de pmbra e no saria più un piazer nè un divertimento, ma un sacrificio e alora lasso perder.

Ciao
sum culex