Se legè oggi i due articoli sul Piccolo sula storia del palazzo RAS e del leon, xe interessanti diversi punti:
le dichiarazioni del rappresentante della Alikè Dimitri Passaro , che disi che lori ga comprado sto palazzo per 17 milioni de euro e che co i lo ga comprado no iera nissun vincolo artistico, e che la zona iera del punto de vista urbanistico B0 e no A ( cossa che voli dir, no so, speto che qualchedun me spieghi) . Quindi che lori del palazzo pol far quel che i vol ( a Trieste se disi mI pago e c***), che i ga de recuperar el investimento fazendo uffici,e che i sta preparando un rivestimento che sarà in "marmitte" ( imagino "marmette") de
gres porcellanato nero cangianti. Sì. al palazzo in piera bianca de Orsera dovessi vegnir
ricoverto de piastrelle scure! El leon el disi che i lo ga taiado aposta in 7 tochi, che el disi che el iera fatto a tochi cussì, e che i lo rimonterà nell 'atrio., perchè lassù i ga averto una finestra, che i uffici che i farà devi gaver aria. E po el zonta che
in fondo, chi xe Nordio? l'architetto è ricordato localmente, ma non è stato certo un personaggio a livello nazionale. ( Povero Umberto Nordio, credo che el se rivolti nela tomba..).
E po el loro xe un risanamento no un restauro, quindi el disi che i pol far quel che i vol...
Insomma, secondo lu de artistico de tutelar xe poco.. udienza al 4 gennaio!
Eco, questo xe un dei motivi che ghe tegno a parlar in forum de architettura triestina, che almeno qua se sapi chi che ga fato, quando e che no ne vegni el primo speculator de fora a contarne che sta roba a livelo nazional no xe gnente..
( deto fra noi, a proposito de speculazion, in quel palazzo, me contava chi che ghe abitava parecchi anni fa, i costi dei affitti RAS iera altissimi, e ala fin iera restai credo solo che uffici, i soli che podeva permetterselo, probabilmente scarigando i costi: anche adesso se parla solo che de uso uffici)
Ben, ecovelo qua in cartolina anni Quaranta-Cinquanta