Agevolata: R.I.P. - Requiescat In Pace

[sono piccolo ma crescero]

Se disi ossimoro un giro de parole che ga dentro due contrari. Per esempio, sul classico, "la natura discorde delle cose" o anche "assordante silenzio"; in politica, Aldo Moro parlava de "convergenze parallele" tra DC e PCI; in informatica gavemo la "realtà virtuale", e cusì via.

Me pareva giusto, allora, metter nel futuro de Trieste i veci buoni della benzina agevolata che go trovà ieri sera.



Riuscirà Trieste a sopravviver 'desso che no la la xe più? Migliorerà la qualità de 'l aria? 'Ndaremo più a pie e viveremo de più? O tutto 'ndarà a remengo definitivamente?

Speremo de no! Cosa podemo far oltre che pianzer?

[Bilbo]

Riuscirà Trieste a sopravviver 'desso che no la la xe più?

sicuramente sì

Migliorerà la qualità de 'l aria?

su questo go i mi seri dubi

'Ndaremo più a pie

questo no de sicuro....

e viveremo de più?

no credo che questo dipendi dai buoni benzina.....

Cosa podemo far oltre che pianzer?

meter la man al tacuin.....

[Nona Picia]

Cosa podemo far oltre che pianzer?

meter la man al tacuin.....

O butar via la machina e cior l'autobus o el tram de S. Francesco.......

[babatriestina]

se podeva meter anche nela sezion trasporti... ( ga parlado el moderator)
Per cominciar, dopreremo la regional, fin che xe quela. Po, se convien, anderemo a far benzina in Slovenia, se no la cresserà anche là, se faremo ( se ne parerà conveniente) la tessera del bus, se moveremo a pie- ma mi fazzo za. Con quel che costa i parcheggi..
la magior parte dei triestini continuerà a pagar, a cior l'auto per andar del tabachin, e soprattutto co piovi, a pianzer che tuto costa caro e chissà che soto l'Austria la benzina costava un bianco e un nero (o un gialo e un nero?) , per no dir el TLT che i te la tirava drio, pecà che nel TLT pochi gaveva l'auto . e che come sempre anche questo i ne ga cavado!
Mi no go mai capido perchè, in tuto el mondo co piovi la gente verzi el ombrela, ma qua a Trieste par che inveze tuti salti in machina e cominci a girar!

[Nona Picia]

Trieste xe taaaantoooo vasta! Le distanze xe assssssai forti! No se ga tempo de cior l'autobus o fa una caminada fin in cità. Xer trooooopoooodistante!

[cenerentola82]

Trieste xe taaaantoooo vasta! Le distanze xe assssssai forti! No se ga tempo de cior l'autobus o fa una caminada fin in cità. Xer trooooopoooodistante!

Eh gia.
Xe gente che co xe in cusina ciol l'auto per 'ndar in bagno pissar.

[Nona Picia]

Eh gia.
Xe gente che co xe in cusina ciol l'auto per 'ndar in bagno pissar.

Chissà come che i fa per andar a dormir!

[babatriestina]

Chissà come che i fa per andar a dormir!

i la parcheggia soto el leto?

[Bilbo]

Eh gia.
Xe gente che co xe in cusina ciol l'auto per 'ndar in bagno pissar.

Chissà come che i fa per andar a dormir!

i ciol el camper......

[Nona Picia]

Eh gia.
Xe gente che co xe in cusina ciol l'auto per 'ndar in bagno pissar.

Chissà come che i fa per andar a dormir!

i ciol el camper......

Resta sempre el problema de parchegiar la machina soto el leto del camper.....

[AdlerTS]

Bellisimi i buoni veci, non me li ricordavo più !
Per el resto, gavemo sempre savudo che prima o poi i saria finidi, anche se l'italia xe piena de robe temporaneamente definitive o definitivamente provvisorie. Credo che più che el prezzo della benzina, se pol cambiar le abitudini della gente in tema de movimentazion urbana solo modificando le zone pedonali e fazendo applicar le leggi già esistenti in tema de sosta selvaggia. Non stè contar sulla bona volontà della gente perché credo che ghe ne sia ben poca in giro.

[ffdt]

[...] 'desso che no la la xe più?[...]

come che me ga parso che c'o i la ga istituida la gente ga tacado a doprar 'l auto 10 volte de piu` cusi` me da` l'anda che adeso i la dopra 10 volte de meno ... o me fa i oci, o i xe ancora tuti in ferie o no xe piu` auti in giro mi dopravo poco 'l auto (che xe scomodo) c'o iera l'agevolada e la doprero` poco anca adeso ... la diferenza xe che cuel poco me costera` de piu`
comme il me semblait que quand ils l'ont établi on a commencé à utiliser la voiture 10 fois en plus, de la même façon il me semble que maintenant on l'utilise 10 fois moins ... ou qu'il s'agit d'une blague de mes yeux, ou ils sont tous encore en vacances ou il n'y a plus de voitures autour j'utilisais peu la voiture (car il est peu pratique) quand nous avions l'essence facilitée et je l'utiliserai peu même maintenant ... la différence est que cette petite utilisation me coûtera plus
like it seemed to me that when they have established it people began to use the cars 10 times more, in the same way it seems to me that now they are been using them 10 times less ... or is a joke of my eyes, or they are all still on vacation or there are no more cars around I used the car not much (because it is inconvenient) when there was the facilitated petrol and I'll don't use it much even now ... the difference is that this little use will cost me more

[Nona Picia]

Noi la gavemo sempre solo doprada per andar fora cità. Rarissimamente la usavimo per traversar el centro, quando mia mama stava ancora a Roian. E se gavevimo de cior pachi grossi, prima andavimo a pie a comprar e dopo mio marì tornava a casa a cior la machina e el me ingrumava. In cità de solito andemo a piedi, visto che la xe cussì grande e praticamente se riva presto in tuto el centro. Al bagno vado con l'autobus e se me pesa la borsa al ritorno, mio marì ciol el bus e el vien a ciorme e insieme se femo la pasegiata al ritorno. No nego che a volte volessi che el me vegnissi a cior in machina, specie se xe de portar la picia a casa sua.....ma caminar fa ben!

[rofizal]

Mi xe de secoli (no savevi che go de poco festegiado i 584 anni?) che no uso l'auto in cità, se non per traversarla, quando no poso proprio far a meno, per uscir dala stesa. Se devo andar a cior pachi grosi.... vado in un negozio in periferia.

In cità me sposto - de rado - con le do riode: veloci, pratiche e le consuma poco. L'autobus ghe lo laso a chi lo ama: costo esagerado, gente che sburta, mati che ruba, spuza, ecc. E poi ghe meti una eternità per rivar, no xe solo el trafico, ma anche le fermade. No son una mula, ma go poi paura che ogi i "palpa" anche i masci.
Diferente xe se saria una metropolitana, ma per una cità picia come la nostra no credo gabi molto senso.

I ga tirà via i buoni benzina, la gente va za a far benzina in Slovenia, chi ghe rimeti sarà solo i pigri (come mi, ma prima o poi me adeguo) e i benzinari. Tanto i ghe ne ga seradi el 80% e in pochi i resta.
I ga tirà via i buoni benzina... ma i ga meso incentivi per l'auto! Diria che no ga sai logica, come sempre. Me par che la FIAT no sia più in crisi, e alora? Do auto al posto de una, me par anche la consegna de un auto senza comprar nisuna. Me imagino quanti imbroiezi che ghe sarà. Ma questa xe l'Italia...

Dito per inciso, mi viagio bastanza in auto, per uscir dala cità, ma no gavesi alternative se no cior autobus + treno + caminada e... partir el giorno prima. Ma no per niente qualche anno fa go cambiado auto proprio per cior una che consumasi de meno (e diesel, solo che adeso el diesel costa come la benzina).

Ah, i me ga dito che in Slovenia se trova diesel a quasi metà prezo. No so se xe roba per uso agricolo o cosa. Qualchedun la ga provada? Se buta via l'auto dopo 100 km o se pol usarla?

[Nona Picia]

Mi xe de secoli (no savevi che go de poco festegiado i 584 anni?) che no uso l'auto in cità, se non per traversarla, quando no poso proprio far a meno, per uscir dala stesa. Se devo andar a cior pachi grosi.... vado in un negozio in periferia.

In cità me sposto - de rado - con le do riode: veloci, pratiche e le consuma poco. L'autobus ghe lo laso a chi lo ama: costo esagerado, gente che sburta, mati che ruba, spuza, ecc. E poi ghe meti una eternità per rivar, no xe solo el trafico, ma anche le fermade. No son una mula, ma go poi paura che ogi i "palpa" anche i masci.

Adesso andemo anche noi in periferia a cior robe più grosse, ma per el resto ....caval de S.Francesco e autobus, che i xe meno tragici de quel che sembra
e con un poco de atenzion e magari un bel s'ciafon, come che go fato mi una volta,e la me xe andada anche ben, e te se la cavi ben anche senza l'auto o el motorin. La gente ga tropi pregiudizi per que che riguarda i mezzi publici!

[babatriestina]

anche mi dopro el autobus, e la sola roba che stago atenta xe che la borsetta sia serada. El resto... ma chi te vol che vardi le vece babe come mi?
e inveze xe comodo, che no se ga de inervosirse e perder tempo a zercar parcheggio, e per el trafico, i nervi se ghe li lassa al autista, che xe pagado anca per quel!

[macondo]

Qua saria bel, per noi che vivemo al estero, che qualche dun ne spiegasi come funziona el servizio urbano a Trieste. Me imagino che zercando sul internet, mi podessi trovar tutte le informazioni necessarie. Ma preferiso che qualche usuario me comentassi con parole proprie le esperienze.

1) Qual xe la tarifa per un viagio semplice? Ghe xe dei prezi speciali, tipo andata e ritorno, giornaliero su tute le linee, - 16 e/o +60/65 anni, abonamenti setimanali/mensili/trimestrali, ecc ecc?

2) Qual xe la frequenza tipica in una linea normal? Ogni 15/20 minuti o piú? E i rispeta i orari? Xe facile trovar i orari, magari ale fermate?

3) Che genere de copertura ga el servizio urbano? Disemo, se pol rivar in qualsiasi parte dela citá senza dover caminar piú de 500 metri dala fermata piú vicina?

4) A parte le ore de punta (8-9, 18-19), xe i autobus sovraffolai (dificile de trovar un posto sentado e assai streti quei che sta de pie)?

[babatriestina]

Qua saria bel, per noi che vivemo al estero, che qualche dun ne spiegasi come funziona el servizio urbano a Trieste. Me imagino che zercando sul internet, mi podessi trovar tutte le informazioni necessarie. Ma preferiso che qualche usuario me comentassi con parole proprie le esperienze.

http://www.triestetrasporti.it/ttspa/cm ... /index.php
nonchè
http://it.wikipedia.org/wiki/Trieste_Trasporti

1) Qual xe la tarifa per un viagio semplice? Ghe xe dei prezi speciali, tipo andata e ritorno, giornaliero su tute le linee, - 16 e/o +60/65 anni, abonamenti setimanali/mensili/trimestrali, ecc ecc?

un biglietto ( 1 ora) costa 1 euro, un pluricorse : 10 corse costa 9 euro e domeniche e giorni de festa dura 4 ore, e xe quei che dopro mi, che no dopro tanto el bus.
Po ghe xe el abonamento mensile, che pol esser su una linea o su tutta la rede, e xe quel che dopra quei che dopra el autobus almeno 2 volte al giorno, e xe euro 26, 30, esisti anche abbonamenti quindicinale e annuali. xe tuto in ciaro e aggiornado sul sito che go messo el primo link.
I biglietti se compra in edicola, in tabachin e anche in distributori self service in alcune fermate

2) Qual xe la frequenza tipica in una linea normal? Ogni 15/20 minuti o piú? E i rispeta i orari? Xe facile trovar i orari, magari ale fermate?

dificile dir un valor per tute, ma le frequenze più usuali sule linee più comuni ( 6-9-10-11-29...) xe sui 10 minuti in media, più frequenti le ore de punta e meno le altre ore.
Ale 9 pian pianin le linee se sera e resta 4 linee A B C D che fa un viaggio ogni mezz'ora fin mezzanotte. Po dormi tuti ( o i va in macchina) e se ricomincia ala mattina presto.
Le domeniche le linee xe meno frequenti, in genere.

3) Che genere de copertura ga el servizio urbano? Disemo, se pol rivar in qualsiasi parte dela citá senza dover caminar piú de 500 metri dala fermata piú vicina?

Ghe xe piantine distribuide ogni anno col Piccolo, insieme col orario completo. ovvio che in centro xe fittissimo e fora centro no, ma no savessi risponder, forsi qualche altro sa meo de mi
Sbriso xe el colegamento col altipiano, frequenze sula ventina de minuti e giri molto longhi, Solo Opcina fra tram (e suo sostituto bus 2) e autobus n 4 ga una corsa ogni 10 minuti, se no me sbaglio. Basovizza e Prosecco no xe mal colegade ( ogni 20 minuti circa ) e Muggia ga una bona linea, la 20.
manca una vera linea sula Costiera, xe za le linee per Monfalcon. Poco soddisfacenti, a mio avviso, le navette per l'aeroporto de Ronchi: se no se beca un diretto, xe un'ora o quasi de tragitto con autobus de linea,a nche se xe un per de anni che no ghe vado. Ma semo za fora dei trasporti urbani propriamente detti.

4) A parte le ore de punta (8-9, 18-19), xe i autobus sovraffolai (dificile de trovar un posto sentado e assai streti quei che sta de pie)?

fora dele ore de punta, mi diria de no, anche grazie ai doppi snodai.

I ultimi autobus ga dentro el display luminoso dele fermate, utile per chi che no conossi la linea; le fermate no ga sempre chioschi o sedili per spetar ( a differenza per esempio dei autobus de Parigi!) e men che meno un avviso luminoso de quando che ariverà el prossimo autobus. De solito sui pai dele fermate xe affissi i orari. Grossi ritardi mi no me son acorta. Pol nasser problemi de domenica sule linee de Barcola, e che i sia cussì strapieni de no rivar a entrar.

[macondo]

Me par che gavemo un servizio moderno e a prezi ragionevoli.

L'unica robe che no capiso xe la diferenza tra "intera rete pluricorse-60 minuti" a €9 e "Giornaliero Rete" a €3.35. No xe lo stesso?

PS. Forsi go capido A €9 i vendi un blocheto de 10 corse che se pol usar in diferenti giorni.....

[Nona Picia]

Me par che gavemo un servizio moderno e a prezi ragionevoli.

L'unica robe che no capiso xe la diferenza tra "intera rete pluricorse-60 minuti" a €9 e "Giornaliero Rete" a €3.35. No xe lo stesso?

PS. Forsi go capido A €9 i vendi un blocheto de 10 corse che se pol usar in diferenti giorni.....

El biglieto singolo pluricorse nel giro de un'ora (come diseva BT de domenica el dura 4 ore)costa 1 euro se te compri el blocheto de dieci te paghi solo 9 euro El giornaliero rete costa circa 4 euro e el xe valido per 1 giorno. La rete costa 2620 circa e la tessera per una linea 15 o 16 no so esatto perchè no uso.