Un per de giorni fa go compagnà non picia al polo cardiologico de Catinara per una prova e oltra el guard-rail del parchegio go visto i fiori giali dela Tussilago; no gavevo la machina per far foto e son tornà el giorno dopo.
Son saltà oltra el guard-rail verso l'orlo dela scarpada e questo xè el risultato
La Tussilago farfara
Pur in sta stagion, vista la bela e tiepida giornada, iera un'ape che zercava nettare
Tussilago perchè i disi che el decotto dovessi cavar la tosse ( ma mi no me fidassi), ma la xe cocola perchè con quel giallo la annuncia la primavera. Anche mi go visto un calabron un per de giorni fa.. mah.. i prevedi piovazza sabato e bora domenica, tanto per far gioir quei in maschera..
"mi credo che i scrivi sta roba per insempiar la gente" ( La Cittadella)
Più in zo sula scarpada, la xè piutosto ripida e no me son fidà de andar più vizin, xè un mucio de fiori sechi de cardi. Forsi Cardus nutans, ma de lontan e cussì suti no se capiva.
A proposito de flora:
In giardin me xe spuntà i crocus el el primo narciso trombon e fin qua tuto normale, ma anche due ciclamini che go in terra da un tre anni e che de solito fiorisci in agosto!
Ciao ciao
Trova un minuto per pensare, trova un minuto per pregare,
trova un minuto per ridere.
"MADRE TERESA"
"La Mama l’è talmen un tesor de valur che l’ha vorüda anche Noster Signur" .....
anche mi crochi, i gialli za de una settimana e ieri ga cominciado i bianchi, e i primi narcisi, oltre ai bucaneve, se intendi.
per i ciclamini, grande xe stada la mia meraviglia una volta in primavera a Lussin, che go trovado ciclamini in fior!! che mi li go sempre visti in fior in agosto/settembre. Go zercado sui libri dei fiori, e go visto che ghe xe un per de varietà a fioritura primaveril... te sarà arivado un de quei.. mi go provado a piantarghene un del genere, ma in sti giorni no vedo gnente. El autunnale ga ancora le foie.
"mi credo che i scrivi sta roba per insempiar la gente" ( La Cittadella)
Quel ciclamin xe zà un per de anni che el xe in tera. Ma xe la prima volta che el fiorisci in febraio. E ve ricordè la margherita che ve go mostrà giorni fa? La xe piena de fioreti! Mentre la pianta madre xe sempre tuta verde!
Ciao ciao
Trova un minuto per pensare, trova un minuto per pregare,
trova un minuto per ridere.
"MADRE TERESA"
"La Mama l’è talmen un tesor de valur che l’ha vorüda anche Noster Signur" .....