La Salamandra pezzata (Salamandra salamandra) xe molto variabile, tanto che in casi ecezionali le mace pol quasi mancar: quasi, apunto, perché qualche maceta la resta. Del resto no dovessi esser un problema de età in quanto el disegno del adulto xe zà presente nel giovine metamorfosato.
Iùtime: quanto grande la iera e dove te la ga trovada?
mah ... a mi me par che cuei sia sasi de fiume e no riconoso el logo ... no so miga se xe a trieste mah ... il me semble que ce sont des pierres de rivière et je ne reconnais pas le lieu ... je ne sais pas s'il est à trieste mah ... it seems to me that those are river's stones and I don't recognize the place ... I don't know if it is in trieste
Senza vardar ben, i miei sospeti iera che fussi una Salamandra alpina (Salamandra atra).
Infati co' go leto Dobbiaco go dito: xe sicuro quela.
Ma a vardar mejo e senza pensar che se parlava de una salamandra, go capì che xe... un triton. Pol esser el Tritone alpino (Triturus alpestris) o el Tritone crestato (Triturus carnifex).
Entrambi, rispeto ala salamandra alpina, ga la pele granulosa e la sezione caudale evidentemente ellittica, come che se vedi nele foto, e po' la salamandra alpina xe completamente nera, mentre nele foto se vedi che soto la bestia xe colorada.
Fra i due son più propenso per el tritone alpino: sarìa più facile se i fussi in abito nuziale, ma a setembre non se pol pretender...